Labordai a Gweithdai Cynaliadwy

Effaith yn y labordy a’n rhaglen LEAF

Mae’r Brifysgol wedi ymrwymo i leihau ei hallyriadau carbon i sero carbon gan allyriadau Cwmpas 1 a 2 erbyn 2040, ynghyd â herio targedau Cwmpas 3. Er mwyn i ni gyflawni hyn bydd angen i ni ystyried sut rydyn ni’n gweithredu ym mhob ardal ar draws y Brifysgol, gan gynnwys labordai a gweithdai.

Beth gallwn ni ei wneud i wella cynaliadwyedd gweithrediadau ein labordai?

Drwy gydnabod effaith ein hymchwil, gallwn wella cynaliadwyedd ein gweithrediadau. Gallai ffyrdd o gyflawni hyn gynnwys: byddwch yn ymwybodol o'r holl weithdrefnau gweithredol sy'n berthnasol i'ch gweithgareddau, ystyriwch gyfleoedd ac effeithiau cynaliadwyedd yn eich ceisiadau am grantiau, ymunwch â'ch Rhwydwaith Diogelwch a Chynaliadwyedd lleol i rannu syniadau ar draws y Brifysgol.

Ymunwch â'n rhaglen achredu labordai cynaliadwy 'LEAF'

Mae LEAF yn agored i'r holl labordai ar y campws er mwyn helpu i leihau'r effaith amgylcheddol. Mae labordai sy'n ymuno â LEAF hefyd yn gallu cael mynediad at ein Cyrchu Cronfa Labordai Cynaliadwy sydd ar gael i gefnogi labordai i fod yn fwy arloesol a chynaliadwy.

Isod, ceir rhagor o wybodaeth am fanteision ymuno â LEAF, yn ogystal ag Awgrymiadau Euraidd am labordy cynaliadwy. Am ragor o wybodaeth a chyngor, darllenwch ein gweithdrefnau gweithredol neu ymunwch â LEAF i gyrchu ein pecyn adnoddau!

Manteision LEAF

Gallwch leihau eich effaith amgylcheddol drwy arbed allyriadau carbon ac adnoddau eraill.
Gallwch gael gwobr am eich ymdrechion cynaliadwy.
Mae'n rhaglen dan arweiniad defnyddwyr. Gallwch lenwi'r meini prawf a chyflwyno cais unrhyw bryd.
Gallwch wella'ch gobaith o gael arian gan gyrff allanol megis: yr MRC.
Gallwch ddefnyddio'r gronfa labordy cynaliadwy. Anfonwch e-bost at y tîm cynaliadwyedd am ragor o fanylion.

Canllawiau Call i leihau gwastraff plastig

Atal:

Ystyriwch gynlluniau i ddeunydd pecynnu; oes modd anfon y deunydd pecynnu yn ôl at y cyflenwr a'i ailddefnyddio?
Trafodwch opsiynau a dewisiadau eraill â'ch Swyddog Amgylchedd. Oes modd i chi newid i wydr yn lle plastig?
Cydgrynhowch archebion prynu. Oes modd i chi gysylltu â labordai eraill yn eich ardal ac archebu mwy ar y cyd?

Lleihau ac ailddefnyddio:

Dylech chi ddeall beth rydych chi'n ei ddefnyddio a'r maint ar draws prosiectau - oes modd i chi nodi meysydd lle gallwch ddefnyddio llai?
Oes modd i chi leihau maint y plastig sy'n cael ei ddefnyddio. Allech chi ddefnyddio tiwb llai neu brynu pecyn llai?
Oes modd i chi addasu dyluniad eich arbrofion?

Ailgylchu:

Dim ond ar ôl lleihau ac atal y dylid ystyried ailgylchu.Wrth brynu plastig, gwiriwch a oes modd ei ailgylchu ar ôl ei ddefnyddio.
A oes modd dadlygru'r plastig a'i ailgylchu? Gweler y 'daflen arweiniad ynghylch diheintio' am ragor o wybodaeth.
Edrychwch ar y cynlluniau ailgylchu yn y Brifysgol: blychau polystyren a blychau blaenau yn y nodiadau rheoli gwastraff WMGN34 Ailgylchu Plastig Labordai.

Awgrymiadau euraidd ar gyfer defnyddio cyfarpar

Offer Cyffredinol:

Sicrhau y caiff eich cyfarpar ei gynnal a chadw, ei galibro (os bydd yn berthnasol) a’i wasanaethu’n briodol, oherwydd y gall hyn estyn ei oes gwaith a sicrhau canlyniadau o safon well ichi yn y labordy.
Defnyddiwch ddeoryddion, cabinetau sychu ac awtoclafau pan fyddant yn llawn (pan fydd hyn yn bosibl) er mwyn defnyddio llai o ynni.

Cypyrddau Gwyntyllu:

Caewch ffenestr y lwfer mwg pan na fyddwch yn defnyddio’r lwfer.
Peidiwch â defnyddio’r lwfer mwg fel storfa; mae hyn yn effeithio ar y llif ac mae’n defnyddio mwy o ynni.

Storfeydd Oer:

Gwirio mesur effeithlonrwydd ynni’r cynnyrch er mwyn lleihau’r costau gydol oes.
Profwyd bod samplau’n cael eu storio’n ddiogel ar –70°C yn hytrach na –80°C, Mae hyn yn arbed tua £300 y flwyddyn o ran trydan i bob rhewgell ULT.

Astudiaethau achos labordai cynaliadwy / Mae labordai LEAF yn arwain drwy esiampl

Enghraifft o 4ydd llawr ILS1:

Prynodd y labordy hwn rifydd celloedd awtomataidd sy'n defnyddio sleidiau amldro yn hytrach na sleidiau plastig untro. Mae defnyddio'r sleidiau hyn yn rhan o ddulliau bob dydd yn y labordy ac felly yn lleihau'r defnydd o blastig yn sylweddol. Yn ogystal, mae cost oes gyfan y sleidiau amldro (os gofalir amdanynt) yn is na pharhau i brynu sleidiau untro. Dyma enghraifft dda o bryniant labordy a allai ddefnyddio'r gronfa Labordai Cynaliadwy (sydd ar gael drwy LEAF) i leihau eich effeithiau.

Enghraifft o 4ydd llawr ILS1:

Prynodd y labordy hwn rifydd celloedd awtomataidd sy’n defnyddio sleidiau amldro yn hytrach na sleidiau plastig untro. Mae defnyddio’r sleidiau hyn yn rhan o ddulliau bob dydd yn y labordy ac felly yn lleihau’r defnydd o blastig yn sylweddol. Yn ogystal, mae cost oes gyfan y sleidiau amldro (os gofalir amdanynt) yn is na pharhau i brynu sleidiau untro. Dyma enghraifft dda o bryniant labordy a allai ddefnyddio’r gronfa Labordi Cynaliadwy (sydd ar gael drwy LEAF) i leihau eich effeithiau.