Trosolwg o'r Cwrs
Sylwer: Mae’r cwrs hwn ar gyfer myfyrwyr rhyngwladol yn unig.
Gall myfyrwyr o'r DU ystyried ein graddau eraill mewn Busnes a Chyllid.
Mae ein Gradd Cyllid Busnes Rhyngwladol (Atodol), sydd wedi'i chynllunio ar gyfer myfyrwyr rhyngwladol, yn eich galluogi i adeiladu ar eich dysgu academaidd blaenorol a throsglwyddo'n uniongyrchol i flwyddyn olaf gradd anrhydedd yn y DU, gan ennill gradd baglor uchel ei pharch o brifysgol yn y DU sydd â chydnabyddiaeth academaidd ryngwladol.
Drwy gydol y rhaglen blwyddyn o hyd hon, byddwch yn cryfhau eich arbenigedd mewn arloesi ariannol ac yn gwella'r sgiliau arweinyddiaeth a gwneud penderfyniadau sydd eu hangen i ffynnu yn amgylchedd busnes byd-eang cyflym heddiw.Cewch brofiad o gymysgedd deinamig o fodiwlau cyllid a busnes sy'n dod â realiti ariannol byd-eang yn fyw, gan ddyfnhau eich dealltwriaeth o sut mae cwmnïau'n codi cyfalaf, yn gwneud buddsoddiadau strategol ac yn creu gwerth hirdymor, wrth archwilio marchnadoedd ariannol, arloesi, a rheoli risg ar draws ffiniau.Ochr yn ochr â hyn, byddwch yn meithrin sgiliau arweinyddiaeth a menter a fydd yn eich grymuso i feddwl yn strategol a rhagori mewn rolau rhyngwladol ar draws y sectorau bancio, buddsoddi a chorfforaethol.
Gyda ffocws cryf ar drylwyredd academaidd a chymhwyso yn y byd go iawn, mae ein gradd yn eich galluogi i ddatblygu’r y sgiliau dadansoddol, technegol a phroffesiynol sydd eu hangen i ffynnu mewn sefydliadau ariannol amlwladol, corfforaethau rhyngwladol, neu astudiaethau academaidd pellach.Gan adeiladu ar y sylfaen hon, bydd graddedigion ein Gradd BSc Cyllid Busnes Rhyngwladol (Atodol) yn gadael â set sgiliau gadarn mewn dadansoddi ariannol, meddwl strategol, a gwneud penderfyniadau moesegol, a byddant wedi'u paratoi'n dda ar gyfer ystod eang o raddau ôl-raddedig, gan gynnwys MSc Cyllid ac MSc Cyfrifeg a Chyllid Rhyngwladol.
