Cwestiynau Cyffredin i Rieni

Does dim rhwymedigaeth gyfreithiol i gyfrannu o gwbl; fodd bynnag, bydd Cyllid Myfyrwyr yn ystyried incwm yr aelwyd wrth gyfrifo hawl i grantiau a benthyciadau a’r cyfraniad tybiedig. Mae rhai rhieni’n dewis talu tuag at ffioedd dysgu, ac mae eraill yn helpu gyda rhent/llety neu’n talu swm penodol bob mis i gyfrif banc y myfyriwr er mwyn cynorthwyo gyda chostau byw pob dydd.

Gall gwariant amrywio, gan ddibynnu ar y lleoliad a dewisiadau ffordd o fyw. Mae gwariant wythnosol arferol yn cynnwys gwariant ar ben costau llety a biliau, megis bwyd, cymdeithasu, ffôn, teledu a deunyddiau astudio, ac mae’r myfyriwr nodweddiadol yn gwario tua £100 yr wythnos. Cliciwch yma am mwy awgrymiadau am gyllideb a rheoli cyllid myfyrwyr.

Mae Prifysgol Abertawe yn rhestru gofynion mynediad cyrsiau ar sail canlyniadau Safon Uwch, ond
rydym hefyd yn derbyn cymwysterau eraill megis BTEC a’r Fagloriaeth Ryngwladol. Mae rhestr lawn
ar gael yn ein prosbectws. Mae rhai cynlluniau gradd yn gofyn am bynciau Safon Uwch penodol a
bydd y manylion hyn ar gael ar dudalennau’r cyrsiau hynny ar ein gwefan ac yn ein prosbectws.

Adolygir ceisiadau fesul achos. Byddem yn cynghori eich plentyn i ddechrau gwirio UCAS Track
yn gyntaf - mae’n bosib ei fod eisoes wedi cael ei dderbyn. Os nad oes unrhyw benderfyniad clir,
dylai wirio ei negeseuon e-bost - mae’n bosib bod cwrs gwahanol wedi cael ei gynnig. Os nad oes
unrhyw arwydd bod penderfyniad wedi’i wneud o hyd, dylai gysylltu â’r Tîm Derbyn.

Mae Prifysgol Abertawe’n ymrwymedig i ddarparu amgylchedd dysgu a chymdeithasol diogel
ar gyfer ei myfyrwyr. Yn ogystal â staff diogelwch 24 awr, mae ein Wardeniaid Lles, a
Chynorthwyydd Bywyd Preswyl, ar gael i gynnig cymorth bugeiliol. Hefyd, mae Swyddogion yr
Heddlu a Swyddogion Cymorth Cymunedol yr Heddlu (PCSOs) ar ddyletswydd ar Gampws Parc
Singleton a Champws y Bae.