Momentwm - Gorffennaf 2023

Mae Prifysgol Abertawe'n barod i wneud cyfraniad allweddol at blatfform newydd sydd â'r nod o ddod â chryfderau'r DU wrth ymchwilio i glefydau prin ynghyd i feithrin dealltwriaeth a phennu diagnosisau a thriniaethau'n well ac yn gynt.

Mae ymchwil newydd, dan arweiniad Gwyddor Data Poblogaeth yn Ysgol Feddygaeth Prifysgol Abertawe, a gyhoeddwyd yn The Lancet Public Health, yn archwilio sut mae clefydau sy'n cydfodoli yn datblygu dros amser a sut maent yn effeithio ar ganlyniadau cleifion ac adnoddau gofal iechyd.

Mae deg ymchwilydd o Brifysgol Abertawe – traean o'r garfan eleni – wedi'u dewis ar gyfer Crwsibl Cymru 2023, rhaglen datblygu personol, proffesiynol ac arweinyddiaeth arobryn ar gyfer arweinwyr ymchwil y dyfodol yng Nghymru.

Dr Lella Nouri, mae arbenigwr mewn eithafiaeth sydd wedi cyfranogi mewn gweithgarwch cymunedol i wrthsefyll negeseuon casineb, wedi ennill gwobr am ei gwaith gan Gymdeithas Cydnabod Llwyddiant Menywod Cymreig Lleiafrifoedd Ethnig.

Mae gan yr Athro Emily Shepard ddiddordeb penodol mewn sut mae gwynt a thyrfedd yn effeithio ar lwybrau hedfan adar, pam a ble mae adar yn symud, a sut mae adar môr yn dewis ble i nythu.

Nod ymchwil yr Athro Simon Dymond's yw nodi'r rhai a allai fod mewn risg o niwed sy'n ymwneud â gamblo, ymchwilio i ddulliau niwro-ymddygiadol sy'n sail i ddechrau a chynnal problemau gamblo, a cheisio canfod ffyrdd o ddatblygu dulliau arloesol o driniaeth glinigol.

Drwy ei ymchwil, mae'r Athro Daniel Williams yn ymchwilio i fywyd Dylan Thomas sydd wedi ysbrydoli nifer o erthyglau a llyfrau cyhoeddedig, sioe amlgyfrwng wedi'i dathlu'n rhyngwladol a gwaith digideiddio daliadau archif a fu'n anhygyrch gynt.

Yn y bennod gyntaf o Archwilio Problemau Byd-eang, Tymor 3, mae Dr Alvin Orbaek White, mewn sgwrs â'r cyflwynydd Dr Sam Blaxland, yn datgelu ei weledigaeth chwyldroadol i greu technoleg gynaliadwy o blastig gwastraff ac yn esbonio sut mae nanodechnoleg yn trawsnewid y byd

Yn yr erthygl hon o The Conversation, mae Dr Richard Unsworth a Benjamin Jones yn pwysleisio pwysigrwydd amddiffyn ac adfer amgylcheddau arfordirol ac afonol i liniaru effaith achosion o wres eithafol a diogelu ecosystem forol y dyfodol.

Mae Dr Emily Lowthian yn Ddarlithydd yn yr Adran Astudiaethau Addysg a Phlentyndod, Ysgol y Gwyddorau Cymdeithasol. Mae ei diddordebau ymchwil presennol yn ymwneud â phrofiadau niweidiol yn ystod plentyndod (ACEs), niwed eilaidd defnydd sylweddau gan rieni, a phlant sy'n agored i niwed (e.e. plant sy'n derbyn gofal).

Mae Shroug Alotaibi yn fyfyriwr PhD yn yr Ysgol Reolaeth sy'n ymchwilio i symudedd rhyngwladol, ac yn benodol yr heriau a'r manteision sy'n gysylltiedig â mudo rhyngwladol at ddibenion gwaith.

Mae'r Ganolfan Deunyddiau Lled-ddargludol Integreiddiol (CSIM) yn fenter newydd, gan gynnwys cyfleuster ymchwil ac arloesi gwerth £29.9m, i ddod â phlatfformau lled-dargludyddion a deunyddiau uwch ynghyd i ymchwilio i dechnolegau a chynnyrch newydd a’u datblygu ar Gampws y Bae Prifysgol Abertawe.

Mae UKRPIF (Cronfa Buddsoddi Partneriaethau Ymchwil y DU) wedi dyfarnu £15m i Brifysgol Birmingham a chonsortiwm o brifysgolion yng Nghymru, gan gynnwys Prifysgol Abertawe, i sefydlu canolfan ymchwil ac arloesi rheilffyrdd newydd a fydd yn arwain y ffordd yn fyd-eang.

Mae ymchwilwyr o Ganolfan Arloesi a Gwybodaeth SPECIFIC a rhaglen COATED M2A ym Mhrifysgol Abertawe wedi cydweithio â Phrifysgol Caerfaddon i wneud cynnydd arloesol mewn ymchwil i storio thermol, gan ddatblygu deunydd effeithlon newydd sy'n hawdd ei uwchraddio ac y gellir ei fesur a'i siapio i gyd-fynd â chymwysiadau niferus.

Mae'r Athro Matt Jones yn aelod o'r tîm sy'n arwain cydweithrediad ledled y DU – a ariennir gan Ymchwil ac Arloesi yn y DU (UKRI) – sydd â’r nod o wneud y DU yn gyrchfan ac yn arweinydd byd-eang ym maes deallusrwydd artiffisial sy'n gweithio er budd y ddynolryw. Yn ogystal ag Abertawe, mae'r consortiwm yn dod ag ymchwilwyr ynghyd o brifysgolion Southampton, Nottingham, Caergrawnt, Coleg y Brenin Llundain, Prifysgol y Frenhines Belfast, Caeredin a Glasgow.