Mae Prifysgol Abertawe ymysg sefydliadau gorau'r byd yn 10 o'r 11 grŵp o bynciau yn Nhablau Prifysgolion y Byd Times Higher Education 2023.
Yn ogystal â pherfformio'n gryf mewn meysydd pwnc, mae Abertawe wedi cadw ei statws cyffredinol rhwng 251 a 300 yn fyd-eang.
Daw perfformiadau gorau Abertawe yn y tablau eleni yn y pynciau canlynol:
- Y Gyfraith, nas rhestrwyd o'r blaen, sydd yn y 67ain safle
- Addysg, nas rhestrwyd o'r blaen, sydd rhwng rhif 126 a rhif 150 yn y tabl
- Cyfrifiadureg, a restrir rhwng rhif 126 a rhif 150
Yn ogystal â'r ffaith bod dau bwnc newydd yn cael eu rhestru yn y tablau am y tro cyntaf, mae pum pwnc arall wedi gwella eu statws, ac mae dau bwnc wedi cadw statws sefydlog.
- Y Celfyddydau a'r Dyniaethau: 301–400
- Busnes ac Economeg: 151–175
- Pynciau Clinigol ac Iechyd: 251–300
- Cyfrifiadureg: 126–150
- Addysg: 126–150
- Peirianneg: 251–300
- Y Gyfraith: 67ain safle
- Y Gwyddorau Ffisegol: 201–250
- Seicoleg: 251–300
- Y Gwyddorau Cymdeithasol: 251–300
Meddai'r Athro Judith Lamie, Dirprwy Is-ganghellor dros Ymgysylltu Rhyngwladol: “Rwy'n falch iawn o weld bod y tablau byd-eang diweddaraf hyn yn ein gosod ymysg y prifysgolion mwyaf blaenllaw ar gyfer amrywiaeth mor eang o bynciau.
“Mae ein llwyddiant parhaus yn y tablau hyn a thablau cynghrair eraill ar gyfer sefydliadau yn y DU a sefydliadau rhyngwladol yn dangos ein bod yn perfformio'n well a bod ein henw da am ddarparu addysgu, ymchwil, boddhad myfyrwyr a rhagolygon gyrfa ardderchog yn lledaenu’n gyflym.”