Peirianneg Sifil, BEng (Anrh) / MEng (Anrh)

Darganfyddwch Abertawe yn ein Diwrnod Agored nesaf

Cadwch le heddiw
civil engineering class

Trosolwg o'r Cwrs

Mae peirianwyr sifil yn hanfodol i ddyluniad ein hamgylchedd adeiledig. O bontydd, twnneli a systemau cludiant, i adeiladau, amddiffynfeydd rhag llifogydd a gwaith rheoli dŵr, mae eu perfformiad yn hollbwysig i'r gymdeithas fodern.

Bydd y radd hon yn darparu sylfaen gadarn o ran dylunio a dadansoddi strwythurau peirianneg sifil. Byddwch yn datblygu sgiliau datrys problemau cymhleth, yn meithrin y gallu i fraslunio a modelu atebion peirianneg, ac yn dod yn hyderus wrth baratoi adroddiadau technegol.

Wrth i chi wneud cynnydd, bydd eich gallu dadansoddol sy'n datblygu yn cyfuno â phrofiad ymarferol, gan ddefnyddio offer o'r radd flaenaf, a byddwch yn datblygu sgiliau sy'n hanfodol er mwyn cael swydd yn y diwydiant peirianneg sifil. 

Pam Peirianneg Sifil yn Abertawe?

Byddwch yn astudio ar ein campws arfordirol, Campws y Bae, sy'n edrych dros Fae Abertawe ar drothwy penrhyn Gŵyr.

Byddwch yn cael eich addysgu gan dîm o academyddion sy'n weithredol o ran ymchwil a staff sydd â phrofiad eang yn niwydiant peirianneg sifil. Mae'r cyfuniad hwn yn sicrhau eich bod chi'n elwa o ymchwil arloesol a phrofiad ymarferol.

Byddwch hefyd yn elwa o gael mynediad at gyfleusterau uwch gyda labordai o'r radd flaenaf sy'n cefnogi profi arloesol ar draws y sectorau peirianneg sifil amrywiol. Mae gan y labordy hylifau gyfres o arbrofion i arddangos ymddygiad a phriodoleddau sylfaenol hylifau, yn ogystal â chafn arbrofol 5 metr gyda rhwyf tonnau ar gyfer astudiaethau go iawn. Mae ein labordy geomecaneg sydd â llawer o offer yn eich galluogi i ddadansoddi amrywiaeth eang o baramedrau pridd. Gallwch hefyd ddefnyddio ein hamrywiaeth soffistigedig o offer tirfesur Topcon er mwyn ennill profiad ymarferol cyn mynd i safleoedd.

Modiwlau

Rydym wedi gwella ein modiwlau i ddarparu profiad dysgu deniadol, wedi'i gynllunio i'ch helpu i ddatblygu'r sgiliau y mae cyflogwyr yn chwilio amdanynt. Darganfyddwch beth sydd ar gael a chael eich hysbrydoli gan y modiwlau y gallwch eu hastudio.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Mae gofynion mynediad yna i roi arweiniad i chi, nid i fod yn rhwystr, a bydd ein cynnig wedi cael ei deilwra ar eich cyfer chi a beth rydym yn meddwl y medrwch chi ei gyflawni.

Rydym yn gwybod bod pethau'n gallu newid wrth i chi fynd drwy'r siwrnai. Gallwch siarad â ni am eich cynnig ar unrhyw gyfnod a byddwn yn gwneud yn siŵr ei fod yn gynnig y medrwch chi ei gyflawni.

Eich Profiad Peirianneg Sifil

Mae'r rhaglen hon wedi'i dylunio i ddarparu taith ddysgu drefnus a chynyddol:

  • Lefelau 4 a 5: Darparu sylfaen gref mewn theori sylfaenol ac egwyddorion dylunio ar draws pob llwybr (dadansoddi strwythurol, hylifau, geodechneg, dylunio, trawsgludiad), gan ddatblygu'r sgiliau proffesiynol sydd eu hangen ar beiriannydd sifil hefyd.
  • Lefel 6: Byddwch yn astudio pynciau uwch sy'n gysylltiedig â phob llwybr, gyda phroblemau ymarferol o fyd diwydiant yn cynnig profiad. Mae'r prosiect dylunio hwn yn dod â gwybodaeth a thasgau a osodir gan beirianwyr sy'n gweithio ym myd diwydiant ar hyn o bryd ynghyd. Hefyd, byddwch yn ymgymryd â phrosiect unigol sy'n gysylltiedig ag arbenigedd yr adran.
  • Lefel 7 (MEng): Gallwch ddewis o brosiectau dylunio llawn sydd ar waith ym myd diwydiant ar hyn o bryd fel rhan o ymarfer dylunio grŵp blwyddyn o hyd sy'n efelychu gwaith peirianwyr sifil sy'n ymarfer. Caiff hyn ei gefnogi gan bynciau dylunio a modelu datblygedig mewn modiwlau eraill.

Wrth i chi wneud cynnydd, byddwch yn creu cysylltiadau agos â’r diwydiant sy'n datblygu'n gyflym. Byddwch yn dysgu am ymarfer dylunio cyfredol a'r safonau peirianneg diweddaraf. Byddwn yn meithrin eich sgiliau modelu cyfrifiadurol drwy eich annog i ddatblygu eich meddalwedd eich hun at ddiben dadansoddi problemau peirianneg sifil yn y byd go iawn. Bydd eich gallu dadansoddol sy'n datblygu yn cyfuno âphrofiad ymarferol, gan ddefnyddio offer o'r radd flaenaf a thechnegau modelu, a byddwch yn datblygu sgiliau sy'n hanfodol er mwyn cael swydd yn y diwydiant peirianneg sifil a mynd i'r afael â heriau peirianneg yn y dyfodol.

Gyrfaoedd a Chyflogadwyedd

Mae ein rhaglenni peirianneg sifil israddedig yn eich galluogi i fynd ymlaen i ennill statws Peiriannydd Siartredig gyda chyrff proffesiynol perthnasol (a all fod yn ddibynnol ar ddysgu ychwanegol os ydych chi'n astudio ar y rhaglen BEng).

Mae gan y radd hon gysylltiad cryf â byd diwydiant ac mae'n rhoi nifer o gyfleoedd i chi ennill profiad proffesiynol drwy gydol y radd. Yn ogystal â hyn, mae cyfleoedd datblygu gyrfa wedi'u hintegreiddio i asesiadau, gyda sgyrsiau cefnogol gan gyflogwyr a chyrff proffesiynol.

Caiff proffesiynoldeb ac ymddygiad moesegol eu cefnogi gan ddefnyddio'r egwyddorion a nodir yng nghôd ymddygiad proffesiynol Sefydliad y Peirianwyr Sifil (ICE).

Mae graddedigion Peirianneg Sifil yn Abertawe ar y trywydd cywir tuag at amrywiaeth o yrfaoedd ysgogol yn y dyfodol, a all fod mewn unrhyw sector peirianneg sifil. Mae enghreifftiau o rolau i raddedigion yn cynnwys gweithio fel:

  • Peiriannydd Safle
  • Peiriannydd Strwythurol
  • Peiriannydd Geotechnegol
  • Peiriannydd Priffyrdd
  • Peiriannydd Arfordirol
  • Peiriannydd Prosiectau

Hefyd mae ein graddedigion wedi mynd i weithio mewn cwmnïau mawr megis Atkins, Arup, Mott MacDonald, AECOM, Jacobs a WSP.

Er bod y rhaglen hon yn canolbwyntio ar ddatblygu'r sgiliau a'r wybodaeth sydd eu hangen i weithio fel peiriannydd sifil proffesiynol, gall gradd mewn peirianneg sifil hefyd fod yn ddefnyddiol mewn meysydd peirianneg cyfagos, ac mae galw mawr am y radd hon mewn sectorau masnachol ac ariannol. Mae'r radd hon hefyd yn sicrhau bod gennych chi'r gallu i fynd ymlaen i arbenigo mewn ymchwil mewn meysydd cysylltiedig.

Cer ar daith dywys o amgylch ein cyfleusterau

Peirianneg Sifil, BEng (Anrh)

Peirianneg Sifil gyda Blwyddyn Sylfaen, BEng (Anrh)

Peirianneg Sifil gyda Blwyddyn Dramor, BEng (Anrh)

Peirianneg Sifil gyda Blwyddyn mewn Diwydiant, BEng (Anrh)

Peirianneg Sifil, MEng (Anrh)

Peirianneg Sifil gyda Blwyddyn Dramor, MEng (Anrh)

Peirianneg Sifil gyda Blwyddyn mewn Diwydiant, MEng (Anrh)