Trosolwg o'r Cwrs
Mae cyllid a busnes cyfoes yn cael eu hategu gan fathemateg. Mae ein gradd BSc mewn Mathemateg ar gyfer Cyllid yn adlewyrchu'r cysylltiad agos rhwng mathemateg a byd diwydiant.
Drwy gydol eich astudiaethau byddwch yn datblygu sylfaen gadarn yng nghysyniadau sylfaenol mathemateg bur a mathemateg gymhwysol, yn ogystal â phrosesau stocastig a dadansoddi stocastig, sy'n ganolog ar gyfer cymwysiadau i gyllid.
Bydd eich dysgu yn cael ei lywio gan academyddion llawn ysbrydoliaeth ac o fri rhyngwladol sydd ag arbenigedd mewn ystod o bynciau, a byddwch yn astudio mewn mannau addysgu pwrpasol wedi'u cynllunio gan fathemategwyr ac ar eu cyfer.
Byddwch yn ymchwilio i'r ddamcaniaeth rhifau a astudiwyd gan Pythagoras a'r fathemateg ariannol y mae Wall Street yn dibynnu arni bob dydd, â sgiliau dadansoddol cryf, rhesymu rhesymegol a meddwl meintiol, gan adeiladu set ddymunol iawn o briodoleddau graddedigion a fydd yn eich gosod ben ac ysgwyddau uwchlaw eraill yn y farchnad gyflogaeth.
Mae'r cwrs hwn hefyd yn cynnig cyfle i chi astudio gan dreulio Blwyddyn Dramor neu Flwyddyn mewn Diwydiant.
