Trosolwg o'r Cwrs
Mae ein BA mewn Iaith Saesneg ac Ieithyddiaeth ym Mhrifysgol Abertawe yn cynnig archwiliad deinamig a chynhwysfawr o sut mae iaith yn gweithio, sut mae'n cael ei defnyddio a sut mae'n llywio ein bydoedd cymdeithasol a diwylliannol. Mae'r radd hon yn rhoi i chi’r sgiliau dadansoddol i ymchwilio i strwythur y Saesneg, o'i synau a'i gramadeg, i'r ystyron y mae'n eu cyfleu ar draws genres, cyweiriau a chyd-destunau byd go iawn.
Byddwch yn dysgu sut mae iaith yn cael ei chaffael, ei haddysgu a'i defnyddio mewn bywyd pob dydd, gyda phwyslais cryf ar ddimensiynau cymdeithasol, diwylliannol a moesegol cyfathrebu. Mae'r rhaglen hefyd yn mynd i'r afael â'r defnydd cyfrifol ac effeithiol o dechnolegau sy'n dod i'r amlwg, gan gynnwys AI, mewn meysydd sy'n gysylltiedig ag iaith.
Drwy astudio testunau a disgwrs o'r byd go iawn, mae myfyrwyr yn datblygu dealltwriaeth o sut mae dewisiadau ieithyddol yn adlewyrchu ystyr ac yn dylanwadu ar hynny. Bydd myfyrwyr yn graddio â sgiliau cyfathrebu, ymchwil a dadansoddol cryf, gan eich paratoi ar gyfer gyrfaoedd mewn addysg, ym myd cyhoeddi, y cyfryngau, technoleg iaith, a’r tu hwnt.
