1. Hafan
  2. Israddedig
  3. Cyrsiau Israddedig
  4. Cyrsiau Israddedig Ysgol Diwylliant a Chyfathrebu
  5. Cyrsiau Israddedig Hanes
  6. Hanes, BA (Anrh)

Hanes, BA (Anrh)

Darganfyddwch Abertawe yn ein Diwrnod Agored nesaf

Cadwch le heddiw
Students walking through Singleton Park

Trosolwg o'r Cwrs

Mae'r BA mewn Hanes ym Mhrifysgol Abertawe yn eich galluogi i ddatblygu sgiliau sy'n cael eu gwerthfawrogi gan gyflogwyr ar draws ystod eang o sectorau a gyrfaoedd, wrth archwilio dros 1,500 o flynyddoedd o hanes, o gwymp yr Ymerodraeth Rufeinig hyd at y presennol.

Bydd gennych gyfle i arbenigo mewn cyfnodau penodol o hanes, megis Prydain fodern, Ewrop a'r Unol Daleithiau neu'r Oesoedd Canol. Byddwch hefyd yn gallu canolbwyntio eich astudiaethau ar themâu sy'n croesi gwahanol gyfnodau hanesyddol, gan gynnwys Rhyw a Rhywedd, Ymerodraeth a Chenedlaetholdeb, Chwyldroadau, Meddygaeth ac Anabledd, a'r Amgylchedd.

Drwy gyfrwng dulliau asesu arloesol sy'n ymestyn y tu hwnt i draethodau traddodiadol, mae'r cwricwlwm yn eich helpu i feithrin sgiliau ar gyfer y byd gwaith a chwblhau tasgau mewn ffyrdd sy'n cyd-fynd â'ch cryfderau. Bydd gennych hefyd gyfle i gymhwyso eich sgiliau ac ennill profiad gwaith drwy fodiwl lleoliad gwaith dewisol, ac yn eich blwyddyn olaf byddwch yn cynnal eich ymchwil wreiddiol eich hun ar bwnc o'ch dewis fel rhan o'ch traethawd hir.

Dyfarniadau a Safleoedd

* Yn seiliedig ar ddata Hynt Graddedigion 2023/2024
** Hanes

Pam Hanes yn Abertawe?

Mae ein darlithwyr yn awduron ac ymchwilwyr hanes o fri rhyngwladol sy'n frwd dros rannu eu gwybodaeth gyda'n myfyrwyr a'r gymuned ehangach, fel rhan o amgylchedd dysgu lle mae pawb yn dysgu oddi wrth ei gilydd. Byddwch yn gallu ymgysylltu â'r ymchwil hanesyddol ddiweddaraf wrth iddi gael ei chynnal.

Mae'r Adran Hanes wedi ymrwymo i'ch helpu i gyflawni eich potensial llawn. Rydym yn ymroddedig i feithrin eich chwilfrydedd a datblygu eich sgiliau, ac i gefnogi hyn byddwch yn derbyn cymorth un-i-un gan academyddion profiadol i'ch cynorthwyo gyda'ch astudiaethau a'ch asesiadau.

Eich Profiad Hanes

Mae'r radd yn seiliedig ar dri phrif llinyn sy'n datblygu gyda'i gilydd drwy bob lefel astudio:

  1. Mae'r radd yn pwysleisio perthnasedd y gorffennol i'r byd heddiw. Mae'r modiwlau'n eich annog i ofyn cwestiynau am y berthynas rhwng y gorffennol ar un llaw, a'r presennol a'r dyfodol ar y llaw arall.
  2. Mae'r rhaglen yn eich galluogi i ennill, datblygu a mireinio sgiliau trosglwyddadwy ymchwilio hanesyddol. Mae'r rhain yn cynnwys y gallu i gynllunio, cynnal a gwerthuso gwybodaeth, cyfathrebu syniadau a dadleuon mewn amrywiaeth o ffyrdd, meddwl yn greadigol gan ddefnyddio dadleuon sy'n seiliedig ar dystiolaeth, a gweithio'n annibynnol ac ar y cyd ag eraill.
  3. Addysgir y cwricwlwm mewn ffordd sy'n cryfhau ac yn ehangu eich cyflogadwyedd, gan eich helpu i ddatblygu rhinweddau graddedig y gellir eu defnyddio mewn gyrfaoedd ar draws ystod eang o broffesiynau.

Modiwlau

Rydym wedi gwella ein modiwlau i ddarparu profiad dysgu deniadol, wedi'i gynllunio i'ch helpu i ddatblygu'r sgiliau y mae cyflogwyr yn chwilio amdanynt. Darganfyddwch beth sydd ar gael a chael eich hysbrydoli gan y modiwlau y gallwch eu hastudio.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Gyrfaoedd a Chyflogadwyedd

Bydd graddedigion â BA Hanes yn meddu ar ystod o sgiliau trosglwyddadwy, gan gynnwys sgiliau meddwl yn feirniadol annibynnol, sgiliau dadansoddi a'r gallu i brosesu a syntheseiddio llawer iawn o wybodaeth a chymryd rhan mewn trafodaethau hanesyddol.

Bydd ganddynt hefyd sgiliau cyfathrebu llafar ac ysgrifenedig rhagorol ynghyd â'r gallu i feddwl yn ddargyfeiriol;  i ddadansoddi digwyddiadau yn y gorffennol a defnyddio'r dadansoddiad hwn i lywio eu dealltwriaeth o faterion cyfoes a chymdeithas heddiw. Mae'r sgiliau hyn yn drosglwyddadwy ar draws nifer o ddiwydiannau sy'n canolbwyntio ar gymdeithasau presennol, yn enwedig busnes, gwleidyddiaeth a'r byd academaidd. 

Drwy ddeall yn well sut mae busnesau a'r sectorau creadigol yn defnyddio hanes er mwyn creu cyfoeth, ac yn ei ddefnyddio mewn amgylcheddau masnachol, mae ein myfyrwyr yn dechrau yn y gweithle gyda dealltwriaeth gadarn o foeseg a goblygiadau defnyddio’r gorffennol i ddehongli’r presennol.

Gall y BA Hanes eich paratoi i symud i ystod o swyddi lefel raddedig, gan gynnwys:

  • Y Gwasanaeth Sifil, addysg a sefydliadau hanes a threftadaeth, gan gynnwys amgueddfeydd
  • Rolau polisi ym maes eang diwylliant a hamdden
  • Addysg (drwy TAR)
  • Y Cyfryngau a chysylltiadau cyhoeddus
  • Ystod eang o rolau'n defnyddio sgiliau meddwl yn feirniadol uwch yn ogystal â phrofiad gwaith ymarferol e.e. rheoli digwyddiadau.
  • Astudiaethau academaidd pellach mewn hanes a disgyblaethau a gyrfaoedd cysylltiedig yn y byd academaidd
Ymgeisio Cadwch Mewn Cysylltiad

Darganfyddwch eich prifysgol

Ewch ar rithdaith

Two students walking around campus

Prosbectws Israddedig

Prosbectws Israddedig

Astudio trwy'r Gymraeg

welsh medium

Sgwrsiwch â Myfyriwr Cyfredol

Dau fyfyriwr wrth gyfrifiadur
Cynigion wedi'u gwarantu*
Ymwadiad Rhaglen

Hanes, BA (Anrh)

Hanes gyda Blwyddyn Sylfaen, BA (Anrh)

Hanes gyda Blwyddyn Dramor, BA (Anrh)

Hanes gyda Blwyddyn mewn Diwydiant, BA (Anrh)