Canllaw Cyflym Ôl-raddedig Seicoleg

Mae ein gradd meistr Seicoleg Glinigol ac Iechyd Meddwl yn ymdrin ag amrywiaeth o bynciau craidd gan gynnwys anhwylderau bwyta, seicopathi a throseddau rhywiol, niwroseicoleg, a seicotherapi i gyd wedi'u hategu gan ddulliau ystadegol ac ymchwil allweddol. Bydd y cwrs hwn yn eich arfogi â dealltwriaeth ddamcaniaethol ac ymarfer seicoleg mewn lleoliadau gofal iechyd.

Ewch i'n Tudalen Cwrs

• Seicoleg Glinigol ac Iechyd Meddwl, MSc

Bydd MSc Niwrowyddoniaeth Wybyddol yn eich helpu i ddatblygu eich gyrfa ac mae'n bont berffaith o'ch astudiaethau israddedig i PhD. Byddwn yn eich arfogi â'r sgiliau i ddylunio, dadansoddi a gwerthuso arbrofion niwroddelweddu. Byddwch yn dod i ddeall mecanweithiau'r ymennydd sy'n sail i agweddau ar wybyddiaeth ac ymddygiad.

Ewch i'n tudalen Cwrs:

• Niwrowyddoniaeth Wybyddol, MSc

Bydd Dulliau Ymchwil mewn Seicoleg yn dysgu amrywiaeth o sgiliau ymchwil i chi, ac yn eich dysgu i ddefnyddio offer ymchwil fel cronfeydd data, meddalwedd ystadegol a rhaglenni cyfrifiadurol. Mae ein profiad o droi ein gwyddoniaeth o ymchwil i effaith y byd go iawn ar gleifion a chymdeithas, mae ein gwybodaeth ymchwil helaeth yn cael ei gymhwyso'n uniongyrchol i'ch profiad dysgu ac addysgu.

Ewch i'n tudalen Cwrs:

• Dulliau Ymchwil mewn Seicoleg, MSc

Bydd ein gradd meistr mewn Seicoleg Fforensig yn rhoi sylfaen drylwyr i chi mewn Seicoleg Fforensig yn ôl yr angen ar gyfer hyfforddiant Cam 1 fel seicolegydd fforensig. Bydd ein gradd meist a achredwyd gan Gymdeithas Seicolegol Prydain yn eich dysgu i ddatblygu a chymhwyso gwybodaeth seicoleg i ymchwiliad troseddol.

Ewch i'n Tudalen Cwrs:

• Seicoleg Fforensig, MSc

“Roedd yn wych cwrdd â chymaint o bobl a oedd yn teimlo mor frwd dros wella gwasanaethau iechyd meddwl a mwynheais ryngweithio â staff academaidd a thrafod gwahanol brosiectau ymchwil yr oeddent yn eu cynnal. Fe wnes i fwynhau cynllunio a chynnal fy mhrosiect ymchwil fy hun yn fawr. Roedd fy ngoruchwyliwr yn gefnogol i'm holl syniadau ac yn fy annog i ddewis pwnc yr oeddwn yn teimlo'n angerddol amdano. Fe wnes i hefyd fwynhau'r pwnc eang y mae'r cwrs yn ei gwmpasu, gan fy mod i'n gallu dysgu mwy am gyflyrau a thriniaethau iechyd meddwl nad ydyn nhw fel arfer yn cael eu cynnwys mewn graddau israddedig."

'Rwyf wedi meithrin gwybodaeth a chael profiadau mor amrywiol a fyddai wedi bod yn amhosib yn rhywle arall yn fy marn i. Mae cwblhau doethuriaeth yn newid eich meddylfryd er gwell – yn eich bywyd personol yn ogystal â'ch bywyd academaidd. Rwy'n ystyried fy mod i'n berson gwell a mwy cyflawn ar ôl cael y profiad o wneud doethuriaeth nag oeddwn i gynt. Rhaid meddwl yn feirniadol ar lefel sydd ymhell y tu hwnt i unrhyw beth roeddwn i wedi ei wneud o'r blaen, gan fy ngwneud yn berson mwy creadigol a hyblyg.'

Darganfod mwy am Stori myfyriwr Jess

'Rwyf wedi bod yn astudio yn Abertawe ers fy ngradd israddedig mewn Seicoleg, sef oddeutu pum mlynedd. Rwy'n teimlo bod cymuned ymchwil gref iawn yn Abertawe ac rwy'n freintiedig i fod yn rhan o grŵp Maeth, Blas a Gwybyddiaeth Abertawe (SNAC). Ar ben hynny, cefais i gymorth gwych gan y staff drwy gydol fy amser yn Abertawe.'

Darganfod mwy am stori myfyriwr Tennessee

'Wrth wneud cais i astudio yn y brifysgol, Abertawe oedd fy newis cyntaf. Cefais fy nenu gan frwdfrydedd staff a myfyrwyr yr adran seicoleg, a pha mor barod oeddent i gynnig cymorth. Gwnaeth astudio ar gyfer doethuriaeth yn Abertawe hefyd gynnig parhad i mi oherwydd roeddwn eisoes yn gyfarwydd â'r ganolfan drawsgrifio a staff yr adran seicoleg, ac mae'r ddau dîm eisoes wedi bod yn anhygoel o ran deall fy anghenion fel myfyriwr sydd â nam ar ei golwg.'

Darganfod mwy am stori myfyriwr Kirsty

'Yn wreiddiol, roeddwn yn bwriadu dilyn llwybr mwy clinigol ond trwy gydol fy ngradd israddedig, sylweddolais i mai ymchwil oedd yr hyn oedd wir yn fy ysbrydoli a’m diddori. Yn ogystal, roedd fy mhwnc ymchwil o ddiddordeb arbennig i mi gan fy mod wedi sylwi bod fy symptomau ADHD fy hun yn gwella pan oeddwn yn gwneud mwy o ymarfer corff, ond pan es i ati i chwilio am ymchwil amdano, ychydig iawn oedd i’w chael. Felly, roedd gwneud fy ymchwil fy hun i’r pwnc yn cyfuno fy niddordebau proffesiynol a phersonol.'

Darganfod mwy am stori myfyriwr Rory

'Des i i Brifysgol Abertawe yn y lle cyntaf fel myfyriwr israddedig ar y cwrs BSc mewn Seicoleg. Yn ystod ail flwyddyn fy astudiaethau, gwnes i gwblhau interniaeth haf wedi'i hariannu gan Gymdeithas Seicolegol Prydain gyda Dr Laura Wilkinson. Rhoddodd y swydd hon brofiad i mi o weithgareddau beunyddiol ymchwilydd, a ches i fy annog i gyflwyno cais am ysgoloriaeth ymchwil 1+3 wedi'i hariannu gan Bartneriaeth Hyfforddiant Doethurol Cymru ESRC. Yn ddiweddar, gwnes i gwblhau a chyflwyno fy nhraethawd ymchwil PhD, cyn dechrau fy swydd ôl-ddoethurol bresennol.'

Darganfod mwy am stori myfyriwr Rochelle

'Rwyf wedi manteisio ar lawer o gyrsiau ardderchog a gynhelir gan y Ganolfan Llwyddiant Academaidd a'r tîm Datblygu a Hyfforddi Sgiliau Ôl-raddedig. Mae'r rhain wedi fy helpu i fagu sgiliau mewn nifer o feysydd.

Mae fy ngoruchwyliwr, yr Athro Nicola Gray, hefyd wedi rhoi cyfleoedd cyhoeddi ac ymchwil ychwanegol i mi. Hyd yn hyn, rwyf wedi cyhoeddi pedair erthygl a adolygwyd gan gymheiriaid, ac rwyf wedi bod yn gweithio fel rhan o dîm ymchwil yr Athro Gray ar brosiect ymchwil ar y cyd â'r GIG, gan fapio effaith pandemig Covid-19 ar les seicolegol poblogaeth Cymru.'

Darganfod mwy am stori myfyriwr Jennifer 

'Yn academaidd, mae gan Abertawe rai o'r darlithwyr ac academyddion gorau yn eu maes, sy'n hapus i roi unrhyw gefnogaeth a chyngor i chi. Rydw i wedi mwynhau’r cwrs yn fawr, roeddwn i’n teimlo bod ganddo gydbwysedd perffaith rhwng bywyd a gwaith a oedd yn atal fy lefelau straen (y rhan fwyaf o’r amser).

Mae gan Abertawe gymaint o gymdeithasau at ddant pawb ac mae timau chwaraeon a chyfleoedd chwaraeon yn cael eu cefnogi'n aruthrol gan y brifysgol. Rwyf wedi mwynhau bod yn rhan o Gymdeithas Codi Hwyl Prifysgol Abertawe.

Dawns yr Haf yw fy hoff ddigwyddiad o’r flwyddyn, sy’n cael ei redeg gan ein Hundeb Myfyrwyr anhygoel, sy’n rhoi cyfle i bawb ddathlu diwedd y flwyddyn.

Mae Abertawe fel lle, yn lleoliad gwych ar gyfer prifysgol, mae'n ddinas fach felly mae'n hawdd llywio'ch ffordd o gwmpas, yn enwedig gyda'r holl lwybrau bysiau sy'n mynd trwy'r brifysgol.'

Darganfod mwy am stori myfyriwr Emma

'Caniataodd y cwrs meistr i mi ymhelaethu ar fy niddordebau ymchwil ac archwilio dulliau ymchwil newydd nad oeddwn wedi'u gwneud o'r blaen. Gan y gall y dosbarthiadau fod yn llai weithiau, byddwch yn cael mwy o gyfle i siarad â'ch goruchwyliwr a'ch darlithwyr, ac mae'n helpu pan fydd gennych eisoes rywfaint o ddealltwriaeth o seicoleg gan eich gradd israddedig. Mae prosiect ymchwil meistr yn lle gwych i wella'ch sgiliau ymchwil, ac edrych ymhellach ar bwnc ymchwil y gallai fod gennych ddiddordeb ynddo.

Mae'n bendant yn fanteisiol cael meistr. Mae'n rhoi mantais i chi yn y farchnad sydd eisoes yn gystadleuol sef seicoleg. Gall olygu eich amser i ennill sgiliau pellach. O fewn cyrsiau fel hyn, yn enwedig mewn seicoleg, gallwch chi hefyd ddatblygu cysylltiadau da fel y gwnes i, ac, wrth wneud hynny, cael cefnogaeth anhygoel.'

Darganfod mwy am stori myfyriwr Adrienne

'Rydw i'n astudio Seicoleg Glinigol. Rydw i'n meddwl fy mod i'n hoffi gwybod sut mae'r meddwl yn gweithio. Y math o reolaeth y gall un meddwl ei gael dros fywyd unigolyn, sut mae ambell air caredig neu angharedig gan ffrind neu ddieithryn yn gallu troi bywyd rhywun ar ei ben yn llwyr – mae bron fel astudio hud a lledrith.'

Darganfod mwy am stori myfyriwr Deshna

'Fy hoff beth am fy nghwrs yw'r ffordd y caiff y modiwlau eu categoreiddio. Mae gan yr anhwylderau a'r therapïau gwahanol rydw i wedi'u hastudio eu modiwlau penodol eu hun. Rwy'n mwynhau dysgu am bob un ohonynt yn y ffordd fwyaf manwl bosibl. Mae'r gyfadran a'r staff yn hynod o gymwynasgar hefyd. Mae gen i gefnogaeth gyson gan fy academyddion yn ogystal â mentora er gwaethaf Covid. Mae fy nghwrs yn ddiddorol iawn, ac rwy'n dwlu ar yr arbenigedd. Mae'r cwrs wedi fy hybu i fynd y tu hwnt i'r hyn rydw i wedi'i ddysgu'n ddamcaniaethol a chymhwyso'r wybodaeth a gafwyd yn ymarferol drwy hyfforddiant ymarferol. Mae'r cwrs wedi fy helpu i gaffael a meithrin sgiliau fel amynedd a chysondeb.'

Darganfod mwy am stori myfyriwr Vismaya

'Roedd y cwrs Seicoleg Glinigol ac Iechyd Meddwl yma yn Abertawe i'w weld yn berffaith ar gyfer y rhai oedd â diddordeb mewn ymchwilio'n ddyfnach i fyd Seicoleg. Yn ogystal â’r cyfle i ddatblygu fy natblygiad personol a phroffesiynol ymhellach o dan oruchwyliaeth rhai o academyddion gorau’r maes, teimlai’r penderfyniad i astudio yma fel dilyniant naturiol i ysgol raddedig.'

Darganfod mwy am stori myfyriwr Jemma