Ffiseg Ddamcaniaethol, MPhys (Hons)

Byddwch yn dilyn llwybr gradd sy'n cynnwys y modiwlau 10 credyd gorfodol a dewisol canlynol, ac eithrio modiwl prosiect 60 credyd yn eich blwyddyn olaf.

Safon Uwch: graddau AAA-AAB i gynnwys Mathemateg a Ffiseg.

Bagloriaeth Cymru: Mae'r gofynion yr un fath ag ar gyfer Safon Uwch lle gallwch gyfnewid yr un radd heb fod mewn pwnc penodol am Radd Graidd Lefel Uwch Bagloriaeth Cymru.

BTEC: DDD-DDM a gradd A mewn Ffiseg ar Safon Uwch. Hefyd, disgwylir i ymgeiswyr ddangos sgiliau mathemateg sy'n cyfateb i radd B ar Safon Uwch, neu efallai gwell mewn cyfweliad.

Scottish Highers: ABBBC i gynnwys A mewn Mathemateg.

Y Fagloriaeth Ryngwladol: 36-34 i gynnwys o leiaf 6 mewn Mathemateg Lefel Uwch a 6 mewn Ffiseg Lefel Uwch.

IELTS 6.0 (gyda lleiafswm o 5.5 ymhob elfen) neu brawf Saesneg cyfatebol.

Caiff pob cais ei ystyried yn unigol a byddwn yn edrych ar y cais cyfan wrth benderfynu cynnig lle ai peidio, gan gynnwys: cydbwysedd, natur ac ansawdd y pynciau Safon Uwch, Uwch Gyfrannol a TGAU (neu gyfwerth); y datganiad personol a sylwadau'r canolwr.

• Cewch eich addysgu drwy gyfuniad o ddarlithoedd, gwaith labordy, dosbarthiadau enghreifftiol a dosbarthiadau wythnosol mewn grŵp bach. Gallwch ddewis o blith amrywiaeth eang o brosiectau ymchwil, a chewch eich goruchwylio gan ymchwilwyr blaenllaw yn y maes.
• Cewch eich asesu drwy amrywiaeth o ddulliau, gan gynnwys arholiadau, gwaith labordy a phrosiectau ymchwil.

Mae hawl gennych i ysgrifennu a chyflwyno eich gwaith cwrs ac i sefyll eich arholiadau yn y Gymraeg, hyd yn oed os ydych wedi dewis dilyn modiwlau cyfrwng Saesneg. Hefyd mae’n bosib i chi ddewis cael cyfweliad trwy gyfrwng y Gymraeg wrth ymgeisio am le.

Darperir rhai elfennau o’r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Bydd parhau i astudio trwy’r Gymraeg wedi i chi adael yr ysgol neu’r coleg yn ddatblygiad naturiol i chi ac yn fodd o sicrhau eich cyfle i gael yr addysg orau. Bydd hefyd yn ychwanegiad gwerthfawr i’ch CV a’ch datblygiad gyrfaol. Mae cyfleoedd ar gael i fyfyrwyr sy’n rhugl ac yn hyderus yn yr iaith yn ogystal ag i’r rhai sy’n llai hyderus neu sy’n ddysgwyr. Mae’n bosibl hefyd ddewis dosbarthiadau seminar a thiwtorial cyfrwng Cymraeg ar gyfer modiwlau sy’n cael eu dysgu yn bennaf drwy gyfrwng y Saesneg.

Mae'r cwrs hwn wedi'i achredu gan y Sefydliad Ffiseg. Hefyd, mae gan yr adran Ffiseg statws Ymarferydd Juno.

Cewch eich addysgu gan ddarlithwyr o'r radd flaenaf sydd i gyd yn ymchwilwyr gweithredol. Mae eu gweithgareddau ymchwil mewn meysydd fel diagnosis anfewnwthiol o ganser y coluddyn a monitro lefelau asideiddio cefnforoedd gan ddefnyddio nano-ronynnau yn helpu i newid y byd er gwell.

Yr Athro Ken Meissner – Pennaeth Adran

Yr Athro Peter Dunstan – Cyfarwyddwr y Rhaglen

Dr James Bateman – Tiwtor Derbyniadau

Dr Carlos Nunez – Tiwtor Derbyniadau

Gweler yr holl staff Ffiseg 

Y ffioedd dysgu blynyddol ar gyfer blwyddyn academaidd 2020/21 fydd:

Gellir codi ffioedd myfyrwyr Israddedig y DU/UE llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr rhyngwladol Israddedig yn cynyddu 3% ar gyfer pob blwyddyn ddilynol o astudio.

Yn ystod blwyddyn ryngol (e.e. blwyddyn mewn diwydiant, blwyddyn dramor neu flwyddyn lleoliad), bydd ffi is yn gymwys. Am ragor o wybodaeth ewch i'n tudalen ffioedd dysgu.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Parcio yn y cae hamdden a theithio i'r campws ac oddi yno
• Argraffu, llungopïo, costau deunyddiau a chyfarpar ysgrifennu (e.e. cof bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

Nid yw’r ffioedd dysgu’n talu am gostau prynu llyfrau neu nwyddau ysgrifennu, argraffu, rhwymo traethawd ymchwil na llungopïo.

Nid oes costau ychwanegol gorfodol wedi’u nodi ar gyfer y cwrs hwn.

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Caiff graddedigion Ffiseg eu rhoi ar ben y ffordd i gael cyfleoedd cyflogaeth sy'n llawn boddhad. Bydd gyrfaoedd yn unrhyw rai o'r meysydd canlynol ar agor i chi.

• Gwyddoniaeth Niwclear
• Meteoroleg
• Gwyddor Ymchwil
• Awyrofod ac Amddiffyn
• Ffiseg Meddygol
• Modelu Ariannol
• Peirianneg Systemau
• TG a Pheirianneg Meddalwedd
• Addysg ac Addysgu Gwyddoniaeth

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein darlithwyr yn dilyn polisi ‘drws agored’ felly gallwch sgwrsio â nhw am unrhyw bryderon sydd gennych. Nid oes rhaid i'r rhain ymwneud â'r cwrs yn unig; mae ein staff academaidd ar gael i'ch helpu gydag unrhyw beth yn ystod eich amser ym Mhrifysgol Abertawe.

Mae gan bob cwrs gynrychiolydd myfyrwyr. Mae'r cynrychiolwyr yno i sicrhau bod llais pob myfyriwr yn cael ei glywed. Eu rôl yw gwrando ar eich barn ac adrodd yn ôl, mynychu cyfarfodydd rheolaidd a gwneud yn siŵr bod y bobl sy'n gallu gwneud newidiadau yn gwrando ar y bobl sydd wir yn bwysig – chi!

Rydym yn cynnig mentora academaidd a mentora cyfoedion. Caiff Mentor Academaidd ei neilltuo i bob myfyriwr ar ein cyrsiau gradd, ac nid yn unig y bydd y Mentor yn cynnig arweiniad academaidd i chi, ond bydd hefyd yn rhoi cyngor ar gael gafael ar gymorth gyda phroblemau personol. Mae ein Cynllun Mentora Cyfoedion ar waith er mwyn helpu myfyrwyr newydd i ymgartrefu yma ym Mhrifysgol Abertawe. Byddwch yn cael cyfle i siarad â'ch mentor a fydd yn gallu dweud wrthych am ei brofiadau fel myfyriwr, a gallwch hefyd sgwrsio am fywyd fel myfyriwr. Mae'r cynllun mentora cyfoedion yn ffordd wych o gwrdd â myfyrwyr ac ehangu eich cylch o ffrindiau tra byddwch yn Abertawe.

Gallwch hefyd gael cymorth gyda phroblemau personol gan ein hystod eang o wasanaethau cymorth i fyfyrwyr, fel CampusLife, Gwasanaethau Cymorth Cynhwysol i Fyfyrwyr a'r Ganolfan Llwyddiant Academaidd.

Efallai bod gennych eisoes y cyfle i astudio neu weithio dramor fel rhan o’ch gradd, ond gallwch hefyd ystyried rhaglen haf ryngwladol.

Mae'r rhaglenni ar agor i fyfyrwyr israddedig y Brifysgol ac ymhlith yr opsiynau mae teithiau astudio a diwylliannol, rhaglenni gwirfoddoli ac interniaethau ledled gwledydd tramor fel Tsieina, Sambia, De Corea, Siapan, Ewrop a Chanada. Fel rheol, mae rhaglenni dros gyfnod o 2 – 6 wythnos ac mae cyllid ar gael. Am fwy o wybodaeth ewch i Rhaglenni Haf.

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Ar ein rhaglen Ffiseg gyda blwyddyn mewn diwydiant, byddwch yn gwella eich rhagolygon gyrfa sy'n cyfuno dysgu yn y dosbarth gyda lleoliad diwydiannol blwyddyn o hyd, mewn diwydiant o'ch dewis chi. Gan ddefnyddio'ch meddylfryd dadansoddol a beirniadol byddwch yn canolbwyntio eich trydedd flwyddyn mewn lleoliad diwydiannol, gan gyfuno'ch holl sgiliau mewn amgylchedd gwaith. Byddwch yn ennill profiad diwydiant go iawn gan rwydweithio a chydweithio gyda gweithwyr proffesiynol y diwydiant.