Mae academyddion yng Nghyfadran Meddygaeth, Iechyd a Gwyddor Bywyd y Brifysgol wedi canfod y gellid defnyddio'r cyffur, sef canagliflozin (a adwaenir fel Invokana hefyd), i drin anhwylderau awtoimiwnedd megis arthritis gwynegol ac erythematosus lwpws systemig gan ei fod yn targedu celloedd T, sy'n rhan hanfodol o'r system imiwnedd.
Darllen mwy
Mae effeithiolrwydd chwaraeon fel ffordd o fynd i'r afael â throseddau ieuenctid wedi cael ei ddadansoddi gan academyddion o Gymru yn Sefydliad Gweithgarwch Corfforol, Iechyd a Chwaraeon Cymru (WIPAHS) a bydd eu canfyddiadau bellach yn cael eu defnyddio er mwyn helpu i lywio arweinwyr yr heddlu.
Mae ffilm i ddisgyblion ysgol am doddi iâ yn Antarctica a lefel y môr yn codi, a wnaed gan dîm sy’n cynnwys arbenigwr pegynol yr Athro Adrian Luckman o Brifysgol Abertawe, wedi ennill Gwobr Arian nodedig The Geographical Association (GA).
Mae Dr Jason Webber, o Ysgol Feddygaeth Prifysgol Abertawe, wedi derbyn cyllid gwerth mwy na £400,000 ar gyfer ymchwil a fydd yn ceisio creu math newydd o brawf gwaed anfewnwthiol ar gyfer canser y prostad, er mwyn helpu i ganfod canser y prostad yn gynharach yn ogystal ag osgoi biopsïau diangen a allai fod yn niweidiol.
Drwy ddarparu hyfforddiant datblygu sgiliau digidol ar gyfer unigolion a sefydliadau yn Abertawe, mae prosiect PEDALS dan arweiniad yr Athro David Turner yn mynd i'r afael â'r heriau a wynebir gan bobl ar y cyrion yn y gymuned ac yn gwella bywydau pobl sy'n byw ac yn gweithio yn y ddinas.
Mae Dr Aimee Grant, academydd awtistig, ar y cyd ag ymchwilwyr yn LIFT (Centre for Lactation, Infant Feeding and Translational Research), Autistic UK a Thriniaeth Deg i Fenywod Cymru, wedi bod yn gweithio gyda phobl awtistig i ddeall y gwahaniaethau ym mhrofiadau gofal iechyd pobl awtistig, gan gynnwys mewn perthynas â beichiogrwydd, colli beichiogrwydd a bwydo ar y fron.
Mae'r Athro Nick Rich, yr Athro Gareth Davies a Dr Gary Walpole o Brifysgol Abertawe'n cydweithio ar bortffolio uchelgeisiol o ymchwil ym maes rheoli gweithrediadau, arloesi sefydliadol a'r gadwyn gyflenwi er mwyn creu gwasanaeth iechyd a gofal economaidd sy'n gynaliadwy'n amgylcheddol i'r gymuned.
Yn y bennod hon o Archwilio Problemau Byd-eang, mae Dr Matt Wall, Dr Richard Thomas, a'r Athro Jonathan Bradbury yn trafod eu gwaith ar ymgysylltu gwleidyddol, y rhyngrwyd a barn y cyhoedd, datganoli, ac a yw adrodd am faterion gwleidyddol yn helpu dinasyddion i wneud dewisiadau gwybodus wrth y blwch pleidleisio.
Yn yr erthygl hon o The Conversation, mae’r Uwch-swyddog Ymchwil David Beynon yn esbonio sut mae’r tîm yn Abertawe wedi datblygu’r gell solar rholio ac argraffadwy gyntaf yn y byd; math newydd o dechnoleg solar sy'n paratoi'r ffordd ar gyfer celloedd toreithiog, rhad ac argraffadwy.
Darlithydd Economeg yn Ysgol y Gwyddorau Cymdeithasol Prifysgol Abertawe yw Dr Jing Shao. Mae hi'n arbenigo mewn Economeg Llafur ac Economeg Iechyd, yn benodol micro-economeg empirig ac econometreg gymhwysol, gan roi pwyslais penodol ar economeg ynni, economeg iechyd ac economeg llafur.
Mae Nathan Ellmer yn fyfyriwr PhD Peirianneg Sifil yng Nghanolfan Peirianneg Gyfrifiadol Zienkiewicz (ZCCE) yn y Gyfadran Gwyddoniaeth a Pheirianneg. Mae ei waith ymchwil yn cynnwys datblygu fframwaith cyfrifiadol i efelychu anffurfiadau enfawr o bolymerau meddal iawn.
Mae'r Sefydliad Dur a Metelau (SAMI) yn ganolfan ragoriaeth mynediad agored sy'n canolbwyntio ar arloesedd dur drwy gyflwyno atebion ymarferol i ddiwydiant. Mae gan y Sefydliad amrywiaeth o gyfarpar sy'n ymchwilio i ddatgarboneiddio, synthesis aloiau, efelychu proses, profi mecanyddol a nodweddu deunyddiau.
Mae arbenigwyr o Brifysgol Abertawe a Phrifysgol y Frenhines Belfast wedi helpu i ddarparu gofal llygaid sy'n newid bywydau pobl â diabetes ar ynys Bermuda. Roedd yr Athro David Owens a Dr Becky Thomas, o Ysgol Feddygaeth Prifysgol Abertawe, yn rhan o'r tîm arbenigol, ynghyd â Catherine Jamison o Brifysgol y Frenhines, a deithiodd i brifddinas Bermuda, Hamilton, i sgrinio llygaid pobl am ddiabetes am ddim am wythnos.
Mae cydweithrediad ymchwil newydd sydd â'r nod o sbarduno galluoedd a gwella ymchwil i iechyd mamau a babanod wedi derbyn hwb ariannol gwerth £1.4m. Mae'r Cyngor Ymchwil Feddygol wedi dyfarnu'r grant i bartneriaeth MIREDA (Dadansoddi Data Electronig Ymchwil i Famau a Babanod), dan arweiniad y Ganolfan Genedlaethol ar gyfer Ymchwil Iechyd a Lles y Boblogaeth ym Mhrifysgol Abertawe.
Mae adroddiad newydd a gomisiynwyd gan Cyfoeth Naturiol Cymru yn cynnwys rhai canfyddiadau syfrdanol ynghylch dyfodol poblogaethau eogiaid. Mae’r adroddiad tystiolaeth gan yr Athro Carlos Garcia de Leaniz o Ysgol y Biowyddorau yn amlygu'r risg uchel bod eogiaid yr Iwerydd ar eu ffordd i ddifodiant yng Nghymru.
Drwy lenwi'r ffurflen hon rydych yn cydsynio i dderbyn MOMENTUM drwy e-bost. Gallwch ddad-danysgrifio unrhyw bryd trwy glicio ar y ddolen dad-danysgrifio ar waelod e-bost. I gael rhagor o wybodaeth darllenwch ein polisi preifatrwydd.
