Gwyddor Deunyddiau a Pheirianneg, BEng (Anrh) / MEng (Anrh)

Darganfyddwch Abertawe yn ein Diwrnod Agored nesaf

Cadwch le heddiw
Materials science equipment

Trosolwg o'r Cwrs

Mae arloesi llwyddiannus yn ddibynnol ar ddethol a pherfformiad deunyddiau allweddol. O geir, awyrennau a llongau mordeithio, i chwaraeon ac offerynnau cerddorol, prostheteg, ffonau symudol a chelloedd solar hyblyg, gall y deunyddiau cywir helpu i ddiffinio cynnydd technolegol.

Mae Gwyddor Deunyddiau a Pheirianneg yn archwilio sut mae priodweddau sylweddau'n gallu cael eu rheoli, eu gwella a'u trin i wella perfformiad mewn cymwysiadau presennol a sefydlu cymwysiadau technolegol newydd. Mae'n cynnwys elfennau o ffiseg a chemeg, drwy gysylltu'n agos â'r rhan fwyaf o feysydd eraill peirianneg.

Bydd ein gradd yn eich arfogi â dealltwriaeth gynhwysfawr o wyddor deunyddiau a pheirianneg, gan ddatblygu eich gallu dadansoddol ochr yn ochr â chael profiad ymarferol o gyfarpar uwch, i fodloni galwadau cynyddol diwydiant deunyddiau'r DU a'r sectorau ymchwil byd-eang, gan gynnwys awyrofod, modurol, gweithgynhyrchu, chwaraeon a chynhyrchu ynni. 

Byddwch yn barod i ymateb i heriau byd-eang dybryd, gan gynnwys newid yn yr hinsawdd, trawsnewid ynni, prinder adnoddau a thegwch cymdeithasol a byddwch yn ystyried goblygiadau cymdeithasol ac amgylcheddol ehangach dylunio peirianegol.

Mae'r rhaglen yn cael ei hastudio fel gradd Baglor mewn Peirianneg (BEng) am 3 blynedd, neu radd Meistr Integredig mewn Peirianneg (MEng) am 4 blynedd sy'n bodloni'r gofyniad academaidd ar gyfer cofrestru fel Peiriannydd Siartredig. Mae ein cyrsiau BEng ac MEng yn cynnwys opsiynau i astudio gyda Blwyddyn Dramor, Blwyddyn mewn Diwydiant a Blwyddyn Sylfaen.

Modiwlau

Rydym wedi gwella ein modiwlau i ddarparu profiad dysgu deniadol, wedi'i gynllunio i'ch helpu i ddatblygu'r sgiliau y mae cyflogwyr yn chwilio amdanynt. Darganfyddwch beth sydd ar gael a chael eich hysbrydoli gan y modiwlau y gallwch eu hastudio.

Gofynion Mynediad

Bydd y Brifysgol yn ystyried ceisiadau gan fyfyrwyr sy'n cynnig ystod eang o gymwysterau.

Mae gofynion mynediad yna i roi arweiniad i chi, nid i fod yn rhwystr, a bydd ein cynnig wedi cael ei deilwra ar eich cyfer chi a beth rydym yn meddwl y medrwch chi ei gyflawni.

Rydym yn gwybod bod pethau'n gallu newid wrth i chi fynd drwy'r siwrnai. Gallwch siarad â ni am eich cynnig ar unrhyw gyfnod a byddwn yn gwneud yn siŵr ei fod yn gynnig y medrwch chi ei gyflawni.

Eich Profiad Gwyddor Deunyddiau a Pheirianneg

Drwy gydol eich astudiaethau, byddwch yn datblygu arbenigedd technegol uwch ar draws meysydd metelau, polymerau, cyfansoddion, serameg a deunyddiau gweithredol, gan rychwantu gwyddoniaeth sylfaenol drwy ddyluniad cymhwysol a dulliau cynhyrchu. Byddwch yn ennill gwybodaeth arbenigol mewn meysydd allweddol megis deunyddiau ar gyfer cymwysiadau pŵer ac awyrofod, technoleg dur a thechnolegau ailgylchu, a gefnogir gan brofiad ymarferol ag offer peirianneg fodern a methodolegau gan gynnwys nodweddu deunyddiau, modelu cyfrifiadol a thechnolegau sy'n dod i'r amlwg megis deallusrwydd artiffisial a dysgu peirianyddol.

Mae ein cyfleusterau o'r radd flaenaf yn cynnwys cyfarpar blaengar ar gyfer nodweddu priodweddau microadeiledd a mecanyddol, ynghyd ag ystod helaeth o labordai sy'n cynnwys microsgopau sganio a throsglwyddo electronau, gyda microddadansoddiad llawn a galluoedd diffreithiant ôl-wasgaru electronau.

Byddwch yn ennill yr hyder i ddatrys heriau peirianyddol cymhleth, gan gymhwyso egwyddorion craidd i sefyllfaoedd newydd, gyda phwyslais cryf ar y cydberthnasoedd rhwng strwythur deunyddiau, prosesu a phriodweddau. Wrth i chi symud ymlaen, byddwch yn meithrin dealltwriaeth o gyfrifoldebau a chyfyngiadau diwydiannol, gan gynnwys ystyriaethau moesegol ac ariannol a chynaliadwyedd amgylcheddol.

Bydd ymweliadau â chwmnïau blaenllaw gan gynnwys Tata Steel, Timet, Ensinger ac Airbus, yn datblygu eich profiad ymhellach ac yn rhoi dealltwriaeth go iawn i chi o fyd diwydiant.

Gyrfaoedd a Chyflogadwyedd

Ar ôl cwblhau'r cwrs, bydd eich arbenigedd, eich gwybodaeth a'ch profiad peirianneg yn rhoi'r hyder i chi fynd i fyd gwaith. Mae rolau i raddedigion yn cynnwys:

  • Metelegydd
  • Gwyddonydd Datblygu Cynnyrch
  • Peiriannydd Biofeddygol
  • Peiriannydd Systemau Gweithgynhyrchu
  • Archwiliwr Patentau
  • Rheolwr Ansawdd
  • Gwyddonydd Datblygu Prosesau

Efallai yr hoffech hefyd symud ymlaen i astudiaethau uwch ar lefel Meistr neu Ddoethuriaeth.

Mae llawer o'n graddedigion wedi mynd ymlaen i gael gyrfaoedd llwyddiannus gyda chwmnïau megis Tata Steel, Rolls-Royce, Jaguar Land Rover, Atkins, GE Aviation, Mott MacDonald a Babcock International Group.

Gwyddor Deunyddiau a Pheirianneg, BEng (Anrh)

Gwyddor Deunyddiau a Pheirianneg gyda Blwyddyn Sylfaen, BEng (Anrh)

Gwyddor Deunyddiau a Pheirianneg gyda Blwyddyn Dramor, BEng (Anrh)

Gwyddor Deunyddiau a Pheirianneg gyda Blwyddyn mewn Diwydiant, BEng (Anrh)

Gwyddor Deunyddiau a Pheirianneg, MEng (Anrh)

Gwyddor Deunyddiau a Pheirianneg gyda Blwyddyn Dramor, MEng (Anrh)

Gwyddor Deunyddiau a Pheirianneg gyda Blwyddyn mewn Diwydiant, MEng (Anrh)