Enillodd yr ysgrifennwr a’r gwneuthurwr ffilmiau Guy Gunaratne y Wobr yn 2019 gyda’i nofel gyntaf, In Our Mad and Furious City. Wedi’i gosod ar ystâd o dai yn Llundain yn ystod terfysgoedd ledled y ddinas, cafodd naratif aml-lais, cymhellol Gunaratne ei ganmol gan y beirniaid am alluogi’r darllenwr i gael ei gynnwys ym ‘mywydau ac amgylchiadau nad ydynt fel arfer yn cael canol llwyfan yn ein diwylliant a’n cymdeithas gyfoes.’
Mae nofel Gunaratne’ wedi cael clod enfawr, gan ennill Gwobr Jhalak, a Gwobr Nofel Gyntaf Orau Clwb yr Awduron, ynghyd â chyrraedd rhestr hir a rhestr fer gwobrau eraill, gan gynnwys Gwobr Man Booker, a Gwobr Goldsmiths. Yn 2019, penodwyd Gunaratne yn Gyd-Werinwr yng Nghelfyddydau Creadigol, Coleg Trinity, Caergrawnt.
Crynodeb - 'In Our Mad and Furious City'
I Selvon, Ardan ac Yusuf, sy’n tyfu i fyny o dan dyrau Stones Estate, mae’r haf yn golygu’r un peth y mae’n ei olygu mewn unrhyw le: sef pêl-droed, cerddoriaeth a rhyddid. Ond nawr, ar ôl i filwr Prydeinig gael ei ladd, mae terfysgoedd yn ymledu ar draws y ddinas, ac nid oes unman yn ddiogel.
Wrth i’r gwylltineb chwyrlïo o’u cwmpas, mae Selvon ac Ardan yn parhau i ganolbwyntio ar eu hobsesiynau eu hunain, sef merched a cherddoriaeth Grime. Mae eu ffrind, Yusuf, yn cael ei gynnwys mewn llanw gwahanol, sef ton o radicaliaeth sy’n llifo drwy ei fosg lleol, gan fygwth ysgubo ei frawd anniddig, Irfan, gyda hi.
Datganiadau i'r Wasg
Guy Gunaratne (35 oed), gwneuthurwr ffilmiau dogfen hawliau dynol o dras Prydeinig a Sri Lanka sydd wedi troi'n nofelydd newydd, yw enillydd Gwobr Ryngwladol Dylan Thomas Prifysgol Abertawe, sy'n werth £30,000, am ei nofel gyntaf 'In Our Mad and Furious City'.
Daeth In Our Mad and Furious City i'r amlwg yn 2018, ac mae'n adrodd stori ffuglennol daer ac amserol dros gyfnod o 48 awr mewn stâd dai yn Nwyrain Llundain ar ôl i filwr Prydeinig gael ei ladd, wedi'i hadrodd gan dri storïwr. Mae gwaith Gunaratne yn fentrus ac yn ddyfeisgar, ac mae wedi cael ei ganmol am roi llais diffuant i sectorau o'r gymdeithas sydd wedi'u hymyleiddio, ac am daflu goleuni ar brofiadau go iawn pobl ifanc o gefndiroedd lleiafrif ethnig. 
Yn dilyn ystyriaeth fanwl, dewiswyd yr enillydd gan banel wedi’i gadeirio gan yr Athro Dai Smith CBE o Brifysgol Abertawe; gyda’r Athro Kurt Heinzelman; golygydd llyfrau’r BBC, Di Spiers; a’r nofelydd arobryn, Kit de Waal.
Meddai Cadeirydd y beirniaid, yr Athro Dai Smith CBE, "Bob yn hyn a hyn, mae gwaith ffuglennol yn dod i'r amlwg sy'n defnyddio llais, arddull a stori mewn ffordd nad yw ond yn bosib mewn gwaith dychmygol, sy'n gadael i ni gamu i mewn, sy'n ein gorfodi i weld, gan fynnu ein bod ni'n deall bywydau ac amgylchiadau sydd prin yn cael y sylw yna yn ein diwylliant a'n cymdeithas heddiw. Dyma yw nod nofel gyntaf aml-lais syfrdanol Guy Gunaratne In Our Mad and Furious City, ac mae'n llwyddo, ar ran bywydau ymylol, hen ac ifanc, yn nhrobwll anfaddeugar Llundain heddiw."
Lansiwyd Gwobr flynyddol Ryngwladol Dylan Thomas yn 2006 ac mae'n un o'r gwobrau sydd â’r bri mwyaf i ysgrifenwyr ifanc. Mae wedi'i hanelu at hybu dawn greadigol amrwd ledled y byd. Mae'n dathlu ac yn meithrin rhagoriaeth lenyddol ryngwladol.
Caiff y Wobr gwerth £30,000 ei dyfarnu i'r gwaith llenyddol gorau sydd wedi'i gyhoeddi yn Saesneg, wedi’i ysgrifennu gan awdur 39 oed neu iau.
Y cyfrolau eraill a gyrhaeddodd y rhestr fer oedd: House of Stone gan Novuyo Rosa Tshuma, Friday Black gan Nana Kwame Adjei-Brenyah, Trinity gan Louisa Hall, FOLK gan Zoe Gilbert a Melmoth gan Sarah Perry.
Guy Gunaratne - Enillyd 2019
Yn y bennod hon, mae intern o’r Sefydliad Diwylliannol Eddie Matthews yn siarad â’r awdur arobryn Guy Gunaratne.
- Hafan y Wobr
- Seremoni Wobrwyo 2020
- Am y Wobr
- Enillwyr Blaenorol
- 2020: Bryan Washington, 'Lot'
- 2019: Guy Gunaratne, 'In Our Mad and Furious City'
- 2018: Kayo Chingonyi, 'Kumukanda'
- 2017: Fiona McFarlane, 'The High Places'
- 2016: Max Porter, 'Grief is the Thing With Feathers'
- 2014: Joshua Ferris, 'To Rise Again at a Decent Hour'
- 2013: Claire Vaye Watkins, 'Battleborn'
- 2012: Maggie Shipstead, 'Seating Arrangements'
- 2011: Lucy Caldwell, The Meeting Point
- 2010: Elyse Fenton, 'Clamor'
- 2008: Nam Le, The Boat
- 2006: Rachel Trezise, 'Fresh Apples'
- Sut i Ymgeisio
- DylanEd
- Panel Beirniadu
- Rhestr Fer 2020
- Rhestr Hir 2020
- Podlediad 'Bookends'
- Taith Blog 2020
- Diogelu Data
- Fideo
- Cysylltwch a ni
- Archif
- Gwobr Dylan Thomas Prifysgol Abertawe yng Ngŵyl Lenyddiaeth Jaipur 2020