Hanner Marathon Abertawe Prifysgol Abertawe

Ymunwch â Thîm Abertawe 2025

Ymuno

Diolch i dîm Abertawe 2024

Elusen gofrestredig rhif 1138342

PAM YMUNO Â THÎM ABERTAWE?

Mae pob taith yn dechrau gydag un cam, ac ym Mhrifysgol Abertawe rydym yn cymryd camau breision tuag at les gwell, ac yn credu na ddylai neb ddioddef o broblemau iechyd meddwl ar ei ben ei hun.

Drwy ymuno â Thîm Abertawe, byddwch yn ymrwymo i gefnogi iechyd meddwl gwell i bawb, o fannau diogel i nyrsys dan hyfforddiant i atal hunanladdiad ar gyfer cenedlaethau'r dyfodol.

Rydym yn falch iawn o fod yn noddwyr swyddogol Hanner Marathon Abertawe am y trydedd flwyddyn yn 2025. Dros y 2 flynedd ddiwethaf, cwblhaodd dros 350 o fyfyrwyr, staff a chyn-fyfyrwyr Prifysgol Abertawe Hanner Marathon Abertawe fel rhan o Dîm Abertawe, gan godi dros £40,000 i gefnogi gwella iechyd meddwl, a thrwy eich cyfranogiad, rydym yn gwybod y gallwn adeiladu ar y llwyddiant hwn yn 2025.

Cofrestrwch yma

08 Mehefin 2025

Fel elusen gofrestredig, rydym yn cyfeirio llawer o'n rhoddion at ymchwil o safon fyd-eang a chymorth i fyfyrwyr. Drwy fuddsoddi yn y meysydd hyn, rydym yn gwneud darganfyddiadau arloesol ym maes iechyd a chynaliadwyedd wrth sicrhau bod ein myfyrwyr yn gallu rhagori yn y brifysgol, waeth beth fo'u cefndir neu eu hamgylchiadau personol.

O'r camau cyntaf i'r llinell derfyn, gadewch i ni gymryd camau breision.

Cymryd eich camau cyntaf trwy gofrestru i redeg

Nid yw byth yn rhy gynnar i gofrestru!

Fel noddwyr swyddogol, rydym yn gallu cynnig codau mynediad cyfyngedig am bris gostyngol i fyfyrwyr, staff a chyn-fyfyrwyr Prifysgol Abertawe. Yn syml, cofrestrwch i fynegi eich diddordeb mewn rhedeg ar gyfer Tîm Abertawe, a bydd ein tîm codi arian mewn cysylltiad â chanllaw cam wrth gam ar sut i gystadlu a dod yn rhan o 'Tîm Abertawe'. Gyda'n gilydd byddwn yn parhau i 'Gwneud Camau ar gyfer Iechyd Meddwl'.

Hanner Marathon Rhithwir

Peidiwch â phoeni os na allwch fod yn Abertawe ar 8 Mehefin! Eleni, gallwch ymuno â Thîm Abertawe o hyd a chymryd rhan yn Hanner Marathon Rhithwir Abertawe. Drwy gwblhau'r her yn eich ffordd eich hun, ar y llwybr o'ch dewis, unrhyw bryd, gallwch ennill yr un fedal a thystysgrif am ei gorffen. P'un a ydych yn ei gwneud hi gyda ffrindiau neu ar eich pen eich hun, fesul cam neu’r cwbl ar yr un pryd, chi sy'n penderfynu! Cofrestrwch ar gyfer Hanner Marathon Rhithwir Abertawe.

Os nad yw rhedeg yn mynd â'ch bryd chi, gallwch ddal i wneud gwahaniaeth drwy roi arian nawr i gefnogi iechyd meddwl gwell i bawb. Hyd yn hyn, mae'r arian a godwyd wedi helpu i ariannu atal hunanladdiad ar gyfer cenedlaethau'r dyfodol, gweithlu'r GIG mwy gwydn ac atgyfeirio at ymarfer corff ar gyfer myfyrwyr sy'n teimlo dan straen.

Dyma rai prosiectau anhygoel sydd wedi'u cefnogi gan yr ymgyrch Cymryd Camau Breision hyd yn hyn:

Ymchwil

IECHYD MEDDWL PLANT A PHOBL IFANC

Mae'r Athro Ann John a'i thîm o ymchwilwyr yn Yr Ysgol Feddygaeth yn archwilio iechyd meddwl pobl ifanc, yn ogystal â ffyrdd o atal hunanladdiad a hunan-niwed.

"Mae'n teimlo y gallwn wneud gwahaniaeth - mewn ffordd wahanol iawn ond yr un mor bwysig - â fy niwrnodau mewn gofal clinigol uniongyrchol".

Drwy gefnogi'r ymchwil feddygol bwysig hon, mae noddwyr wedi'n helpu i achub bywydau am flynyddoedd i ddod.

Cymorth i Fyfyrwyr

CYMORTH I FYFYRWYR

Mae problemau iechyd meddwl ar gynnydd ymysg pobl ifanc. Ar ôl byw drwy bandemig, mae ein myfyrwyr bellach yn wynebu argyfwng costau byw. Yn yr amserau ansicr hyn, mae'n fwy heriol nag erioed addasu i fywyd yn y brifysgol a'r heriau sy'n gysylltiedig â hynny. Mae ein Gwasanaeth Lles yn cynnig cymorth rhagorol i'n myfyrwyr, ond rydym bob amser yn ceisio gwneud mwy.

Bydd cefnogi lles ein myfyrwyr yn rhoi'r dechrau gorau posib iddynt ar gyfer eu gyrfaoedd yn y dyfodol.

GWEITHLU GWYDN AR GYFER Y GIG

GWEITHLU GWYDN AR GYFER Y GIG

Mae'r proffesiwn nyrsio mewn argyfwng; mae prinder staff ac mae llawer o nyrsys yn teimlo bod diogelwch cleifion mewn perygl.

Bydd yr Hyb yn rhoi cyfle i fyfyrwyr drafod eu profiadau â'u cyd-fyfyrwyr nyrsio, gweithwyr gofal iechyd proffesiynol, a nyrsys profiadol sydd wedi bod yn eu sefyllfa hwy.

Bydd y sgiliau y mae ein myfyrwyr nyrsio yn eu hennill o'u hastudiaethau, a'r cymorth y maent yn ei gael gan yr Hyb yn sicrhau eich bod chi a'ch perthnasau'n derbyn y gofal gorau posib, o wardiau esgor i gartrefi gofal a phopeth rhyngddynt.

Cwrdd â Tîm Abertawe 2024

Tîm Nyrsio Myfyrwyr

Harley Edwards

Richard Morris

Effaith

Yn 2023-24, roedd rhoddion gan gyn-fyfyrwyr a chyfeillion yn cefnogi prosiectau mewn gwir angen. Diolch - Elusen gofrestredig rhif 1138342

Donor Report 2023-2024 CYM

Rhoi

Camau Breision Dros Iechyd Meddwl from SwanseaUni on Vimeo.

Cwestiynau Cyffredin

Sut mae cofrestru?

Cofrestrwch a thalwch eich ffi mynediad ostyngol yma [insert link]. Byddwch yn derbyn e-bost o fewn un niwrnod gwaith ar ôl i chi gadw eich lle, a bydd yr e-bost yn cynnwys eich dolen unigryw er mwyn cwblhau eich cofrestriad ar system trefnwyr y ras. Fel rhan o'r broses honno, fe'ch atgoffir i gofrestru gyda JustGiving a chofrestru fel codwr arian ar gyfer Cymryd Camau Breision dros Iechyd Meddwl 2025, sy'n rhan o ddigwyddiad Hanner Marathon Abertawe Prifysgol Abertawe.

A oes modd prynu côd ar ran rhywun arall?

Yn anffodus, mae'r ffi mynediad ostyngol a'r polisi ad-daliad ar gael i staff, myfyrwyr a chyn-fyfyrwyr y Brifysgol yn unig. O ganlyniad, ni ellir ei rannu â neb allanol.

Pan fyddaf wedi cadw fy lle, pryd byddaf yn derbyn fy nolen gofrestru?

Byddwn yn ymdrechu i anfon eich dolen unigryw atoch o fewn un niwrnod gwaith ar ôl i chi gadw eich lle. Cadwch lygad am e-bost gan Eventrac. Anfonir y ddolen i’r cyfeiriad e-bost a ddefnyddioch chi i gadw eich lle.

Beth yw'r targed codi arian?

Targed codi arian rhagosodedig pob rhedwr yw £250. Bydd yr holl arian a godir yn cefnogi achosion iechyd meddwl yma ym Mhrifysgol Abertawe.

Beth bydd yr arian y byddaf yn ei godi yn ei gefnogi?

Mae Prifysgol Abertawe’n elusen gofrestredig (Rhif 1138342). Bydd yr holl arian a godir gan redwyr yn mynd tuag at ymgyrch Cymryd Camau Breision dros Iechyd Meddwl y Brifysgol. Hyd yn hyn, mae dros £40,000 wedi ei godi ar gyfer yr achos, sydd wedi cael ei ddefnyddio i gefnogi myfyrwyr nyrsio, ymchwil atal hunanladdiad a menter 'Bod yn Actif' er mwyn cefnogi lles corfforol a meddyliol myfyrwyr.

Sut rydw i'n creu fy nhudalen JustGiving os ydw i eisoes wedi cofrestru i redeg?

Os gwnaethoch chi golli'r nodyn atgoffa ar ddiwedd y broses gofrestru ar Eventrac, gallwch greu eich tudalen codi arian drwy ddilyn y camau syml canlynol:

Ewch i dudalen ein hymgyrch: https://www.justgiving.com/campaign/makingstrides2025
Cliciwch ar 'Start Fundraising' a chreu cyfrif.
Caiff eich targed ei osod yn awtomatig ar £250.
Ysgrifennwch ychydig o frawddegau'n nodi pam rydych chi’n codi arian ar gyfer iechyd meddwl.
Yn olaf, ychwanegwch lun neu fideo er mwyn dod â'ch tudalen yn fyw.

Ar ôl cyrraedd fy nharged codi arian o £250, pryd caiff fy ffi mynediad ei had-dalu?

Mae'n rhaid i'r holl gyfraniadau gael eu lanlwytho i'ch tudalen JustGiving erbyn 23:59 ar 30 Mehefin 2025 er mwyn i chi fod yn gymwys ar gyfer ad-daliad. Bydd yr holl redwyr cymwys yn derbyn y ffi mynediad o £30 yn ôl i'w dull talu gwreiddiol o fewn pythefnos ar ôl dyddiad cau derbyn cyfraniadau (30/06/25).

Beth os nad ydw i'n llwyddo i gyflawni'r targed o £250?

Yn anffodus, nid ydym yn medru cynnig ad-daliadau i redwyr nad ydynt yn llwyddo i gyrraedd eu targed. Os ydych o fewn £20 o'r targed (h.y. wedi codi o leiaf £230), byddem yn argymell eich bod yn gwneud cyfraniad personol er mwyn cyrraedd £250, fel eich bod yn cyrraedd y targed ar gyfer derbyn ad-daliad.

Cyfraniadau drwy arian parod?

Os oes angen i chi roi unrhyw gyfraniadau drwy arian parod, e-bostiwch making-strides@abertawe.ac.uk er mwyn trefnu i alw heibio’r campws i roi’r cyfraniadau. Bydd yn rhaid i'r holl arian parod gael ei adael gyda ni ar y campws erbyn 30/06/25.

Rhodd Cymorth?

Mae Rhodd Cymorth yn gymhelliad treth yn y Deyrnas Unedig sy'n galluogi elusennau i adennill 25c o bob £1 a gyfrannir gan drethdalwyr heb unrhyw gost ychwanegol i'r trethdalwyr . Yn ôl dull cyfrifo JustGiving, nid yw cyfraniadau Rhodd Cymorth yn cyfrannu at gyrraedd eich targed o £250. Dim ond cyfraniadau uniongyrchol gaiff eu cyfrif wrth benderfynu a yw rhywun yn gymwys ar gyfer ad-daliad y ffi mynediad a gwobrau eraill.

Ydw i'n medru cyfrannu fy ffi mynediad?

Os ydych yn llwyddo i gyrraedd eich targed a hefyd yn dymuno cyfrannu eich ffi mynediad er mwyn cefnogi Cymryd Camau Breision dros Iechyd Meddwl, gallwch wneud hyn drwy e-bostio making-strides@abertawe.ac.uk. Byddem yn ddiolchgar iawn am y gefnogaeth.

Ydw i'n medru cael ad-daliad ar gyfer fy ffi mynediad os na wnes i gofrestru drwy'r Brifysgol?

Yn anffodus, mae unigolion ond yn gymwys i dderbyn ad-daliad os ydynt yn cofrestru ar gyfer y ras drwy docynnau mynediad gostyngol y Brifysgol.

Eleni, mae mynediad gostyngol i’r ras ar gael i fyfyrwyr, staff a chyn-fyfyrwyr y Brifysgol. Pris mynediad gostyngol yw £30 a chaiff y swm hwnnw ei ad-dalu i unrhyw unigolyn sy'n cyrraedd ei darged codi arian o £250 ar gyfer ein hymgyrch Cymryd Camau Breision dros Iechyd Meddwl. Sylwer ar y pwyntiau canlynol:

Rhaid defnyddio’r ffurflen isod i gadw lle am ffi ostyngol: Mynediad gostyngedig
Unwaith y byddwch wedi cadw eich lle, byddwn yn ymdrechu i anfon eich dolen unigryw atoch o fewn 24 awr, felly cadwch lygad am e-bost gan Eventrac.
Rhaid i'r holl gyfraniadau gael eu lanlwytho i'ch tudalen JustGiving erbyn 30/06/25 er mwyn bod yn gymwys i gael ad-daliad am y ffi mynediad.
Mae Rhodd Cymorth yn gymhelliad treth yn y Deyrnas Unedig sy'n galluogi elusennau i adennill 25c o bob £1 a gyfrannir gan drethdalwyr heb unrhyw gost ychwanegol i’r trethdalwyr. Yn ôl dull cyfrifo JustGiving, nid yw cyfraniadau Rhodd Cymorth yn cyfrannu at gyrraedd eich targed o £250. Dim ond cyfraniadau uniongyrchol gaiff eu cyfrif wrth benderfynu a yw rhywun yn gymwys ar gyfer ad-daliad y ffi mynediad a gwobrau eraill.
Caiff ad-daliadau eu gwneud i'r holl godwyr arian cymwys o fewn pythefnos ar ôl dyddiad cau derbyn y cyfraniadau (30/06/2025).
Anfonwch unrhyw gwestiynau i making-strides@abertawe.ac.uk a bydd aelod o'n tîm cyfeillgar yn ateb eich ymholiad cyn gynted â phosibl.