Gwirfoddoli I Gyn-Fyfyrwyr

Mae digwyddiadau trafod rhithwir yn rhoi cyfle i fyfyrwyr siarad â chi am eich gyrfa a'ch profiad ym myd diwydiant, a gofyn cwestiynau am y camau nesaf y dylent eu cymryd.Mae'r digwyddiadau hyn yn gallu canolbwyntio ar destun neu bwnc penodol, ac yn hybu myfyrwyr i siarad â'i gilydd hefyd.

E-bostiwch Megan Griffiths I.M.Griffiths@Swansea.ac.uk i gael gwybod sut y gallwch chi gymryd rhan mewn trafodaethau yn y dyfodol.

Fel mentor, byddwch yn cynnig cymorth personol i fyfyriwr ar sail cyfarfod untro.Gallai'r myfyriwr ofyn am gyngor ar CV, sut i rwydweithio, pa gymwysterau y gallai fod arnynt eu hangen ar gyfer llwybr gyrfa penodol, neu os oes cyrff neu ddiwydiannau y gallent ymuno â nhw er mwyn eu helpu i gyflawni eu nodau. Eich penderfyniad chi yw sut i gynnal y sesiynau hyn.Gallwch gynnig cyngor ysgrifenedig drwy e-bost neu sgwrs ar Zoom neu Skype.

E-bostiwch Megan Griffiths yn I.M.Griffiths@Swansea.ac.uk i gael rhagor o wybodaeth am y cynllun mentora, neu Cofrestrwch ar Swansea Uni Connect i ddechrau ar eich taith fentora.

Nod ein Cyfres Darlithoedd Cymunedol y Canmlwyddiant yw dod â ffigyrau blaenllaw o'r DU ac yn rhyngwladol o fyd busnes, gwleidyddiaeth, chwaraeon, diwylliant a'r celfyddydau i'r Brifysgol.Fel siaradwr gwadd, gallwch siarad â chynulleidfa fwy o fyfyrwyr am eich swydd bresennol a sut gwnaethoch gyrraedd yno, rhannu rhagor am eich profiad yn y Brifysgol, neu gynnig cyngor ar ddilyniant mewn gyrfa ar ôl graddio.

E-bostiwch Megan Griffiths yn I.M.Griffiths@Swansea.ac.uk os hoffech chi gymryd rhan yn ein Cyfres o Ddarlithoedd gan Gyn-fyfyrwyr.

Hefyd, gallwch ymuno â ni fel siaradwr gwadd mewn darlith sy'n bodoli eisoes. Bydd hyn yn canolbwyntio ar bwnc penodol o'r ddarlith honno neu eich profiad mewn maes sy'n gysylltiedig.

E-bostiwch Megan Griffiths yn I.M.Griffiths@Swansea.ac.uk i gael gwybod sut y gallwch chi fod yn siaradwr gwadd.

Pam y dewisoch Brifysgol Abertawe? Pam y dylai darpar fyfyrwyr ei dewis?Gall siarad yn ystod Diwrnod Agored Rhithwir helpu darpar fyfyrwyr i benderfynu a yw astudio yn Abertawe yn iawn iddynt. Bydd clywed am eich profiad a'ch atgofion yn eu helpu i wneud eu dewis.

E-bostiwch Megan Griffiths yn I.M.Griffiths@Swansea.ac.uk ynglŷn â siarad mewn Diwrnod Agored Rhithwir

Gall rhoi eich proffil inni ysbrydoli myfyrwyr a'u helpu i weld y posibiliadau y gall gradd o Brifysgol Abertawe roi iddynt.Gall eich proffil naill ai ganolbwyntio ar le rydych chi ar hyn o bryd neu ar chwaraeon ym Mhrifysgol Abertawe (gall hyn gynnwys grwpiau cymdeithasol yn ogystal â thimau a hyfforddiant ar lefel gystadleuol).

Cliciwch yma i lenwi ein ffurflen proffil ar-lein

Mae rhannu ein postiau yn eich cyfryngau cymdeithasol chi yn helpu i godi ein proffil ac arddangos rhai o gyflawniadau bendigedig ein myfyrwyr a'n staff, yn ogystal â'n cyn-fyfyrwyr.Hoffwch, rhannwch, gwnewch sylwad ac ail-bostiwch gynifer o weithiau ag y dymunwch, byddem wrth ein boddau'n clywed gennych!

Dilynwch ni ar Facebook, Twitter ac Instagram. Mae gennym hefyd grŵp LinkedIn ar gyfer cyn-fyfyrwyr Prifysgol Abertawe!

Mae Llywodraethwyr Ysgol yn helpu ysgolion i redeg yn effeithiol drwy gynllunio strategaeth, goruchwylio cyllidebau, a chefnogi tîm arweinyddiaeth yr ysgol. Mae Prifysgol Abertawe yn gweithio gyda’r elusen addysg Governors for Schools i ddod o hyd i staff a chyn-fyfyrwyr Prifysgol Abertawe a’u lleoli ar fyrddau ysgol ar draws Cymru a Lloegr. Beth bynnag yw’ch cefndir proffesiynol, bydd eich sgiliau, eich profiad, a’ch safbwynt unigryw yn darparu llywodraethu cadarn gan wella addysg plant.

Dysgwch fwy am y rôl, lefel yr ymrwymiad a sut i gyflwyno cais