Mae'r Sefydliad Ymchwil Heneiddio'n Iach a Chyflyrau Cronig yn arwain dulliau rhyngddisgyblaethol arloesol i hybu iechyd gydol oes a darparu ymyriadau gwell i reoli cyflyrau cronig yn fwy effeithlon.
Drwy gydol ein bywydau rydym yn agored i ffactorau amgylcheddol, biolegol, seicolegol a chymdeithasol sy'n effeithio ar ein hiechyd a'n lles. Mae'r Sefydliad Ymchwil Heneiddio'n Iach a Chyflyrau Cronig yn cynhyrchu tystiolaeth o ansawdd uchel i ddeall y ffactorau hyn yn well, ac i ddatblygu polisïau ac arferion i gefnogi pobl i heneiddio'n dda. Mae ein hymchwil yn rhychwantu pob cyfnod o fywyd ac yn integreiddio mewnwelediadau o'r cellog i'r lefel gymdeithasol.
Ategir hyn gan ymchwil rhyngddisgyblaethol rhyngwladol sy'n cwmpasu astudiaethau arsylwi ar raddfa fawr, ymchwil arbrofol, astudiaethau ansoddol, a chyflwyno datblygiadau mewn atal, diagnosis a thriniaeth gynnar, i wella rheolaeth glinigol cyflyrau cronig.
Mae ymgysylltu a chynnwys rhanddeiliaid allweddol ac aelodau o'r cyhoedd yn rhan greiddiol o'n hymchwil i helpu pobl i gael bywydau iachach a hirach.
Cymryd Rhan
Rydym yn croesawu unrhyw un sy’n rhannu ein gweledigaeth, cenhadaeth a gwerthoedd i ymuno â ni i hybu ein gweithgarwch cydweithio, gartref a thramor.
Yn benodol, rydym yn bwriadu parhau i gryfhau ein cysylltiadau â’r GIG, diwydiant a phartneriaid eraill ledled y byd.
Cysylltwch â ni
