Coronafeirws: y diweddaraf
Mae staff wedi darparu eitemau hanfodol i Ysbyty Singleton

Mae staff wedi darparu eitemau hanfodol i Ysbyty Singleton

Mae staff ym Mhrifysgol Abertawe wedi uno gyda'i gilydd i ddarparu eitemau hanfodol i'w hysbyty lleol i'w cefnogi yn ystod achos Covid-19.

Casglodd staff o'r Ysgol Feddygol a cholegau Gwyddoniaeth a Pheirianneg, yn gyflym 100,000 o fenig yn ogystal â masgiau, ffedogau a gogls a'u danfon i Ysbyty Singleton yn gynharach yr wythnos hon.

Dywedodd yr Athro Cathy Thornton, Dirprwy Bennaeth yr Ysgol Feddygol:

"Rydym yn dal i gasglu cymaint o eitemau â phosibl. Wrth i ni ddirwyn i ben y gweithgarwch ymchwil ond nad yw'n hanfodol yn y Brifysgol manteisiaon ni ar y cyfle i roi'r eitemau hyn i'r GIG yn hytrach na'u cael i orwedd ar ein silffoedd. "

Mae'r Ysgol Feddygol a Choleg y Gwyddorau Dynol ac iechyd yn cefnogi eu cydweithwyr yn y GIG yn ystod y cyfnod heriol hwn drwy sicrhau bod eu hystafell sgiliau clinigol ar y cyd ar gael i'r bwrdd iechyd lleol.

Cafodd ystafell sgiliau clinigol Aneurin Bevan, a oedd gynt yn ward 10 yn Ysbyty Singleton, ei chymryd drosodd gan Brifysgol Abertawe ym mis Medi y llynedd i alluogi meddygon, nyrsys a gweithwyr iechyd proffesiynol eraill i gael eu haddysgu mewn lleoliad realistig.

Dywedodd yr Athro Keith Lloyd, Pennaeth yr Ysgol Feddygol:

"Cafodd y gyfres ei gwireddu oherwydd y bartneriaeth gydweithredol ryfeddol sydd gennym fel Prifysgol gyda'r GIG lleol. Nawr yn y cyfnod digyffelyb hwn rydym yn falch iawn o allu cefnogi'r Bwrdd Iechyd yn eu gwaith diflino ar hyn o bryd. "

Ychwanegodd yr Athro Ceri Phillips, Pennaeth Coleg y Gwyddorau Dynol ac iechyd:

"Rydym yn falch iawn o allu ymateb yn gyflym ac yn gadarnhaol i'r cais gan y Bwrdd Iechyd i gefnogi eu cynlluniau wrth gefn drwy sicrhau bod y cyn ward 10 ar gael.

"Bu staff y Brifysgol yn gweithio dros y penwythnos i gael gwared ar yr holl offer a deunyddiau addysgol er mwyn sicrhau y gallai'r Bwrdd Iechyd lenwi'r bwlch fel mater o frys.”

 

Rhannu'r stori