Ysgol Haf Peirianneg Canmlwyddiant

Ysgol Haf Gorffennaf 10fed-13eg

Eisiau Gwybod Sut Beth yw Astudio Peirianneg yn y Brifysgol?

Rydym yn cynnal ysgol haf boblogaidd ym mis Gorffennaf bob blwyddyn ar gyfer myfyrwyr Blwyddyn 12 sy'n ystyried cyflwyno cais i fynd i'r brifysgol. Dyma raglen breswyl sy'n cynnig mewnwelediad i'n holl gyrsiau a blas ar fywyd ar gampws prifysgol ac mae’n helpu myfyrwyr i benderfynu a yw gradd mewn peirianneg yn debygol o fod yn addas iddyn nhw.

Bydd y rhaglen breswyl 3 diwrnod (am £150 y pen) yn rhoi cyfle i fyfyrwyr gael blas ar Beirianneg Awyrofod, Fecanyddol, Sifil, Electronig a Thrydanol, Gemegol, Deunyddiau a Meddygol drwy sesiynau ymarferol a gynhelir yn y Coleg Peirianneg ar Gampws y Bae Prifysgol Abertawe.

Y dyddiad cau yw 24 Mai 2022, felly byddwch yn cael eich hysbysu am ganlyniad eich cais erbyn dechrau mis Mehefin.

Os oes gennych ddiddordeb mewn dod y flwyddyn nesaf, e-bostiwch EngineeringSummerSchool@swansea.ac.uk

Cofrestrwch yma

Yn sgil y cyfyngiadau symud ar draws y Deyrnas Unedig o ganlyniad i Covid-19, bydd Prifysgol Abertawe’n cynnal digwyddiad ar-lein sy’n disodli’r Ysgolion Haf Peirianneg blynyddol. Mae’r digwyddiad hwn ar-lein yn agored i fyfyrwyr Blwyddyn 12 sy’n astudio mewn 6ed dosbarth neu Goleg a chanddynt ddiddordeb mewn astudio Peirianneg yn y brifysgol.

Costau

Bydd pob Ysgol Haf Breswyl 3 diwrnod yn costio £150 y pen. Mae’r pris hwn yn cynnwys llety, yr holl weithgareddau a phob pryd o fwyd yn ystod yr arhosiad.

Os ydych chi’n byw yng Nghymru hwyrach y bydd cymorth ariannol ar gael drwy ein partneriaid EESW. Byddwn ni’n cysylltu â chi yn dilyn eich cais llwyddiannus os ydych chi’n gymwys.

Gallwch chi fynychu’n Hysgol Haf Ar-lein yn rhad ac am ddim. Byddwn ni’n anfon rhestr o’r deunyddiau ar gyfer pob un o’r sesiynau ymarferol, felly bydd cost fach ynghlwm wrth hyn (dim mwy na tua £30). Byddwn ni’n ymdrechu i ddefnyddio cynifer o eitemau i’r tŷ â phosibl yn ein sesiynau ymarferol gartref.

Sut ydym ni’n defnyddio eich data?

Prifysgol Abertawe yw prif drefnydd Ysgolion Haf y Gyfadran Gwyddoniaeth a Pheirianneg, a gynhelir mewn cydweithrediad â Chynllun Addysg Peirianneg Cymru (EESW), ac mae’n gyfrifol am gasglu a phrosesu data personol, gan gynnwys data sy’n cael ei ddiffinio fel categori arbennig. O ganlyniad, Prifysgol Abertawe yw’r rheolwr data ac mae’n ymrwymedig i amddiffyn hawliau’r cyfranogwyr yn unol â’r Rheoliad Diogelu Data Cyffredinol (GDPR) a Deddf Diogelu Data 2018. Mae gan Brifysgol Abertawe Swyddog Diogelu Data a gellir cysylltu ag ef drwy e-bostio dataprotection@abertawe.ac.uk

unrhyw gwestiynau?

Anfonwch eich ymholiadau neu’ch cwestiynau i EngineeringSummerSchool@abertawe.ac.uk

Sgwrsiwch â myfyriwr

Ymunwch a ni mewn Diwrnod Agored