MEng neu BEng?

Mae gradd Meistr Integredig (MEng) yn gynllun gradd pedair blynedd sy'n ehangu eich astudiaethau i lefel gradd Meistr. Hwn yw'r dyfarniad uchaf ar gyfer astudiaethau israddedig ym maes peirianneg yn y Deyrnas Unedig.

Buddion Gradd Meistr Integredig

Mae nifer o fuddion os byddwch chi'n dewis dilyn gradd Meistr Integredig:

Statws Peiriannydd Siartredig (CEng): mae’r mwyafrif o'n myfyrwyr o'r Deyrnas Unedig yn dilyn cwrs MEng oherwydd dyna'r ffordd fwyaf uniongyrchol o fodloni'r gofynion addysgol ar gyfer derbyn cofrestriad Peiriannydd Siartredig.
Lefel fwy o ehangder a dyfnder astudio: cewch gyfle i fod yn rhan o ystod ehangach o waith prosiect, gan gynnwys prosiectau unigol a phrosiectau tîm cyffrous, fel arfer gan gynnwys elfen o ddiwydiant.
Lefel uwch o gyflogadwyedd: byddwch chi'n datblygu eich sgiliau trosglwyddadwy ymarferol megis: gwaith tîm; gwneud penderfyniadau; dirprwyo; adnabod a datrys problemau; a sgiliau cyfathrebu.
Cyflogau uwch: Fel arfer mae meddu ar radd Meistr Integredig yn golygu lefel uwch o gyflog na'r sawl sy'n gadael â gradd BEng.

Male students in student work-room at Bay Campus Engineering Central

Cwestiynau Cyffredin

Beth fydd yn digwydd os byddaf yn penderfynu nad wyf yn dymuno dilyn y bedwaredd flwyddyn ar y cwrs MEng bellach?

Mae'r mwyafrif o'n myfyrwyr yn cofrestru'n uniongyrchol ar un o'n cyrsiau gradd Meistr Integredig. Os byddwch chi'n penderfynu yn ystod eich gradd nad ydych chi'n dymuno dilyn y bedwaredd flwyddyn bellach, fydd hynny ddim yn broblem. Gallwch benderfynu hyd at ganol eich trydedd flwyddyn a ydych chi'n dymuno graddio ar ôl tair blynedd ac ennill gradd BEng Anrhydedd. Mae rhai myfyrwyr yn penderfynu graddio â BEng am eu bod wedi penderfynu astudio ar radd ôl-raddedig MSc un flwyddyn neu ar gynllun gradd ymchwil ar ffurf PhD.

A yw'n bosib cyflwyno cais uniongyrchol am gwrs BEng tair blynedd?

Os ydych chi'n sicr o'r cychwyn cyntaf eich bod yn dymuno astudio am dair blynedd yn unig, er enghraifft os ydych chi'n fyfyriwr rhyngwladol, gallwch gyflwyno cais am gwrs gradd BEng yn uniongyrchol. Mae'r cwrs gradd BEng yn union fel tair blynedd gyntaf y cwrs MEng.

A oes gofynion mynediad is ar gyfer y radd BEng nac ar gyfer y radd MEng?

Oes, mae ein gofynion mynediad MEng ychydig yn uwch na'r gofynion mynediad BEng oherwydd bydd angen sgôr gyfartalog o 55% yn eich ail flwyddyn i barhau ar y cwrs MEng. Mae ein gofynion mynediad yn uwch ar gyfer gradd MEng i sicrhau eich bod yn ddigon medrus i ennill y sgôr hon.

Os oes gennych chi raddau mynediad is nid yw hynny'n golygu na allwch drosglwyddo i'r cwrs MEng cyhyd â'ch bod wedi ennill sgôr gyfartalog o 55% gallwch drosglwyddo ar ddiwedd yr ail flwyddyn.

A allaf ddod yn Beiriannydd Siartredig os byddaf yn graddio â gradd BEng?

Gall peirianwyr â gradd BEng wneud cais i ddod yn Beiriannydd Corfforedig (IEng) ar ôl iddynt dderbyn hyfforddiant ac ennill profiad perthnasol yn y gweithle. Bydd angen i raddedigion BEng sy'n dymuno ennill statws Peiriannydd Siartredig ddilyn cyrsiau dysgu pellach megis cwrs MA ôl-raddedig ryw adeg ar ôl iddynt raddio.

Mae'r cynllun gradd Meistr Integredig (MEng) yn bodloni'r gofyniad addysgol i ddod yn Beiriannydd Siartredig. Gall peirianwyr sy'n meddu ar radd o'r fath gyflwyno cais i ddod yn Beiriannydd Siartredig ar 6ol iddynt fodloni'r gofyniad o ran hyfforddiant a phrofiad yn y gweithle (fel arfer pedair i bum mlynedd ar ôl graddio).