MEng neu MSc? Beth yw'r gwahaniaeth?

MEng neu MSc?

Beth yw'r gwahaniaeth?

Llun o dop adeilad Peirianneg Ganolog ar gampws y Bae.

Os ydych chi am fod yn Beiriannydd, yna gallai gradd Meistr mewn Peirianneg eich helpu i gymhwyso ar lefel uwch.

Mae'r MEng a'r MSc ôl-raddedig yn raddau Meistr proffesiynol ym maes Peirianneg. Maent ar gael ar wahanol ffurfiau, ac fel arfer maent yn rhagofyniad er mwyn bod yn beiriannydd siartredig.

Darllenwch drwy'r canllawiau isod sy'n cynnig atebion i'r cwestiynau cyffredin am gymhwyster MEng ac MSc.

Os oes gennych ragor o gwestiynau, cysylltwch â ni drwy e-bostio engineering@abertawe.ac.uk.

Israddedig

Gwahaniaethau rhwng Cynlluniau

MEng

Hyd y cwrs: Gradd israddedig uwch sy’n para 4 blynedd
Credydau: 120 o gredydau ym mhob un o’r pedair blynedd academaidd
Marc Llwyddo: Marc llwyddo o 50% ym mhob modiwl
System Raddio : 1af, 2:1, 2:2, 3ydd

MSc

Hyd y cwrs: gradd ôl-raddedig unigol sy’n para blwyddyn*
Credydau: 180 o gredydau ar draws un flwyddyn lawn (12 mis)
Marc Llwyddo: Marc llwyddo o 50% ym mhob modiwl
System Raddio: Rhagoriaeth, Teilyngdod, Llwyddo

Achrediad

Mae statws Peiriannydd Siartredig (CEng) yn nod cymeradwyaeth y Cyngor Peirianneg sy'n cael ei gydnabod yn rhyngwladol.

Mae ein cynlluniau MEng wedi'u hachredu i fodloni'r gofynion academaidd ar gyfer Peiriannydd Siartredig.

Mae ein cynlluniau MSc wedi'u hachredu fel 'rhaglenni dysgu pellach' i fodloni gofynion Peiriannydd Siartredig os oes gradd BEng wedi'i hachredu gennych eisoes.

Manteision MEng ac MSc

Mae'n estyn eich gwybodaeth dechnegol.
Mae'n ehangu'ch galluoedd mewn meysydd megis gwaith grŵp, arweinyddiaeth etc.
Mae'n gwella'ch cyfleoedd cyflogaeth.
Mae'n bodloni gofynion academaidd Cyngor y Peirianwyr Siartredig.
Gallwch fyw bywyd myfyriwr am flwyddyn arall!

Gofynion Dilyniant / Trosglwyddo / Mynediad

Mae angen cyfartaledd o 55% erbyn diwedd Blwyddyn 2 i wneud MEng, a rhaid cynnal y cyfartaledd hwnnw drwy gydol Blwyddyn 3.

Os ydych yn gymwys, cewch eich gwahodd ar ôl ichi dderbyn eich canlyniadau Blwyddyn 2 ym mis Gorffennaf/Awst. Y dyddiad cau ar gyfer trosglwyddo yw diwedd Blwyddyn 2 ar gyfer myfyrwyr Haen 4 a diwedd mis Ebrill ar gyfer myfyrwyr Cartref/o’r UE. Dylai myfyrwyr Fisa Haen 4 gysylltu â’r Swyddfa Gwybodaeth i Fyfyrwyr cyn mis Ebrill yn ystod eu 2il Flwyddyn i ddangos diddordeb mewn trosglwyddo fel y gellir anfon atynt yr holl wybodaeth berthnasol am geisiadau CAS a fisa.

Wrth raddio ar gyfer BEng, ni fi modd i chi wneud blwyddyn MEng.

Er mwyn gwneud MSc, mae angen 2:2 (cyfartaledd o 50-55%, gan ddibynnu ar y cwrs) a chyflwyno cais drwy’r Tîm Derbyn Canolog.

Ffïoedd a Chyllid

Brasamcan* o Ffïoedd 2019/20

MEng – Ffïoedd Israddedig Safonol

Rhyngwladol** - £18,500

Cartref /yr UE - £9000

Ffïoedd MSc

Rhyngwladol** - £18,500

Cartref /yr UE - £9000

*Cadarnhewch y ffïoedd hyn gyda’r Swyddfa Gyllid: income.tuition@abertawe.ac.uk

**Am wybodaeth am ysgoloriaethau a chymorth ariannol, cysylltwch â Thîm Recriwtio’r Coleg Peirianneg: engineering@abertawe.ac.uk