Hynt Graddedigion

Fe’ch gwahoddir i gymryd rhan yn yr arolwg oddeutu 15 mis ar ôl i chi orffen eich astudiaethau.

Dyma dabl o ddyddiadau sy’n rhoi gwybod i chi pryd y byddwn yn cysylltu â chi:

Mae canlyniadau’r arolwg Deilliannau Graddedigion yn helpu’n myfyrwyr presennol a myfyrwyr y dyfodol i gael mewnwelediad gwerthfawr o ran pa opsiynau gyrfa sydd ar gael iddynt ac mae’n galluogi’r Brifysgol i ddeall sut y gellir hyrwyddo cyrsiau’n effeithiol.

Hefyd, mae’r ffigurau hyn o’r arolwg yn effeithio ar safle’r Brifysgol yn Nhablau Cynghrair y Prifysgolion ac maent yn helpu i hybu enw da Prifysgol Abertawe a'i graddedigion.  

Yn gyntaf, bydd angen i chi lenwi’n ffurflen ddiweddaru gyflym a hawdd, gan nodi’ch gwybodaeth gyswllt ddiweddaraf. Yna, anfonir e-bost atoch gan SwanseaUniversity@graduateoutcomes.ac.uk. Bydd yr e-bost yn cynnwys eich dolen bersonol  i’r arolwg ar-lein ac mae’n cymryd munudau’n unig i’w gwblhau!

Os na allwch gwblhau’r arolwg ar-lein, yna bydd contractwr arolwg o’r enw IFF Research, sy’n gweithio ar ran HESA a’r Brifysgol, yn eich ffonio chi. Os nad ydych yn rhydd i siarad, yna gall y cynrychiolydd IFF Research ofyn am wybodaeth gan drydydd parti, megis un o aelodau’ch teulu.