Peirianneg Electronig a Thrydanol

male electrical engineering student

Peirianneg Electronig a Thrydanol,

Mae Peirianneg Electronig a Thrydanol yn faes peirianneg cyffrous sy'n newid yn gyflym. Mae'n cynnwys technoleg lled-ddargludyddion, electroneg, cyfrifiaduron digidol, peirianneg meddalwedd, peirianneg pŵer, peirianneg ynni adnewyddadwy, telathrebu, peirianneg amledd radio, prosesu signalau, offeryniaeth, systemau rheoli a roboteg.

Os ydych chi'n unigolyn chwilfrydig ac ymchwilgar sy'n mwynhau datrys problemau drwy dynnu pethau'n ddarnau er mwyn deall sut maent yn gweithio ac yna roi popeth yn ôl at ei gilydd, mae Peirianneg Electronig a Thrydanol yn ddelfrydol i chi. Efallai eich bod wedi tynnu cyfrifiadur yn ddarnau eisoes ac wedi adeiladu un pwrpasol i ddiwallu'ch anghenion chi, neu efallai fod gennych ddiddordeb mewn dyfeisiau ac electroneg - mae'r rhain i gyd yn nodweddion darpar Beiriannydd Electronig a Thrydanol.

O'r we fyd-eang a rhwydweithiau ffonau symudol i liniaduron, cerbydau trydanol a ffynonellau ynni adnewyddadwy, mae'r maes peirianneg hwn yn llywio ein dyfodol a'r byd o'n cwmpas. Mae galw mawr am Beirianwyr Electronig a Thrydanol tra medrus, ac maen nhw'n cael cyfleoedd i weithio ledled y byd mewn maes sy'n heriol ond yn amrywiol hefyd.

Gweld sut beth yw hi i astudio peirianneg yn Abertawe⬇️

Mae Peirianneg Electronig a Thrydanol wedi gael ei achredu gan…

 logo Engineering Council accredited degree
logo The Institution of Engineering and Technology