Bod yn Ddynol 2021

Nos Iau 11 Tachwedd 2021, 19:00 – 20:00 GMT

Lleoliad Ystafell y Cefnfor, Amgueddfa Genedlaethol y Glannau Heol Ystumllwynarth Ardal Forol, SA1 3RD

Ar ôl i ddamwain car ei thaflu i ganol bywyd fel menyw anabl wrth iddi hyfforddi i fod yn Feddyg Iau, bu'n rhaid i Dr Georgina Budd ymdopi â ffordd hollol newydd o fyw, gydag 'eliffant' newydd yn yr ystafell. Fel rhywun sy'n defnyddio cadair olwyn amser llawn, bydd Georgie yn rhannu ei phrofiadau o'r heriau sydd ynghlwm wrth anabledd ac anawsterau iechyd meddwl, sut rydym yn ymdopi â newid trawmatig yn ein ffordd o fyw, a sut dylai hygyrchedd fod wrth wraidd unrhyw gymdeithas yn y dyfodol ond hefyd sut gallwn elwa o hynny hyd yn oed.

Mae'r digwyddiad hwn yn addas i bobl yn 18+ oed, oherwydd trafodir digwyddiadau anodd mewn bywyd ac anawsterau iechyd meddwl. Bydd cyfle i'r gynulleidfa gymryd rhan mewn ymarferion dychmygu a thrafodaeth.

Hygyrchedd: Canllaw Hygyrchedd Amgueddfa Genedlaethol y Glannau  | Amgueddfa Cymru

COFRESTRWCH YMA

**Cofiwch gadw tocyn mynediad am ddim i'r Amgueddfa hefyd: Cynllunio eich ymweliad ag Amgueddfa Genedlaethol y Glannau | Amgueddfa Cymru

Llun o Ddigwyddiad: Wikimedia commons

Nos Wener 12 Tachwedd, 19:00-20:00, Cinema & Co

Pan ddaw Ebrill â'i gawodydd pêr, mae chwedleuwyr canoloesol yn gwybod mai dyma'r amser perffaith am deithio a chariad. Mae'r Canterbury Tales yn dechrau gyda dyfodiad y gwanwyn a dechrau tymor y pererindodau. Mae rhamantau canoloesol yn defnyddio'r tymhorau a'r tywydd i ddylanwadu ar y stori, naill ai gan ddefnyddio perygl môr stormus neu ddraig yn lle perygl amgylcheddol. Yn y gweithdy hwn, byddwn yn archwilio sut i ddefnyddio'r hinsawdd i sbarduno antur. Adroddwyr stori, ysgrifenwyr creadigol, chwaraewyr rpg pen bwrdd, dewch i weld sut gall straeon canoloesol ein helpu i greu bydoedd naratif bywiog a byw - a dechrau eich antur hinsawdd eich hyn.

Mewn partneriaeth â Cinema & Co.

Hygyrchedd: Mae'r lleoliad yn hollol hygyrch oherwydd bydd y digwyddiad i gyd ar yr un llawr a does dim grisiau rhwng y bar a'r awditoriwm. Mae gennym doiledau addas i bobl anabl hefyd. 

COFRESTRWCH YMA

Dydd Sadwrn 13 Tachwedd 2021

10:00 – 12:00 GMT - Sesiwn i deuluoedd/blant

13:00 – 15:00 GMT - Sesiwn Oedolion

Lleoliad: Y Ganolfan Eifftaidd, Prifysgol Abertawe, Campws Parc Singleton, SA2 8PP

Mae alaw'r dŵr yn un o symbolau mwyaf bytholwyrdd yr hen Aifft ac roedd yn cael ei gysylltu ag aileni a dechreuadau newydd. Wrth i ni ddychwelyd yn araf i rywbeth sy'n debyg i fywyd normal yn sgîl heriau Pandemig COVID-19, byddwn yn cynnig nifer o weithgareddau cyffrous yn y Ganolfan Eifftaidd i nodi'r achlysur. Bydd y digwyddiad hwn yn cynnwys gweithdy crefft i blant (8+ oed) a theuluoedd i greu bynting â thema alawon y dŵr, a gaiff ei arddangos yn y Ganolfan Eifftaidd i nodi ei hailagor yn swyddogol.

Hefyd, bydd sesiynau trin gwrthrychau ar gael i blant ac oedolion drin arteffactau hynafol a bydd sesiwn  gwneud plethdorchau i oedolion. Dewch i'r digwyddiad am ddim hwn a dathlu'r dechrau newydd hwn yn y Ganolfan Eifftaidd.

Cydnabyddiaeth Llun: Y Ganolfan Eifftaidd, Prifysgol Abertawe

COFRESTRWCH YMA - Sesiwn i deuluoedd/blant

COFRESTRWCH YMA - Sesiwn Oedolion

Llun: Gweithwyr warws y tu allan i Ffatri Mettoy, Abertawe, 1960au.

Credydau: Casgliad Eira John, Lleisiau o Lawr y Ffatri, Archif Menywod Cymru

Dydd Mawrth 16 Tachwedd 2021, 11:00 – 12:00 GMT

Digwyddiad ar-lein

Nid yw'r llyfrau hanes bob amser yn rhoi darlun cyflawn o ochr ddynol gwaith. Hoffai haneswyr ac archifwyr yn Abertawe glywed mwy am hyn gennych chi. Dewch i'r sesiwn 'sgwrsio a recordio’ hon i rannu atgofion am y pethau roeddech chi'n eu gwneud yn y gweithle i godi calon a lleddfu diwrnod gweithio diflas. Gallai eich straeon newid ein dealltwriaeth o brofiadau o'r gweithle yn y gorffennol. Bydd cyfle i ddysgu rhagor am sut mae bywydau gweithio'n cael eu cofnodi mewn casgliadau archifau lleol. Hefyd cewch gyfle i gyfrannu at adnodd sain newydd - podlediad am brofiadau o'r gweithle a fydd yn cynnwys sylwadau wedi'u recordio o'r trafodaethau.

Yn addas i oedolion sy'n gweithio, neu a fu'n gweithio mewn swyddi diwydiannol neu weithgynhyrchu.

Mewn partneriaeth ag Amgueddfa Genedlaethol y Glannau, Abertawe.

COFRESTRWCH YMA

Nos Fawrth 16 Tachwedd 2021, 18:00 – 20:00 GMT

Digwyddiad ar-lein

Ydych chi yn eich arddegau ac â diddordeb mewn creu eich stori ddigidol eich hun am system hinsawdd y Ddaear? Os felly, dyma'r digwyddiad i chi!

Ymunwch â ni am ddigwyddiad rhyngweithiol ar-lein byw lle cewch gyfle i greu eich stori ddigidol eich hun am newid yn yr hinsawdd gan ddefnyddio iaith godio syml. Gallai eich stori ganolbwyntio ar yr agwedd dechnegol, ysbrydoli gobaith, ail-ddychmygu'r gorffennol a'r presennol neu ddyfeisio dyfodol mwy disglair!

Does dim angen profiad codio! Y cyfan sydd ei angen arnoch yw cyfrifiadur, gliniadur, neu lechen.

COFRESTRWCH YMA

Dydd Mercher 17 Tachwedd, 13:00-14:00 GMT

Creu Taliesin, lawr gwaelod adeilad Taliesin, Prifysgol Abertawe

Yn y casgliad hwn o straeon byr arswydus, mae Rachael Llywellyn yn archwilio ymylon pellach profiad dynol yn fedrus, a’r arswyd sy’n dod gyda hynny’n aml iawn. Gan ymdroelli rhwng yr hyn sy’n gythryblus, yn ddoniol a’r hyn sy’n torri calon, bydd Human Beings yn newid y ffordd rydych chi’n ystyried eich cymydog, yn trin eich cydweithiwr a bydd hyd yn oed yn gwneud i chi ofyn cwestiynau am y person sy’n gorwedd yn y gwely wrth eich ochr . Oherwydd nid yw angenfilod ar y teledu’n hwyr gyda’r nos . . . mae’r angenfilod go iawn yn byw rownd y gornel. 

COFRESTRWCH YMA

Nos Fercher 17 Tachwedd 2021, 19:00 – 20:00 GMT

Digwyddiad Ar-lein

Ysgrifennodd yr awdur Lladin, Columella, a oedd yn byw tua chyfnod yr Ymerawdwr Nero yn y 60au OC, ddogfen sy'n edrych fel llawlyfr hyfforddiant am bob agwedd ar amaethyddiaeth. Yn y sesiwn hon, ymunwch â Dr Ian Goh am sesiwn goginio ar y cyd ar-lein i archwilio rhai o gynghorion Columella am fwyd o'r un olaf o'r 12 llyfr yn y llawlyfr hwn. Maent yn annerch 'gwraig beili' ac mae'r rhai sydd o ddiddordeb penodol i ni'n disgrifio technegau cadwraeth ar gyfer letys a maip ymhlith bwydydd eraill. Byddwn yn rhoi sylw difrifol i gyfarwyddiadau Columella, fel ryseitiau ac fel mynegiannau o hunaniaeth ac awdurdod, a byddwn yn datgelu rhai o'r bwydydd mwy plaen a sobr roedd yr hen Rufeiniaid yn eu bwyta i weld pa mor debyg roedd eu harferion cadw tŷ a bwyta i'n rhai ni.

Bydd y rhai sy'n cofrestru yn derbyn cardiau rysáit er mwyn i chi allu creu eich prydau bwyd eich hun gartref.

COFRESTRWCH YMA

Llun drwy garedigrwydd Gweithdy DOVE

Nos Iau 18 Tachwedd 2021, 19:00 – 20:00 GMT

Lleoliad: Neuadd Les Onllwyn, Rhodfa Wembley, Onllwyn, SA10 9HL

Ym 1983, cynhyrchodd Llyfrgell Glowyr De Cymru ffilm ddogfen gydag aelodau cymunedau yng Nghwm Dulais. Yn 'Waste of Our Time: Pictures of a Changing Valley', trafododd preswylwyr lleol bentrefi Banwen, Onllwyn ac Aberdulais a'r effeithiau roedd y diwydiant glo wedi'u cael ar y dirwedd, y bobl a'r bywyd gwyllt.

Ond sut mae bywyd a'r dirwedd yng Nghwm Dulais wedi newid ers 1983? Yn y misoedd yn arwain at Ŵyl Being Human 2021, bydd preswylwyr a phlant lleol yn cydweithio i greu ffilm ddogfen newydd i'w dangos am y tro cyntaf yn ystod prif gyfnod yr ŵyl. Gan ddefnyddio'r ffilm wreiddiol fel man cychwyn a thrwy amrywiaeth o weithdai artistig rhyngweithiol, byddant yn ystyried y newidiadau yn y dirwedd, y bywyd gwyllt a bywyd cymunedol ers 1983 ac etifeddiaeth gymdeithasol ac amgylcheddol tanwyddau ffosil. Caiff ‘Waste of Our Time: Renewing Pictures of a Changing Valley' ei dangos am y tro cyntaf yn Neuadd Les Onllwyn, a bydd sesiwn holi ac ateb i ddilyn gyda rhai o wneuthurwyr y ffilm ddogfen.

Mae croeso i deuluoedd a phlant 8+ oed.

Mewn partneriaeth â Gweithdy DOVE, Cymdeithas Hanesyddol Cwm Dulais, Neuadd Les Onllwyn.

COFRESTRWCH YMA

Yr Athro Martin Stringer, Dirprwy Is-ganghellor, (Addysg)

Dydd Gwener 19 Tachwedd 12pm-1pm

Pan ddechreuodd y pandemig bron dwy flynedd yn ôl, creodd fy nghydweithiwr, Phil Newton, raglen hyfforddiant o'r enw total e-fabulous ar gyfer staff. Roedd hyn yn hanfodol wrth alluogi Prifysgol Abertawe i addasu i'r cyd-destun newydd a darparodd sylfaen gadarn i'n gweithgarwch dysgu ac addysgu dros y deunaw mis diwethaf. Hoffwn i nawr arwain gweithdy a fydd yn ein helpu i edrych tua'r dyfodol, y tu hwnt i'r pandemig a'r tu hwnt i e-ddysgu.

Beth rydyn wedi'i ddysgu? Ydy platiau tectonig addysgu yn symud yn sylfaenol? Ydyn ni o'r diwedd yn mynd i allu gwireddu addewid a wnaed imi pan ddechreuais i addysgu ym Mhrifysgol Birmingham ar ddechrau'r 1990au, y byddai technoleg yn trawsnewid ein haddysgu am byth? Beth am ffyrdd eraill o ddefnyddio technoleg ddigidol? Allwn ni gyflawni potensial yr holl raglenni dadansoddeg dysgu hynny? Oes modd, mewn gwirionedd, i ni ragweld pan fydd myfyrwyr yn colli tir yn eu dysgu? Ddylen ni? Beth mae'n ei olygu i unigoli neu bersonoli dysgu a rhyngweithio myfyrwyr? Oes gennym y dechnoleg i wneud hyn yn effeithiol, ac os oes, ddylen ni ei defnyddio? Allwn ni ddweud yn onest, ar ôl y pandemig, fod 'pob myfyriwr yn bwysig'?

Mae cynifer o gwestiynau ond mae arna i ofn fod yr atebion go iawn yn brin. Dewch i archwilio'r hyn rydym yn ei wybod a'r hyn nad ydym yn ei wybod, yr hyn y gallwn a'r hyn na allwn ei wneud. Yn anad dim, bydd yn sgwrs hollol wych!

COFRESTRWCH YMA

Dewch draw i sesiwn ddysgu Cymraeg hwyliog a rhyngweithiol gyda thiwtoriaid o Dysgu Cymraeg Ardal Bae Abertawe. Gobaith y sesiwn flasu hon, sydd wedi'i threfnu'n benodol er mwyn croesawu ceiswyr lloches a ffoaduriaid, yw cyflwyno'r iaith a'r diwylliant Cymraeg i chi a'ch teulu wrth i chi addasu i fywyd yn ne-orllewin Cymru. Yn addas i oedolion a phlant.

Partneriad:

Academi Hywel Teifi

IAITH Cyf 

Rhieni dros Addysg Gymraeg

Learn Welsh Swansea Bay Area

NOS IAU 12 TACHWEDD

 'New World, New Beginnings'

Ymunwch â ni i ddathlu gwytnwch a chysylltedd dynol drwy farddoniaeth wrth i ni baratoi ar gyfer byd â threfn newydd / dechrau newydd.  Bydd y bardd sydd wedi'i ganmol gan y beirniaid a'r Athro Creadigrwydd, Owen Sheers, yn cael cwmni beirdd arobryn Natalie Holborow ac Eric Ngalle Charles wrth iddyn nhw wahodd aelodau'r cyhoedd i ddarllen eu cerddi eu hun, wedi'u hysbrydoli gan weithdai thema am ddim a gynhelir ym mis Hydref. 

Dan arweiniad: Yr Athro Creadigrwydd Owen Sheers, Natalie Holborow ac Eric Ngalle Charles
Mewn partneriaeth ag: Fusion Abertawe; Dinas a Sir Abertawe; Oriel Gelf Glynn Vivian; Oriel Science

Lleoliad: DIGWYDDIAD AR-LEIN  (Oriel Gelf Glynn Vivian)
Amser: 7yp-8:30yp
Cynulleidfa: 16+ oed

DYDD GWENER 13 TACHWEDD

'It's not all Pol Pot!: Cambodian arts in the 21st century’

Llun Credyd: Kdey Sromai gan Chamroeun Sophea (c) Choeun Socheata

Ymunwch â ni am ddigwyddiad arbennig iawn ar ddawns gyfoes yng Nghambodia lle byddwn yn uno'r ŵyl Bod yn Ddynol â thymor diwylliannol Cambodian Living Arts (CLA). Darganfyddwch sut y mae cenhedlaeth ifanc o artistiaid yn defnyddio dawns gyfoes Gambodiaidd i arddangos hunaniaethau, mynegiannau a phrofiadau newydd y tu hwnt i naratif y Killing Fields. Bydd y digwyddiad yn cynnwys perfformiad dawns wedi'i recordio ymlaen llawn a gafodd ei ddangos yn rhan o Dymor Diwylliannol CLA, DARK gan Choung Veasna a THE PILLAR gan Sok Nalys a sesiwn holi-ac-ateb gyda'r artistiaid dan sylw. 

Dan Arweiniad: Dr Amanda Rogers, Yr Adran Ddaearyddiaeth ym Mhrifysgol Abertawe
Mewn partneriaeth ag: Adran Ddaearyddiaeth Prifysgol Abertawe; Cambodian Living Arts (CLA); Oriel Gelf Glynn Vivian

Lleoliad: DIGWYDDIAD AR-LEIN  (Oriel Gelf Glynn Vivian)
Amser: 12yp-2yp (7yh-9yh Amser Cambodia)
Cynulleidfa: 16+ oed

DYDD SADWRN 14 TACHWEDD

New Lands, New Adventures

Hoffech chi gael hwyl gwych? Yn galw ar bob plentyn 6-11 oed! Dewch i ddysgu sut i greu bydoedd a thiroedd rhyfeddol, hardd, dychrynllyd a hollol wreiddiol. Mae popeth yn bosib, o fydoedd rhyfeddol i blanedau aliwns! Hefyd bydd adrodd straeon!

Debra John, Adroddwr straeon 11-11.30, Gweithdy 11.30-12.30.

Dan arweiniad: Dr Alan Bilton, Uwch-ddarlithydd Llenyddiaeth Saesneg ac Ysgrifennu Creadigol ym Mhrifysgol Abertawe
Mewn partneriaeth ag: Amgueddfa Genedlaethol y Glannau

Lleoliad: DIGWYDDIAD AR-LEIN  (Amgueddfa Genedlaethol y Glannau)
Amser: 11yh-12:30yh
Cynulleidfa: Plant 6-11 oed a rhieni / gwarcheidwaid

‘Writing the Fantastical’

14 Tachwedd:  19:00 -20:00:  'Kings, Presidents, & Spies: Assassinations Past and Present'

Ymunwch â ni am sgwrs ryngweithiol, cwis a darlleniadau wrth i ni archwilio cyfrinachedd a'r defnydd o lofruddieth o'r canoloesoedd i'r presennol.  Byddwn hefyd yn astudio dulliau a ddefnyddiwyd gan lofruddion yn y gorffennol a'r presennol, gan gynnwys proceri chwilboeth a phast dannedd wedi'i wenwyno!

Dan arweiniad: Dr Luca Trenta, Dr Eoin Price a Dr Roberta Magnani
Lleoliad:  Cinema and Co.                                 Partneriaid:  Cinema and Co.

15 Tachwedd:  14:00-16:00:  'Discovering your Creativity: gweithdy ysgrifennu rhyngweithiol'

Dewch i'n gweithdy ysgrifennu rhyngweithiol lle bydd cyfle gennych i ysgrifennu barddoniaeth a rhyddiaith ar themâu fel cyfrinachau, lleoedd a bywyd yn Abertawe. Caiff llinellau o weithiau unigol eu defnyddio i greu gludwaith o'r hyn yw ystyr byw a chreu yn Abertawe.

Dan arweiniad: Kathy Chamberlain a thîm o fyfyrwyr PhD a chyn-fyfyrwyr Ysgrifennu Creadigol y mae eu hymchwil yn canolbwyntio ar 'le'.
Lleoliad:  Amgueddfa Genedlaethol y Glannau.      Partneriaid:  Amgueddfa Genedlaethol y Glannau a Celfyddydau Anabledd Cymru

16 Tachwedd:  11:00–15:00:  ‘Discovering the Mary Rose: Aaartt on the High Seas

Dewch ar fwrdd am ddiwrnod llawn hwyl o antur wych ar y moroedd mawr, gan ddathlu arddangosfa newydd Glynn Vivian, The Mary Rose: People and Purpose. Dewch i ddarganfod ffeithiau a chyfrinachau sinistr am fywyd ar fwrdd y llong waradwyddus hon mewn cyfres o weithdai sy'n cynnwys theatr animeiddiedig a chreu eich drama Duduraidd eich hun, gan balu am drysor cudd, adeiladu byd agored 3D a dylunio a rasio eich cychod modur sy'n gyrru eu hunain ar thema Duduraidd. Bydd angen bod yn effro i ganfod y cliwiau ar ein llwybr oriel ar thema'r Mary Rose - dewch o hyd i'r cliwiau i ddarganfod cyfrinachau cudd y Mary Rose! Gyda sgyrsiau, perfformiadau, gwisgo i fyny a chlerwyr crwydrol, bydd hwn yn ddiwrnod nad ydych am ei golli

Dan arweiniad: Dr Nick Owen, Dr Catherine Fletcher a Professor David Britton
Lleoliad:  Glynn Vivian Art Gallery.     Partneriaid:  Oriel Gelf Glynn Vivian, Ymddiriedolaeth y Mary Rose, Oriel Science, y Sefydliad Diwylliannol a Choleg Peirianneg, Prifysgol Abertawe.

18 Tachwedd:  10:00-12:00:  'The Climate's Hidden History' (Digwyddiad Ysgolion Cyfrwng Cymraeg)

Dewch i ddarganfod cyfrinachau cudd y blaned, a ganfyddir yn nyfnderoedd y meysydd iâ, gyda’r Athro Siwan Davies, arbenigwraig ryngwladol ar newid yn yr hinsawdd a Phennaeth Adran Ddaearyddiaeth Prifysgol Abertawe. Ar ôl i chi gael cyfle i weld y dystiolaeth ar gyfer newid yn yr hinsawdd yn y labordy, bydd y bardd Grug Muse yn arwain gweithdy barddoniaeth a fydd yn ymateb i’r darganfyddiadau hyn am orffennol a dyfodol y Ddaear.

Dan arweiniad: Y Athro Siwan Davies a Grug Muse
Lleoliad:  Adeilad Margan, Campws Singleton.       Partneriaid:  Academi Hywel Teifi, Coleg Gwyddoniaeth Prifysgol Abertawe

18 Tachwedd:  19:00-20:00:  'Becoming Human: Pinocchio Retold'

Mae Becoming Human – Pinocchio Retold yn adrodd stori pyped enwocaf y byd, yn erbyn galwadau ac uchel freintiau cymdeithas fodern y Gorllewin. Gan ddilyn ôl ei draed o'i enedigaeth i'w oedolaeth, rydym yn cael gweld drwy ei lygaid yr hyn yw bod yn gymdeithasol. Er bod Pinocchio, o ran meddwl a chorff yn rhan o gymdeithas, fel unigolyn mae'n cael anhawster canfod ystyr cariad a hunaniaeth. Mae'r comedi trasig hwn yn edrych ar werthoedd a strwythurau cymdeithasol, wrth wahodd y gynulleidfa i chwerthin a chael ei mesmereiddio gan garafán o gymeriadau (Muzziolo a Soinila sy'n chwarae pob un). Mae'r ddrama'n gofyn cwestiynau am yr hyn sy'n gwneud ein hunaniaeth graidd fel bodau dynol a sut gallwn ddelio â bywyd modern - cwestiynau y mae Pinocchio'n gafael ynddynt drwy gydol y ddrama, ac yn y diwedd mae'n dod i delerau â nhw.

Prif thema Becoming Human - Pinocchio Retold yw taith o hunanddarganfod, lle caiff cyfrinachau go iawn Pinocchio eu datgelu.

Dan arweiniad: Dr Ian Rutt (Cyfarwyddwr Cerdd), Alice Muzzioli ac Inari Soinila  (awduron/perfformwyr) ac Atillio Zilli (cyfarwyddwr sain)
Lleoliad:  Theatr Volcano               Partneriaid:  Theatr Volcano

19 Tachwedd:  19:00-20:00:  'The Panic Room: Werwolves and Sherlock'

Caiff bywyd ei fyw drwy hanner gwirionedd, caethiwo, celwydd, datgodio, dianc a darganfod y gwir. Mae côd cymhleth ac annibynadwy plentyn terfysgwyr Werwolf a gwaith Sherlock Holmes yn cynnig mewnwelediad unigryw i'r ysbryd dynol. Mewn trafodaeth banel, gydag 'ystafell banig' ffug, byddwn yn datgelu cynlluniau cudd Werwolf Hitler a dawn Sherlock Holmes.

Dan arweiniad: Dr Anne Lauppe-Dunbar a Dr Nicko Vaughan
Lleoliad:  Amgueddfa Abertawe.   Partneriaid: Amgueddfa Abertawe

20 Tachwedd:  19:00-20:30:  'Now I Become Myself: a woman's voice in music and poetry' 

Bydd y cyfansoddwr o Gymru, Rhian Samuel, yn siarad am ei bywyd yn gyfansoddwr cerddoriaeth glasurol yn UDA a’r DU, o gyfnod pan oedd cyfansoddwyr benywaidd yn hynod brin, hyd at heddiw pan geir llawer mwy ohonynt. Ym mha ffyrdd y gall hyn fod wedi cyfoethogi ein diwylliant?  Yn ei chynorthwyo bydd Siân Dicker (soprano) a Kristal Tunnicliffe (piano) a fydd yn perfformio Cerddi Hynafol, trefniadau o dri thestun Cymraeg o’r canol oesoedd, yr ymddengys mai menywod oedd yr awduron, a’r gân ‘Before Dawn’, trefniant o’r gerdd ‘Mourning to Do’ gan yr Americanes, May Sarton.

Lleoliad:  Y Neuadd Fawr, Prifysgol Abertawe.    Partneriaid:  Canolfan Richard Burton

23 Tachwedd:  14:00-16:00:  ‘Enter the Chamber of Secrets'

Ydych chi am fentro i'r siambr gyfrinachau? Ymunwch â ni am ddiwrnod llawn hwyl i'r teulu, gan gynnwys:

• ‘Agor y Siambr Gyfrinachau’ – ysgrifennu cadwyni dirgelwch ac adrodd straeon, gyda dau brif naratif - 'Cyfrinachau'r Môr' a'r 'Gorffennol Claddedig' (Yn addas ar gyfer plant hyd at 12 oed)
  
  
• ‘Cyfrinachau'r Hen Aifft’ – darganfod mymio, cyfrinachau hieroglyffig, yr hen gêm Senet  ac arteffactau go iawn o'r Aifft
  
  
• ‘Darganfod eich stori ddigidol’ - creu eich naratif digidol 2 funud eich hun! (Dewch â'ch ffôn clyfar / llechen Android gyda chi)

Dan Arweiniad: Dr Geraldine Lublin, Dr Alan Bilton, Dr Anne Lauppe-Dunbar a Hannah Sweetapple
Lleoliad: Creu Taliesin.       Partneiriad: Y Ganolfan Eifftaidd

'Digwyddiad Mawr Rhoi Llyfrau Am Ddim' 

Ymunwch â ni am ein helfa lyfrau i’r teulu ar draws dinas Abertawe o ddydd Sadwrn 16 Tachwedd! Cyn dathlu canfed pen-blwydd y Brifysgol, byddwn yn cuddio cant o lyfrau yn y lleoedd mwyaf dirgel -  ar y traeth, yn un o’n parciau hyfryd, neu efallai mewn arhosfan bws! Os ydych yn dod o hyd i lyfr, cewch ei gadw! Bydd pob llyfr hefyd yn cynnwys neges arbennig, a phan fyddant wedi mynd, ni fydd dim mwy ar gael!

'Rediscovering Swansea: arddangosfa newydd' - 14-23 Tachwedd

Ymunwch â ni am arddangosfa newydd sy’n addas i’r teulu cyfan lle cewch gyfle i ailddarganfod eich dinas!

• Byddwch yn dysgu am y teulu Vivian a hanodd o Gernyw’n wreiddiol, a’u bywyd yn Abaty Singleton
• Cewch fwy o wybodaeth am y gweithfeydd copr a oedd yn guriad calon bywyd yn Abertawe
• Dewch i ddathlu canmlwyddiant Prifysgol Abertawe sydd ar ddod yn 2020 a chael cipolwg ar ei hanes 

Lleoliad: Llfrgell Campws Singleton Prifysgol Abertawe

15 Tachwedd:  18:00 -19:00:  'Pembrokeshire, Passchendaele and Perth: my family in the Great War'

Ymunwch â'r Athro Curtis wrth iddo gyflwyno sgwrs â lluniau am ei deulu yn y Rhyfel Mawr.

Lleoliad:  Volcano Theatre.                                 Partneriaid:  Volcano Theatre; Jeff Phillips Art.

16 Tachwedd:  18:00-19:45:  'To Provide All People'

Ymunwch ag Owen Sheers, Athro Creadigrwydd Prifysgol Abertawe, ar gyfer sgwrs am ei ffilm-gerdd ddiweddar, To Provide All People.

Lleoliad:  Cinema & Co.      Partneriaid:  Cinema & Co.; Vox Productions; BBC Cymru; Siop Lyfrau Cover to Cover. 

17 Tachwedd:  12:00–16:00:  ‘The end crowns all’: Shakespeare’s stories and surprises

Mae Gŵyl Being Human yn cynnal diwrnod o hwyl i'r teulu am Shakespeare! Noddir y digwyddiad hwn yn garedig gan Gymdeithas Shakespeare Prydain.

Lleoliad:  Amgueddfa Genedlaethol y Glannau.   Partneriaid:  National Waterfront Museum; Fluellen Theatre Company.

20 Tachwedd:  19:00-20:00:  Martin Luther King Jr., Coretta Scott King, and civil rights

Ymunwch â Dr Regina Poertner o Brifysgol Abertawe am sgwrs â lluniau am y pâr cymhleth, tra diddorol hwn.  
Cynulleidfa: 16+

Lleoliad: Amgueddfa Abertawe.        Partneriaid:  Amgueddfa Abertawe.

21 Tachwedd:  19:00-20:30:  'Edward Thomas and Wales'

Archwilia Jeff Towns y dylanwad dwfn a gafodd Cymru a diwylliant Cymreig ar ryddiaith Edward Thomas.

Lleoliad: Cinema & Co.     Partneriaid:  Cinema & Co; Parthian Books; Siop Symudol Dylan.

22 Tachwedd:  19:30-21:00:  Kamila Shamsie - 'Home Fire'

Lleoliad:  Neuadd Fawr, Prifysgol Abertawe.   Partneriaid: Cymdeithas Adeiladu Abertawe; Siop Lyfrau Annibynnol Cover to Cover.

23 Tachwedd:  13:00-14:00:  Tarddiad ac esblygiad damcaniaeth: Alfred Russel Wallace

Bydd yr actor Ioan Hefin a’r gwyddonydd a’r darlledwr Elin Rhys, yn trafod sut mae gwaith a bywyd Wallace, dyn hunan-addysgedig, yn dal i ysbrydoli a rhyfeddu’r byd.

Lleoliad:  Glynn Vivian Art Gallery.  Partneriaid:  Academi Hywel Teifi; Theatr na nÓg; Oriel Glynn Vivian. 

24 Tachwedd:  13:30-14:30 and 16:30-17:30:  ‘Once Upon a Time, the End

Gweithdy ysgrifennu creadigol sy'n ymarferol, llawn hwyl ac yn addas i'r teulu cyfan!

Lleoliad: Creu Taliesin, Canolfan Celfyddydau Taliesin.

24 Tachwedd:  15:00-16:00 and 18:00-19:00:  Arthur Ransome's 'Old Peter's Russian Tales'

Dewch i fwynhau prynhawn/noson o straeon gwerin a hud pan fydd yr Athro D J Britton o Brifysgol Abertawe a Theatr Cadair yn gwneud i 'Old Peter's Russian Tales' fyw ar y llwyfan! 

Lleoliad: Canolfan Celfyddydau Taliesin.  Partneriaid: Canolfan Celfyddydau Taliesin; Theatr Cadair; Arthur Ransome Estate.

The NHS is Born! - arddangosfa wythnos hir 15-24 Tachwedd

Lleoliad:  Llyfrgell y Glowyr De Cymru.  Partneriaid:  Llyfrgell y Glowyr De Cymru; Archifau Richard Burton.