Cystadleuaeth ysgrifennu genedlaethol mawr ei bri ar gyfer ysgrifenwyr a anwyd neu sy’n byw yng Nghymru yw Cystadleuaeth Stori Fer Rhys Davies. Cafodd y gystadleuaeth ei chreu nôl ym 1991 ac rydyn ni’n falch iawn o allu i rheoli wobr hon y mae sôn mawr amdani ar ran Ymddiriedolaeth Rhys Davies ar y cyd â Parthian Books.
Ynglŷn â Rhys Davies
Roedd Rhys Davies, a anwyd ym Mlaenclydach ger Tonypandy yn y Rhondda ym 1901, gyda’r ysgrifenwyr rhyddiaith Cymreig mwyaf ymroddedig, toreithiog a medrus a oedd yn ysgrifennu’n Saesneg. Gan ymroi’n ddiwyro a heb fawr o barch tuag at lwyddiant masnachol, bu’n ymarfer crefft yr ysgrifennwr am ryw bum deg o flynyddoedd ar ffurf y stori fer a’r nofel gan gyhoeddi yn ystod ei oes gorff sylweddol o waith sydd bellach yn waddol i’w fri llenyddol. Rhwng popeth, ysgrifennodd fwy na chant o straeon, ugain nofel, tair nofel fer, dau lyfr topograffigol am Gymru, dwy ddrama a hunangofiant.
Gwobrau
-
Gwobr 1af - £1,000 o bunnoedd sterling a chaiff y cais buddugol ei gyhoeddi mewn antholeg o straeon byrion a gyhoeddir gan Parthian Books yn 2026.
-
Gwobr arall/Rownd derfynol gwobrau - £100 yr un a chaiff y ceisiadau eu cyhoeddi mewn antholeg o straeon byrion a gyhoeddir gan Parthian Books yn 2026.
Rhestr Fer 2026
Cafodd Dean Atkins ei eni a'i fagu yn y Rhondda ac astudiodd ddiwinyddiaeth yng Nghaerdydd ac yn Rhydychen. Ac yntau’n offeiriad yn yr Eglwys yng Nghymru am 30 o flynyddoedd, gweithiodd am draean o'r amser hwnnw fel Swyddog Ieuenctid. Mae'n byw ac yn gweithio ar hyn o bryd yn Butetown yng Nghaerdydd ac yn y cymunedau cyfagos, sef Splott a Grangetown. Dros y blynyddoedd diweddar, mae ef wedi treulio mwyfwy o amser yn ysgrifennu'n greadigol a chyrhaeddodd ei stori fer, ‘The Tonypandy Riot,’ y rhestr fer ar gyfer Gwobr Bridport 2025. Mae rhan fawr o'i waith ysgrifennu'n canolbwyntio ar Gymru, cof, gwrywdod, hunaniaeth a lle.
Instagram: @deanjatkins | Substack: @deanatkins1
Awdur, cyfieithydd a golygydd o Eglwyswrw yw Hannah Dafforn-Belloube. Astudiodd y Clasuron a Saesneg yng Ngholeg St Anne ac mae ganddi ddiplomâu ôl-raddedig mewn Sbaeneg a chyfieithu. Mae ganddi waith wedi ymddangos yn New Statesman, Wales Arts Review, Folding Rock, New Welsh Review a Llyfr Nodiadau Labordy Electronig #RivetingReviews. Gan symud rhwng bydoedd a ffyrdd o fod ieithyddol – yn enwedig bydoedd Saesneg, Sbaenaidd a Phortiwgaleg – a bydoedd gwledig/trefol, mae ei hysgrifennu’n archwilio mudo, serch, arallrwydd, hunanoldeb dameidiog, a’r risgiau moesegol o drosi profiad byw yn naratif. Ar ôl blynyddoedd o symud rhwng Sir Benfro, Rhydychen a Madrid, mae hi wedi dod o hyd i'w chartref yn São Paulo.
Cafodd Lucie Donahue ei geni a'i magu ym Mangor, gogledd Cymru. Astudiodd gyfreitheg ym Mhrifysgol Rhydychen cyn dychwelyd i Gymru i weithio fel cyfarwyddwr rhaglenni dogfen teledu yn y BBC yng Nghaerdydd. Cafodd ei stori fer, 'The Year of New Windows', ei chyhoeddi yn Rhifyn 004 o Folding Rock. Mae hi'n gyn-fyfyriwr o’r Faber Academy a bellach yn byw yng Ngwlad yr Haf lle mae hi'n gweithio ar ei nofel gyntaf.
Instagram: @luciedonahue
Mae Ben Fergusson yn awdur tair nofel a llyfr ffeithiol. Enillodd ei lyfr cyntaf, The Spring of Kasper Meier (2014), Wobr Betty Trask yn 2015 yn ogystal â gwobr Debut Crown Cymdeithas y Llenorion Hanesyddol a chyrhaeddodd y rhestr fer ar gyfer Gwobr Llenor Ifanc y Flwyddyn y Sunday Times. Mae'n cyfieithu gwaith llenyddol o'r Almaeneg ac yn 2020 enillodd Wobr Stephen Spender am farddoniaeth wedi'i chyfieithu. Caiff ei nofel sydd ar ddod i blant ei chyhoeddi gan Faber ac enillodd Wobr Action! Faber ar gyfer 2026. Mae'n byw yn y Fenni gyda'i ŵr a'u mab ac mae’n Uwch-ddarlithydd mewn Ysgrifennu Creadigol ym Mhrifysgol Metropolitan Caerdydd. [Cydnabyddiaeth llun: Christian Werner]
Instagram: @ben_fergusson_ | LinkedIn: ben-fergusson-29960a1b
Cafodd Sybilla Harvey ei magu yn Y Fenni ac yn hwyrach cwblhaodd MA mewn Ysgrifennu Creadigol ac am Fywyd yn Goldsmiths, Prifysgol Llundain. Bellach, mae hi'n gyfarwyddwr creadigol i gwmni cynhyrchu yn Efrog Newydd ond mae hi'n dychwelyd adref yn aml. Mae ei straeon byrion wedi cael eu cyhoeddi yn New Welsh Review a Mslexia. Cyrhaeddodd y rhestr fer ar gyfer Cystadleuaeth Stori Fer Rhys Davies 2025.
Instagram: @sybilla.harvey
Mae William Hutton yn awdur Cymreig sy'n byw yn Llundain. Wedi'i eni yng Nghaerdydd a'i fagu ym Mro Morganwg, astudiodd Lenyddiaeth Saesneg ym Mhrifysgol Caergrawnt ac enillodd MSt mewn Ysgrifennu Creadigol o Rydychen. Yn ddiweddar, graddiodd fel Cymrawd y Cadeirydd mewn Ffuglen Prifysgol Columbia, Meistr y Celfyddydau Cain. Mae ei ysgrifennu wedi cael ei gydnabod gan Ganolfan Ysgrifenwyr McCormack ac wedi'i gyhoeddi yn Columbia Journal, Engelsberg Ideas a'r Guardian. Mae ei nofel gyntaf, sydd ar y gweill ar hyn o bryd, wedi'i lleoli ar y ffin rhwng Cymru a Lloegr yn ystod gaeaf llwm ym 1192, ar adeg pan fo'r llinell rhwng y byd corfforol a'r byd ysbrydol yn aneglur.
Instagram: @williamhuttonwriter | Gwefan: williamhutton.co.uk
Mae Issariya Morgan yn awdur llawrydd ac artist serameg o Aberystwyth. Mae ei gwaith ffuglen yn archwilio themâu natur, rhywedd, trawsnewid ac ansefydlogrwydd, sy'n deillio’n rhannol o'i threftadaeth gymysg ac ar ôl cael ei magu ar arfordir gwyllt Cymru. Ochr yn ochr â hyn, yn aml caiff ei hysbrydoli gan syniadau o gelfyddyd weledol, cerddoriaeth a sinema. Cystadleuaeth Stori Fer Rhys Davies yw'r tro cyntaf mae hi wedi cyrraedd rhestr fer gwobr lenyddol.
Instagram: @issariya.maker
Awdur yw Michelle Penny sy'n byw yn Abertawe, gyda gwreiddiau yn Ynys Môn a Chaerffili. Mae ei gwaith yn defnyddio hanes, llên gwerin a thirwedd Cymru. Cyrhaeddodd y rhestr fer ar gyfer Gwobr Ffuglen Fflach Rhydychen ac mae ei gwaith wedi'i gyhoeddi yn Folding Rock a chylchgrawn Uncommon.
Instagram: @michellepennywrites
Ganwyd Diana Powell yn Llanelli, astudiodd Saesneg ym Mhrifysgol Aberystwyth ac mae hi bellach yn byw yn Sir Benfro. Enillodd Wobr Stori Fer Bryste 2022, Gwobr ChipLit 2019, a Gwobr PENfro 2014. Mae ei straeon hefyd wedi cael eu gosod yng Ngwobr Cymdeithas Trwyddedu a Chasglu Awduron (ALCS) Tom-Gallon, cystadlaethau Bedford 2019, 2021 a 2022 a Gwobr Gwasanaeth Cymorth Pontio Caergrawnt.
Mae ei gwaith wedi ymddangos mewn llawer o antholegau a chyfnodolion, gan gynnwys Best (British) Short Stories 2020 a New Welsh Review.
Mae ei gwaith hirach diweddar yn cynnwys things found on the mountain (Seren) a The Sisters of Cynvael, a enillodd Wobr Lenyddiaeth Cinnamon Press.
Instagram: @dianapowell_writer
Satterday Shaw has an MA (with distinction) and a PhD in Literature from Essex University. Her short fiction and articles have been published in Mslexia, The London Magazine, Wasafiri, the Rhys Davies Short Story Award Anthology, New Welsh Review, Wales Arts Review and other places. A neurodivergent writer, she lives in Eryri. Her daughter, Naomi, encouraged her to write, and gave her permission to share stories about experiences of life-threatening illness. Satterday lived in African-Caribbean-English families from the age of five. Her jobs have included waiting tables, film and video director/editor, anti-racist education, family carer, and teaching creative writing.
Instagram: @satterdayshaw
Mae Beth Webster yn awdur ffuglen fer ac wedi'i chyhoeddi'n flaenorol yn These Pages Sing. Ar hyn o bryd mae hi'n astudio gradd Ysgrifennu Creadigol yn rhan-amser wrth weithio yn y GIG. Cafodd ei magu yng Nghaerfyrddin ac yn byw ger Pontyclun gyda'i gŵr a'i chath hynod maldodus.
Instagram: @bwebs_ter2310
Mae Rhys Owain Williams yn awdur o Abertawe, Cymru. Mae ei waith wedi cael ei gyhoeddi mewn cylchgronau gan gynnwys Gutter, Magma, The Aftershock Review a Poetry Wales – sydd wedi'i enwi'n ddiweddar fel bardd y dylid cadw llygad arno fel rhan o'i ddathliadau pen-blwydd yn 60 oed. Mae Rhys wedi cydweithredu ar gomisiynau artistig gydag enwau megis Art in Site, Cymdeithas Adeiladu Nationwide a GIG Cymru, ac mae ei waith ysgrifennu wedi'i gyfieithu i’r Gymraeg, Groeg a Latfieg. Cyhoeddwyd ei gasgliad cyntaf o farddoniaeth, That Lone Ship gan Parthian yn 2018, ac mae'n gweithio ar ei ail gasgliad ar hyn o bryd. Mae'n Awdur wrth ei Waith Gŵyl y Gelli.
Instagram: @rhys_owain | Facebook: RhysOwainWilliams
Bluesky: @rhysowainwilliams | Threads: @rhys_owain
Barnwr Gwadd 2026 - Tyler Keevil
Cafodd Tyler Keevil ei fagu yn Vancouver a symudodd i Gymru yn ei ugeiniau. Mae'n awdur sawl nofel a'r casgliad o straeon, Burrard Inlet (Parthian). Mae ei lyfrau wedi cael eu cyfieithu i amrywiaeth o ieithoedd ac mae wedi ennill nifer o wobrau am ei waith, gan gynnwys Gwobr Journey, Dewis y Bobl yng Ngwobrau Llyfr y Flwyddyn Cymru, a Gwobr Jeffrey E Smith y Golygyddion gan The Missouri Review. Mae'n addysgu Ysgrifennu Creadigol ym Mhrifysgol Caerdydd ac mae'n byw gyda'i deulu yn ne Cymru.
