Cystadleuaeth ysgrifennu genedlaethol mawr ei bri ar gyfer ysgrifenwyr a anwyd neu sy’n byw yng Nghymru yw Cystadleuaeth Stori Fer Rhys Davies. Cafodd y gystadleuaeth ei chreu nôl ym 1991 ac rydyn ni’n falch iawn o allu i rheoli wobr hon y mae sôn mawr amdani ar ran Ymddiriedolaeth Rhys Davies ar y cyd â Parthian Books.
Ynglŷn â Rhys Davies
Roedd Rhys Davies, a anwyd ym Mlaenclydach ger Tonypandy yn y Rhondda ym 1901, gyda’r ysgrifenwyr rhyddiaith Cymreig mwyaf ymroddedig, toreithiog a medrus a oedd yn ysgrifennu’n Saesneg. Gan ymroi’n ddiwyro a heb fawr o barch tuag at lwyddiant masnachol, bu’n ymarfer crefft yr ysgrifennwr am ryw bum deg o flynyddoedd ar ffurf y stori fer a’r nofel gan gyhoeddi yn ystod ei oes gorff sylweddol o waith sydd bellach yn waddol i’w fri llenyddol. Rhwng popeth, ysgrifennodd fwy na chant o straeon, ugain nofel, tair nofel fer, dau lyfr topograffigol am Gymru, dwy ddrama a hunangofiant.
Gwobrau
-
Gwobr 1af - £1,000 o bunnoedd sterling a chaiff y cais buddugol ei gyhoeddi mewn antholeg o straeon byrion a gyhoeddir gan Parthian Books yn 2027.
-
Gwobr arall/Rownd derfynol gwobrau - £100 yr un a chaiff y ceisiadau eu cyhoeddi mewn antholeg o straeon byrion a gyhoeddir gan Parthian Books yn 2027.
Sut y Gystadlu
Mae cystadleuaeth 2027 yn agor ar gyfer ceisiadau: DYDD LLUN 16 TACHWEDD 2026
Dyddiad cau ar gyfer derbyn ceisiadau: DYDD LLUN 15 CHWEFROR 2027 AM HANNER NOS
Sut y Gystadlu:
- Darllenwch y Rheolau, Telerau ac Amodau Mynediad - Cystadleuaeth Stori Fer Rhys Davies 2027
- Dalu’r ffi gystadlu ac i gael eich cyfeirnod unigryw CLICIWCH YMA. I gael manylion am gymhwysedd i gael mynediad am ddim, edrychwch ar y telerau ac amodau.
- Llenwch y ffurflen gais CLICIWCH YMA.
Barnwr Gwadd 2027 - Joe Dunthorne
Mae Joe Dunthorne yn fardd ac yn nofelydd. Cafodd ei nofel gyntaf, Submarine, ei chyfieithu i 15 iaith a’i throi’n ffilm arobryn. Enillodd ei ail nofel, Wild Abandon, Wobr Encore y Gymdeithas Lenyddiaeth Frenhinol. Cyhoeddwyd ei gasgliad cyntaf o farddoniaeth, O Positive, gan Faber & Faber yn 2019. Addaswyd ei lyfr diweddaraf, Children of Radium – cofiant am deulu ac arfau cemegol – yn bodlediad ar gyfer BBC Radio 4, ac enillodd wobr Llyfr y Flwyddyn Cymru yn 2026. Fe'i ganed yn Abertawe ac mae'n byw yn Llundain.
