Trosolwg grŵp

Mae cyfrifiadurwyr o Brifysgol Abertawe wedi gweithio mewn amrywiaeth eang o bynciau ym meysydd cyfrifiadura gweledol. Ers 1992, pan gafodd ei sefydlu gan yr Athro Min Chen (bellach yn Rhydychen) a'r Athro Peter Townsend (sydd wedi ymddeol), mae'r grŵp wedi tyfu i gynnwys 11 o academyddion (Dr Daniel Archambault, Dr Jingjing Deng, Dr Mike Edwards, Dr Jonathan-Lee Jones, yr Athro Mark W Jones, Dr Robert S Laramee, Dr Ben Mora, Dr Gary Tam, Dr Sean Walton, Dr Joss Whittle, Dr Xianghua Xie) sy'n arwain tîm gynorthwywyr ymchwil a myfyrwyr PhD/MPhil/MRes.

Mae'r grŵp wedi cyfrannu casgliad sylweddol o dechnegau newydd a darganfyddiadau pwysig ym meysydd delweddu data, golwg gyfrifiadurol, mwyngloddio data, deallusrwydd artiffisial, dadansoddeg weledol, gwyddor data, graffeg gyfrifiadurol, rhyngweithio a rhaglennu GPU. Mae'r grŵp yn dilyn rhaglen uchelgeisiol sy'n cael ei hysgogi gan chwilfrydedd er mwyn datblygu algorithmau a dulliau newydd, yn ogystal â thechnegau ac offer meddalwedd uwch ar gyfer y meysydd hyn. Mae'n cydweithredu ar nifer o brosiectau parhaus â gwyddonwyr ledled y byd, ac mae'n chwarae rôl allweddol wrth drosglwyddo gwybodaeth ac mewn cymwysiadau diwydiannol.