Moeseg ac Uniondeb Chwaraeon, MA

Gofynion mynediad cwrs Erasmus Mundus MA mewn Moeseg ac Uniondeb Chwaraeon yw gradd dosbarth cyntaf (1af) neu ail ddosbarth uwch (2.1) mewn disgyblaeth berthnasol.

Rydym yn croesawu ceisiadau gan ddarpar fyfyrwyr o bob cwr o'r byd ac yn chwilio am dystiolaeth o astudiaethau blaenorol sy'n cyfateb i'r gofynion mynediad a nodwyd uchod. Mae'r Swyddfa Derbyn Ôl-raddedig yn fwy na pharod i roi cyngor i chi ar b'un a yw eich cymwysterau yn bodloni gofynion mynediad y cwrs yr hoffech ei astudio. Anfonwch neges e-bost i gael rhagor o wybodaeth.

Os nad Saesneg yw eich iaith gyntaf bydd angen marc llwyddo derbyniol mewn cymhwyster Saesneg cymeradwy arnoch er mwyn gwneud yn siŵr y byddwch yn gallu manteisio i'r eithaf ar eich astudiaethau yn Abertawe. Rydym yn ystyried amrywiaeth eang o gymwysterau, gan gynnwys Prawf Saesneg Prifysgol Abertawe, prawf IELTS y British Council (gyda sgôr gyffredinol o 6.5 a 5.5 o leiaf ym mhob elfen). Ceir rhestr lawn o brofion Saesneg derbyniol yn:
http://www.swansea.ac.uk/postgraduate/apply/englishlanguagerequirements/

Os wyt ti'n siarad Cymraeg, mae Academi Hywel Teifi, yma i'th gefnogi gydol dy amser ym Mhrifysgol Abertawe o safbwynt dy astudiaethau a'th brofiad myfyriwr. Mae Prifysgol Abertawe yn cynnig:

• Cyfweliad cyfrwng Cymraeg wrth wneud cais am le ar gwrs.
• Dewis i gael gohebiaeth bersonol yn y Gymraeg – byddwn yn cyfathrebu yn dy ddewis iaith.
• Dewis i ysgrifennu a chyflwyno dy waith cwrs, a sefyll dy arholiadau drwy gyfrwng y Gymraeg (hyd yn oed os mai Saesneg yw iaith dy astudiaethau) a gwneir pob ymdrech i'w farcio'r gwaith yn yr iaith wreiddiol.
• Tiwtor personol sy'n siarad Cymraeg.
• Cymorth un-i-un i loywi dy sgiliau Cymraeg academaidd.

Ers 2011, mae cynnydd o 113% wedi bod yn nifer y myfyrwyr sy'n astudio trwy gyfrwng y Gymraeg ym Mhrifysgol Abertawe ac yn ôl ein data TEF yn 2017 a 2018 mae myfyrwyr Cymraeg eu hiaith yn llwyddiannus iawn o safbwynt cyflogadwyedd.

Mae'r staff academaidd yn cynnwys

Prifysgol Abertawe

Yr Athro Mike McNamee

Dr John William Devine

Y Darlithydd Cyswllt Camilla Knight

Dr Andrew Bloodworth

Dr Andrew Harvey

Prifysgol Charles, Prague

Yr Athro Cyswllt Irena Martinkova

Yr Athro Jim Parry

Dr. Kamil Kotlik

Yr Athro Cyswllt Irena Slepickova

Prifysgol Johannes Gutenberg Mainz

Yr Athro Holger Preuss

Yr Athro Perikles Simon

KU Leuven - Prifysgol Leuven

Yr Athro Yves C Vanlandewijck

Yr Athro Jan Tolleneer

Yr Athro Andreas De Block

Prifysgol Peloponnese

Yr Athro Konstantiones Georgiadis

Yr Athro Athanassios Strigas

Universitat Pompeu Fabra, Barcelona

Yr Athro Jose Luise Perez Trivino

Yr Athro Alberto Carrio Sampedro

Mae patrwm symudedd y rhaglen ddwy flynedd yn golygu y bydd yn rhaid teithio i safleoedd o leiaf tri o'r partneriaid, ac felly dylid ystyried costau teithio i Roeg, Barcelona a Prague yn y lle cyntaf ac yna unrhyw deithiau yn ystod y tymor i safleoedd unrhyw un o'r chwe phartner yn ogystal ag unrhyw fisâu y byddai eu hangen er mwyn teithio ymlaen i unrhyw gyrchfan.

MA 2 Flynedd Llawn Amser

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae'r ffenestr Ysgoloriaethau ar gyfer 2019 bellach wedi cau.

Mae'r ffenestr ar gyfer ceisiadau gan ymgeiswyr sy'n ariannu eu hunain bellach ar agor.

Os oes gennych unrhyw gwestiynau yn y cyfamser, cysylltwch â astudio@abertawe.ac.uk

Ni ellir astudio opsiwn rhan-amser y cwrs hwn ochr yn ochr â chyflogaeth llawn amser.

Os ydych eisiau trafod yr oriau gofynnol ac amserlen y cwrs, cysylltwch â ni drwy e-bostio engineering@swansea.ac.uk  neu ffonio 01792 295514