Y Grant Cymunedol

Image of School of Engineering on Bay Campus

Gwnewch Gais Heddiw!

Beth yw'r Grant Cymunedol?

Mae ein Grant Cymunedol yn cynnig hyd at £250 i gymdeithas myfyrwyr sydd â syniad o sut i wella cymuned ddaearyddol a fydd o fudd i fyfyrwyr ac aelodau'r gymuned. Gall hyn fod yn rhywbeth mor syml â phrosiect casglu sbwriel neu harddu, neu ddigwyddiad cymunedol mwy. Os oes gennych unrhyw gwestiynau neu ymholiadau, mae croeso i chi gysylltu â'r tîm cymunedol a fydd yn hapus i'ch helpu.

Nodiadau ar wneud cais, cymhwysedd ac arweiniad

Pwy sy'n gymwys?

Mae Grantiau Cymunedol Bywyd Campws Prifysgol Abertawe (hyd at £250 y cais) ar gael ar gyfer mentrau sy'n bodloni'r meini prawf canlynol:

Rhaid bod y fenter yn cynnig manteision i gymuned ddaearyddol yn Abertawe lle mae myfyrwyr a phobl nad ydynt yn fyfyrwyr yn byw
Rhaid i'r cynnig gael ei gyflwyno gan gymdeithas myfyrwyr sydd â chyfansoddiad
Rhaid i'r cynnig amlygu cyfranogiad myfyrwyr

Y Broses Ymgeisio

Dylai ceisiadau gael eu cyflwyno drwy gwblhau'r Ffurflen gais am Grant Cymunedol.

Rhaid e-bostio'r ffurflen wedi'i chwblhau i community.campuslife@swansea.ac.uk

Mae'n ddrwg gennym ond ni allwn ymateb i geisiadau am gyllid nad ydynt wedi'u cyflwyno ar y ffurflen gais neu geisiadau sy'n anghyflawn.

Ni allwn ystyried ceisiadau am ddyfarniad os nad ydynt yn bodloni ein meini prawf cymhwyso.

Y dyddiadau canlynol yw'r dyddiadau cau ar gyfer cyflwyno ceisiadau bob blwyddyn:

31 Hydref

28 Chwefror

30 Ebrill

Mae penderfyniad y bwrdd yn derfynol.

Nodiadau Pellach

Ni allwn ystyried ceisiadau am ddyfarniad os nad ydynt yn bodloni ein meini prawf cymhwyso.

Ar ôl i ni dderbyn eich cais, ynghyd ag unrhyw ddogfennaeth ategol, caiff ei asesu yn erbyn y meini prawf cymhwyso.

Byddwch yn cael cadarnhad bod eich cais wedi'i dderbyn o fewn tri diwrnod gwaith i'w anfon.

Cewch eich hysbysu am ganlyniad eich cais drwy e-bost.

Mae gennym swm penodedig o gyllid i'w ddyrannu, felly gallwn ariannu nifer cyfyngedig yn unig o geisiadau.

Gall y panel ofyn am ymweld â'r sefydliad sy'n gwneud y cais fel rhan o'i broses benderfynu. Caiff hyn ei drefnu ar amser sy'n gyfleus i bawb.

Sylwer, os bydd eich cais yn llwyddiannus, bydd angen i chi gadarnhau eich bod wedi derbyn eich grant.

Derbynnir ceisiadau ar yr amod y bydd sefydliadau llwyddiannus yn cytuno i gyhoeddusrwydd posib mewn unrhyw ddeunyddiau a gyhoeddir gan Brifysgol Abertawe.

Gellir gofyn i ymgeiswyr llwyddiannus ddarparu adroddiad byr o'r manteision sy'n deillio o'r cyllid a rhai lluniau.

Mae'n un o ofynion y grant bod Prifysgol Abertawe a BywydCampws yn cael eu cydnabod yn gyhoeddus mewn unrhyw gyhoeddusrwydd am y grant a/neu mewn unrhyw ddeunyddiau perthnasol a gynhyrchir gan y sefydliad mewn perthynas â'r grant. Caiff logos eu darparu i'r ymgeiswyr llwyddiannus ar gais.

Ffurflen Gais

Y Wobr Gymdogol

Mae Cymuned@BywydCampws yn cyflwyno'r Wobr Gymdogol i fyfyrwyr Prifysgol Abertawe. Bydd y myfyrwyr hyn yn cael eu henwebu gan drigolion lleol am eu cyfraniad i'r gymuned ac ymddygiad cymdogol rhagorol. Nod Prifysgol Abertawe yw annog myfyrwyr i fod yn aelodau gwerthfawr o gymdeithas. Bydd y sgiliau sydd eu hangen i fod yn gymydog da yn bwysig am oes.

Dyma'r meini prawf wrth ystyried rhywun i enwebu:

Dod i adnabod cymdogion
Bod yn ymwybodol ac yn ystyriol o sŵn drwy gydol y dydd a'r nos
Gwaredu gwastraff yn briodol ac yn gyfrifol
Bod yn aelod gweithgar o'r gymuned.

Ydych chi wedi cael cymdogion myfyrwyr ystyriol a chymwynasgar eithriadol? A oes myfyriwr unigol, tŷ myfyrwyr neu gymdeithas wedi cefnogi preswylwyr i wneud gwahaniaeth i ble rydych yn byw? Rhannwch eich rhesymau fel y gallant dderbyn y gydnabyddiaeth y maent yn ei haeddu. Gallwch gyflwyno enwebiad gan ddefnyddio'r ffurflen isod: