Cymunedau myfyrwyr ymchwil y Brifysgol, y coleg a'r ysgol

Gwybodaeth am ddigwyddiadau, gweithgareddau a chymorth sy’n cael eu cynnig gan gymunedau ymchwil Colegau/Ysgolion ym Mhrifysgol Abertawe.

Mae ‘The Brilliant Club’ yn elusen arobryn sy'n recriwtio, hyfforddi a thalu ymchwilwyr doethurol ac ôl-ddoethurol i gynnal cyfres o wersi mewn arddull prifysgol. Bydd grwpiau bach o fyfyrwyr uchel eu cyflawniad, mewn ysgolion sy’n gwasanaethu cymunedau difreintiedig, yn cymryd rhan yn y sesiynau yma. Dros y flwyddyn academaidd 2017-18, gosododd ‘The Brilliant Club’ dros 500 o ymchwilwyr mewn ysgolion ledled y DU, lle buont yn gweithio gyda dros 12,000 o ddisgyblion. Mae nawr yna gyfle i chi fod yn rhan o leoliadau tymhorau’r Gwanwyn a’r Haf.

Bydd ‘The Brilliant Club’ yn cynnal digwyddiad ble allech ddarganfod fwy o wybodaeth ar 21 Tachwedd yn 10am yn y Room 303, Keir Hardie Building.

Yn ychwanegol at ennill £500 am bob lleoliad, bydd ymgeiswyr llwyddiannus yn ennill profiad addysgu gwerthfawr, yn gwella eu gwybodaeth am system addysg y DU ac yn datblygu rhaglen o sesiynau gan ddefnyddio elfennau o’u hymchwil eu hunain a fyddent yn rhannu gyda chynulleidfa anarbenigol . Yn ogystal â hyn, byddant hefyd yn ymuno â charfan o ymchwilwyr tebyg sydd â diddordeb mewn ehangu mynediad i brifysgolion detholus iawn. Cefnogir tiwtoriaid gan raglen hyfforddi sy'n cynnwys dwy sesiwn diwrnod llawn, a byddant yn tywys eu disgyblion ar daith i brifysgol.

Am wybodaeth bellach am y cyfle i diwtorio gyda ‘The Brilliant Club’, ewch i: http://www.thebrilliantclub.org/the-brilliant-club-for-researchers/get-involved/

I ymgeisio, ceir ffurflen gais ar: https://www.tfaforms.com/421564

Os oes gennych unrhyw ymholiadau, mae croeso i chi anfon e-bost atom: apply@thebrilliantclub.org / greg.scannell@thebrilliantclub.org

Ydych chi'n adnabod ymchwilydd ôl-raddedig a fydd yn seren yn y dyfodol neu’n oruchwyliwr neilltuol? Gallwch ddathlu eu gwaith caled drwy Wobrau Ymchwil ac Arloesi Prifysgol Abertawe 2020. Gallwch wneud cais nawr a gallwch enwebu eich hun, cydweithiwr neu oruchwyliwr.  Cliciwch yma i wneud cais. 

Cynlluniau yw'r rhain sy'n galluogi myfyrwyr PhD i dreulio tri mis (fel arfer) yn gweithio gyda POST. Bydd y rhan fwyaf o gymrodorion yn ymchwilio, yn ysgrifennu ac yn cyhoeddi nodyn Post pan fyddant yn y Senedd, ond mae rhai cymrodorion wedi cael eu lleoli gyda Phwyllgor Dethol neu Lyfrgell y Senedd.

Am ragor o wybodaeth, ewch i wefan Senedd y DU.

Gŵyl wyddoniaeth flynyddol yw Pint of Science a gynhelir yn ninasoedd gwahanol y DU a ledled y byd. Bydd ymchwilwyr yn rhoi amlinelliad o'u hymchwil i'r cyhoedd mewn amgylchedd hamddenol - fel tafarn! Mae'r digwyddiadau ar gyfer y cyhoedd â diddordeb mewn gwybod yr hyn sy'n digwydd mewn ymchwil gwyddoniaeth, ond efallai nad oes ganddynt gefndir ynddo.

Os hoffech roi sgwrs neu os hoffech fod yn rhan o reoli digwyddiadau (helpu i drefnu siaradwyr, lleoliadau a marchnata), rhowch wybod i ni drwy'r Ffurflen Google hon (dywedwch wrthym pa bwnc y mae gennych ddiddordeb ynddo hefyd). Caiff myfyrwyr PhD ac ymchwilwyr ôl-ddoethurol eu hannog i gymryd rhan, yn enwedig os oes gennych ddiddordeb mewn cyfathrebu gwyddoniaeth, ymgysylltu â'r cyhoedd a rhoi cynnig ar reoli digwyddiad. Os oes gennych ymholiadau, cysylltwch â Sophia Komninou neu Jess Fletcher. 

Mae Ymgyrraedd yn Ehangach yn gyfle i fyfyrwyr Ymchwil Ôl-raddedig brwdfrydig  ddatblygu ymyriadau i bobl ifanc ar sail eu meysydd diddordebau/ymchwil. Bydd Ymgyrraedd yn Ehangach yn eich helpu i ddatblygu gweithgareddau ac adnoddau i gyflwyno sesiynau diddorol mewn ysgolion lleol ac ar y campws i ehangu rhagolygon disgyblion a chefnogi eu sgiliau dysgu. Gall myfyrwyr Ymchwil Ôl-raddedig ymdrechu i wella eu sgiliau cyflogadwyedd a’u hunan-ddatblygiad eu hunain ond gallant hefyd fod yn rhan o ymgyrch sydd â’r nod o hyrwyddo cyfleoedd i gyflawni cydraddoldeb o ran cyrraedd Addysg Uwch. Mynegwch eich diddordeb i Sam Bowen.