1. Hafan
  2. Y Brifysgol
  3. Astudio
  4. Astudio, Gweithio a Haf Dramor
  5. Cyfleoedd Byd Eang i Fyfyrwyr
  6. Prifysgolion Partner Astudio Dramor
  7. Unol Daleithiau America
  8. Prifysgol Kansas (yn Lawrence)
  9. Stori Myfyriwr

Stori Myfyriwr

Stori myfyriwr

Treuliodd Michael flwyddyn academaidd (2014-2015) yn astudio ym Mhrifysgol Kansas fel rhan o'i radd Astudiaethau Americanaidd ym Mhrifysgol Abertawe. Dyma rai o'i sylwadau am ei brofiad:

Prifysgol Kansas yn Lawrence

"Roedd mor agos at y ‘profiad coleg’  Americanaidd nodweddiadol ag yr oeddwn i wedi gobeithio ei gael ac wedi ei ddychmygu, yn debyg mewn rhyw ffordd i sut mae’n ymddangos mewn llawer o ffilmiau, er yn hollol wahanol hefyd ... Roedd wedi’i leoli yn union yng nghanol America, gyda chaeau gwastad cyn belled ag y gallai'r llygad ei weld, ond roedd yn dref berffaith i astudio dramor ynddi." 

Prif Uchafbwyntiau

"Roedd gen i uchafbwyntiau, a dweud y lleiaf - roedd y flwyddyn gyfan yn fythgofiadwy, er bod ambell i atgof yn aros yn hir yn y cof. Cefais gyfle i weld yr Arlywydd Barack Obama yn rhoi araith yn y cnawd ym mis Chwefror eleni, siaradwr cyhoeddus gwirioneddol ryfeddol a phrofiad unwaith mewn oes. Yn ogystal â hyn mynychais nifer o ddigwyddiadau chwaraeon lle'r oedd angerdd anghredadwy i’w weld, na welir mewn prifysgolion ym Mhrydain."

Heriau

"Cafwyd rhai heriau yn ystod y cyfnod dramor, gall cymathu fod yn her fawr o ran dod i arfer â'r mân wahaniaethau mewn diwylliant megis tipio a diffyg trafnidiaeth gyhoeddus. Gallai'r gwahaniaeth amser hefyd fod yn dipyn o her wrth gadw mewn cysylltiad â ffrindiau neu deulu oedd 6 awr tu ôl i ni, a minnau mor bell oddi cartref, er y rhan fwyaf o'r amser wnes i gofleidio fy amgylchedd newydd a gwnes i ei fwynhau'n fawr."

Myfyrdod

"Mae'r flwyddyn yn sicr wedi bod yn agoriad llygad ac wedi rhoi golwg a phrofiad manwl i mi o’r Unol Daleithiau. Roedd gen i agosatrwydd at y wlad yn barod, ond wrth sylweddoli hyn, fe’i hatgyfnerthwyd gan y profiad. Rwy'n edrych ymlaen at y dyfodol i gwblhau fy astudiaethau a, gobeithio, symud un diwrnod neu deithio’n fwy  aml er mwyn gwneud mwy o atgofion gwych ond hefyd ymweld â llawer o'r ffrindiau yr wyf wedi eu gwneud yn ystod yr amser hwn."