Mynd yn Fyd Eang – Iechyd a Diogelwch

Mae cyfle rhyngwladol yn amodol ar broses cymeradwyo teithio rhyngwladol Prifysgol Abertawe, a nodir ym Mholisi Teithio Rhyngwladol y Brifysgol. Bydd unrhyw ymrwymiadau ariannol a wneir cyn cael cymeradwyaeth lawn i deithio yn risg i chi. Chi fydd yn atebol am dalu'r costau hyn os na fyddwch chi'n gallu cymryd rhan.

• Cwblhewch hyfforddiant ar-lein Crisis24
• Dyma gam gyntaf y broses cymeradwyo teithio rhyngwladol
• Mae'r hyfforddiant yn cynnwys 5 modiwl ar-lein byr (tua 1 awr i gyd)
• Bydd y ddolen uchod yn cael ei hactifadu pan fydd hi'n amser i'r myfyrwyr ddechrau'r broses hon. Bydd yr holl fyfyrwyr yn cael gwybod drwy e-bost am pryd y dylent ddechrau.

Cwblhewch y Ffurflen Cais i Deithio ar-lein, a phenderfynwch lefel risg eich lleoliad arfaethedig (a fydd wedi'i lliw-godio)

Bydd dolen i'r ffurflen Gais i Deithio ar-lein berthnasol yn cael ei gweithredu pan fydd hi'n amser i fyfyrwyr ddechrau'r broses hon. Caiff pob myfyriwr wybod drwy e-bost pryd y dylent ddechrau.

Unwaith y bydd myfyrwyr wedi cwblhau Cam 1 uchod yn llwyddiannus, ac wedi penderfynu'n gywir y raddfa risg lliw eu lleoliad arfaethedig, bydd tîm Mynd yn Fyd Eang yn anfon dolen drwy e-bost, gyda'r fideo canllawiau perthnasol, a'r Ffurflen Asesu Risg i'w chwblhau (gwyrdd, ambr neu goch).

Unwaith caiff y ffurflen Asesiad Risg ei chwblhau'n llwyddiannus, caiff ei hadolygu gan y brifysgol cyn y gellir rhoi cymeradwyaeth i deithio.