Trosolwg
Mae Dr Fadi Baghdadi yn gymrawd ymchwil ôl-ddoethurol yn Ysgol Feddygaeth Prifysgol Abertawe.
Mae'n arbenigo mewn ymchwil gymhwysol drwy Ymchwil Weithredu Gyfranogol i gryfhau systemau amddiffyn plant yng Ngogledd Affrica. Mae Fadi hefyd yn rheoli'r astudiaeth a ariennir gan y Sefydliad Cenedlaethol dros Ymchwil Iechyd (NIHR), "BE SURE," gan archwilio defnydd o’r gwasanaeth gofal brys gan unigolion o leiafrifoedd ethnig ar gyfer anafiadau.
Enillodd Dr Baghdadi PhD mewn Cymdeithaseg o Brifysgol Sydney, gan ganolbwyntio ar brofiadau o ymfudo ac anheddu mewn cymuned Libaneaidd yn Awstralia. Yn ystod y cyfnod hwn, bu hefyd yn addysgu 58 modiwl dros 25 cwrs ym Mhrifysgol Sydney a Phrifysgol Technoleg Sydney. Yn dilyn ei astudiaethau doethurol, cafodd Fadi brofiad ymarferol o gefnogi cyrff anllywodraethol yn Taroudant, De Morocco, gan weithio ar brosiectau diogelu plant a ariennir gan y Cenhedloedd Unedig, UNICEF, a'r UE.
Ar hyn o bryd mae Fadi yn cydweithio â rhanddeiliaid sy'n gweithio ym maes iechyd a diogelu plant ym Mauritania, Moroco, Tunisia a'r DU. Nod ei ymchwil yw cefnogi rhanddeiliaid lleol i ddatblygu ymyriadau i leihau cam-drin a sefydliadu plant yn y rhanbarth.