Dr Toby Wells
Cadeirydd Delweddu, CIF, ILS2 – Radiolegydd Ymgynghorol
Astudiodd Dr Wells feddygaeth yng Ngholeg Imperial Llundain a chwblhaodd hyfforddiant pellach mewn Meddygaeth Gyffredinol cyn dod yn arbenigwr mewn radioleg. Mae wedi bod yn ymgynghorydd ers 2012.
Mae Dr Wells yn weithgar mewn ymchwil ac addysgu ac mae'n cynrychioli Radiolegwyr Cymreig ar Fwrdd y Gyfadran neu Goleg Brenhinol y Radiolegwyr.
Mae maes arbenigedd Dr Wells yn cynnwys: Delweddu Gastroberfeddol Uchaf ac Isaf; Oncoleg; a Radioleg Gyffredinol.
Dr Aamer Iqbal
Radiolegydd Cyhyrysgerbydol Ymgynghorol
Astudiodd Dr Iqbal Meddygaeth ym Mhrifysgol Bryste, gan raddio yn 2010 a chwblhaodd ei hyfforddiant radioleg ar Gynllun Hyfforddi Radioleg Cymru. Cwblhaodd gymrodoriaeth Delweddu Cyhyrysgerbydol yn Ysbyty Brenhinol Orthopedig, Birmingham yn 2018.
Mae Dr Iqbal wedi bod yn Radiolegydd Ymgynghorol ym Mwrdd Iechyd Prifysgol Bae Abertawe ers 2019 ac mae'n arbenigo mewn pob math o radioleg gyhyrysgerbydol ac mae ganddo ddiddordeb brwd mewn anafiadau chwaraeon ac ymyrraeth.
Dr Alex Powles
Radiolegydd Ymgynghorol
Graddiodd Dr Powles o Brifysgol Rhydychen â graddau dosbarth cyntaf yn y Gwyddorau Meddygol a Gradd Feddygol BM BCh, a chwblhaodd ei hyfforddiant radioleg ar Gynllun Hyfforddi Radioleg Cymru.
Maes arbenigol Dr Powles yw radioleg-wro, gan gynnwys MRI aml-baramedrig y prostad. Ef yw arweinydd radioleg ar y cyd ar gyfer Tîm Amlddisgyblaethol Wroleg Bae Abertawe.
Dr Shaheena Sadiq
Niwrolegydd Ymgynghorol
Cymhwysodd Dr Sadiq o Ysgol Feddygaeth y Coleg Imperial, Llundain ym 1993. Cwblhaodd Gymrodoriaeth Coleg Brenhinol y Llawfeddygon ym 1995, ac yna Gymrodoriaeth Coleg Brenhinol y Radiolegwyr yn 2005. Penodwyd Dr Sadiq yn Radiolegydd Ymgynghorol ym Mwrdd Iechyd Prifysgol Bae Abertawe yn 2005 gan arbenigo mewn delweddu niwroleg, y pen a'r gwddf. Mae Dr Sadiq yn aelod o Gymdeithas Niwro-radioleg Prydain ac Ewrop.
Mae diddordeb Niwro-radioleg Dr Sadiq yn cynnwys CT ac MRI o'r ymennydd a'r asgwrn cefn gyda ffocws ar gleifion â chur pen, pendro, colli clyw, tiwmorau'r ymennydd, strôc, MS a dementia.
Dr Huw Edwards
Radiolegydd Ymgynghorol
Graddiodd Dr Edwards o Brifysgol Llundain, gweithiodd yn Ysbyty Orthopedig Cenedlaethol Brenhinol Llundain. Aeth ymlaen i gwblhau ei hyfforddiant radioleg yn ne Cymru. Ar hyn o bryd mae'n arbenigo mewn delweddu cyffredinol, cyhyrysgerbydol a chwaraeon.
Mae Dr Edwards yn ymgynghorydd amser llawn ym Mwrdd Iechyd Prifysgol Bae Abertawe ac mae ganddo ddiddordeb mewn ymchwil a hyfforddi cofrestryddion radioleg.
Dr Liam McKnight
Radiolegydd Ymgynghorol
Mae Liam McKnight yn Radiolegydd Ymgynghorol yn Abertawe. Ar ôl cymhwyso o Ysgol Feddygaeth Genedlaethol Cymru ym 1978 a hyfforddi mewn radioleg yng nghynllun hyfforddi Cymru, fe'i penodwyd yn Ymgynghorydd ym 1986. Roedd yn arholwr ar gyfer yr FRCR rhwng 2000 a 2006 ac roedd yn Gadeirydd bwrdd arholi'r FRCR rhwng 2006 a 2011.
Mae'n Uwch-ddarlithydd er Anrhydedd ym Mhrifysgol Abertawe sydd â diddordeb mewn addysgu anatomeg yn ogystal â radioleg.
Mae Dr McKnight yn arbenigo mewn delweddu gynaecolegol.
Dr Daniel R Obaid
Cardiolegydd Ymgynghorol
Cymhwysodd Dr Daniel R Obaid mewn meddygaeth o Brifysgol Caergrawnt yn 2001 a chwblhaodd hyfforddiant arbenigol mewn cardioleg yn Neoniaeth Cymru. Roedd yn Gymrawd Ymchwil Hyfforddiant Clinigol y British Heart Foundation yn Ysbyty Brenhinol Papworth a Phrifysgol Caergrawnt (2009-2012) lle cwblhaodd PhD gan ddefnyddio delweddu mewnwthiol ac anfewnwthiol i adnabod plac atherosglerotig bregus, gwaith a arweiniodd at ennill Gwobr Ymchwilydd Ifanc yng Nghymdeithas CT Cardiofasgwlaidd, UDA.
Mae Dr Obaid yn academydd clinigol sy'n gweithio fel cardiolegydd ymyriadol ymgynghorol er anrhydedd yng Nghanolfan Gardiaidd Ranbarthol Treforys ac yn athro cysylltiol clinigol yn y Cyfleuster Delweddu Clinigol yn ILS 2.
Mae meysydd arbenigedd Dr Obaid yn cynnwys: Cardioleg Ymyriadol, tomograffeg gyfrifiadurol o'r galon,
delweddu intrafasgwlaidd, delweddu plac atherosglerotig a ffactorau dynol a diogelwch cleifion.
Dr Suresh K Dalavaye
Radiolegydd Ymgynghorol
Cymhwysodd Dr Dalavaye ym 1996, a bu'n Radiolegydd Ymgynghorol ym mwrdd Iechyd Prifysgol Bae Abertawe ers 2008. Ymgymerodd â'i hyfforddiant meddygol ac ôl-raddedig mewn Llawfeddygaeth Gyffredinol yn Chennai (Madras), India. Yna cwblhaodd hyfforddiant Radioleg yn Lerpwl. Ar ôl cwblhau'r hyfforddiant, gwnaeth Gymrodoriaeth Radioleg Gyhyrysgerbydol yn Ysbyty Robert Jones ac Agnes Hunt yng Nghroesoswallt.
Mae meysydd arbenigedd Dr Dalavaye yn cynnwys delweddu cyhyrysgerbydol a chwaraeon.
