Trawsgrifiad: Cintec International

Mae ASTUTE 2020 (Technolegau Gweithgynhyrchu Cynaliadwy Uwch) yn bartneriaeth rhwng prifysgolion, sef pum Sefydliad Addysg Uwch yng Nghymru, a ariannir yn rhannol gan Gronfa Datblygu Rhanbarthol Ewrop trwy Lywodraeth Cymru.

Cerddoriaeth offerynnol yn y cefndir.

Logo ASTUTE 2020 (Technolegau Gweithgynhyrchu Cynaliadwy Uwch).

Lluniau cychwynnol o Brif Adeilad Prifysgol Caerdydd.

Logos y Sefydliadau Addysg Uwch sy’n Bartneriaid yn ASTUTE 2020 – Prifysgol Aberystwyth, Prifysgol Caerdydd, Prifysgol Abertawe, Prifysgol De Cymru a Phrifysgol Cymru y Drindod Dewi Sant.

Logo Cronfa Datblygu Rhanbarthol Ewrop.

Lluniau allanol o Brif Adeilad Prifysgol Caerdydd a’r Ysgol Peirianneg.

Prifysgol Caerdydd, adeilad yr Ysgol Peirianneg yn arwain at Swyddog Prosiect ASTUTE 2020 yn edrych ar sgrîn cyfrifiadurol gydag efelychiadau modelu cyfrifiadurol arni.

Swyddog prosiect ASTUTE 2020 yn edrych i mewn i feicrosgop a robot diwydiannol Kuka yn symud o gwmpas mewn dilyniant.

Fi yw Peter James, perchennog Cintec International, sydd wedi’i leoli yng Nghasnewydd, De Cymru. 

System atgyfnerthu strwythurol unigryw yw Cintec, a ddefnyddir i atgyfnerthu strwythurau sy’n dadfeilio mewn modd cydnaws.

Fodd bynnag, mae’n cael ei ddefnyddio’n arbennig mewn strwythurau hanesyddol, waliau cynnal, henebion ac is-haenau gwan iawn. Mae wedi cael ei ddefnyddio ar gyfer angori i’r ddaear, a hefyd o dan y dŵr, at ddibenion fel waliau harbwr.

Siot agos o wahanol elfennau eu cynnyrch angori. 

Mae Cintec hefyd wedi datblygu cynnyrch angori penodol eraill ar gyfer cryfhau pontydd â bwâu cerrig, a dderbyniodd wobr arloesedd y Frenhines, ac sydd bellach yn cael ei ddefnyddio yn India yn ogystal.

Atgyfnerthu pontydd a chryfhau yn erbyn ffrwydron ar gyfer adeiladau allweddol i’w hamddiffyn rhag brawychwyr. 

Siot o wobr y Frenhines am fenter ac arloesedd wedi’i fframio ar y wal yn Nhŷ Cintec.

Siotiau o ffotograffau wedi’u fframio o amrywiol adeiladau mae Cintec wedi gweithio arnyn nhw.

Yn dilyn trafodaethau gydag un o ymgynghorwyr Llywodraeth Cymru, fe wnaethon nhw awgrymu ein bod ni’n cysylltu ag ASTUTE 2020 i weld a fydden nhw’n gallu ein cefnogi â her weithgynhyrchu.

Roedden ni am estyn y defnydd o’n system angori, yn arbennig wrth roi cryfder ychwanegol i’r strwythur roedd angen i ni ganiatáu ar gyfer symud fel daeargrynfeydd, cymalau symud, ac amsugno ffrwydriad.

Daeth tîm ASTUTE i ymweld â’n dyluniad cychwynnol a defnyddio’u harbenigedd i fodelu, optimeiddio a datblygu’r ddyfais. Roedd hynny’n golygu bod modd i ni gydweithio i ddiffinio’r perfformiad oedd yn ofynnol i’r ddyfais, i ddethol y deunydd gweithgynhyrchu mwyaf addas, ac i optimeiddio’r dyluniad trwy fodelu cyfrifiadurol er mwyn sicrhau dadansoddiad cychwynnol gwell.

Bu’r gwaith ymchwil helaeth a wnaed gan ASTUTE a’r wybodaeth a’r arbenigedd a ddarparwyd gan Cintec o gymorth i sicrhau ein bod ni’n bodloni’r meini prawf perfformiad a dylunio gofynnol. 

Siot agos o fodelu cyfrifiadurol ar sgrîn cyfrifiadur.

Ffilm o labordy profi Prifysgol Caerdydd, gan gynnwys siotiau o aelod o’r tîm yn gweithio ar gyfrifiaduron ar y safle, ac o fecanwaith angori Cintec yn cael ei brofi mewn wal.

O ganlyniad i’r broses ddylunio a gweithgynhyrchu newydd rydym wedi cofrestru patent newydd a chyflogi aelod newydd o staff.

Bydd rhoi’r system angori ar waith yn llwyddiannus yn ehangu ein manteision masnachol ac yn darparu atebion mwy cost-effeithiol i ni o ran amddiffyn rhag daeargrynfeydd.

Rhagor o ffilm o’r tu mewn i’r cyfleuster profi yn dangos gwahanol brofion ffisegol a chyfrifiadurol yn cael eu cynnal gan aelod o’r tîm.

Ffilm yn dangos profion daeargryn ar gynnyrch angori Cintec mewn wal yn labordy profi Prifysgol Caerdydd.

Mae ansawdd y gwaith a wnaed wedi bod o fudd aruthrol i’r cwmni. Rydym ni’n awyddus i ddatblygu’r ymchwil ymhellach gydag ASTUTE er mwyn ei dadansoddi ar gyfer cymwysiadau pellach. Mae effeithiolrwydd yn hanfodol bwysig, felly ein nod yw efelychu amgylcheddau realistig gyda’r dyluniadau newydd a blaenorol er mwyn gwirio’u gallu i gyflawni yn ôl y galw, a bydd eu perfformiad cymharol yn cael ei ddadansoddi. 

Gyda chefnogaeth rhaglenni sy’n cael eu hariannu gan yr UE, fel ASTUTE 2020, rydym wedi gallu gyrru ein galluoedd ymchwil a datblygu ymlaen o fewn y cwmni.

Siot o brofion cryndod yn labordy Caerdydd lle bu’r tîm yn ail-greu amodau daeargryn i brofi effeithiolrwydd cynnyrch angori Cintec.

Ffilm agos o gynnyrch angori Cintec ar fwrdd yn ei gasyn amddiffynnol. 

Logos partneriaid ASTUTE 2020 – Prifysgol Aberystwyth, Prifysgol Caerdydd, Prifysgol Abertawe, Prifysgol De Cymru, a Phrifysgol Cymru y Drindod Dewi Sant.

Logo ASTUTE 2020 a Chronfa Datblygu Rhanbarthol Ewrop.