Panel Beirniadu

Cafodd Lucy Caldwell, a aned ym Melffast, ei rhoi ar restr fer Gwobr Dylan Thomas Prifysgol Abertawe yn ei blwyddyn gyntaf yn 2006, a hynny am ei nofel gyntaf, Where They Were Missed. Enillodd y wobr yn 2011 am ei hail nofel, The Meeting Point. Ers hynny, mae wedi ysgrifennu trydedd nofel, sawl drama lwyfan a drama radio ac, yn fwyaf diweddar, dau gasgliad o straeon byrion, Multitudes (2016) ac Intimacies, sydd i'w gyhoeddi gan Faber ym mis Mehefin, yn ogystal â golygu blodeugerdd sydd wedi denu canmoliaeth sylweddol, Being Various: New Irish Short Stories (2019). Yn ddiweddar, cafodd ei hethol yn Gymrawd y Gymdeithas Lenyddiaeth Frenhinol. Mae hi'n trydar o @beingvarious. 
[credyd llun - Tom Routh]

Cyfarwyddwr gŵyl, cyhoeddwr ac awdur sydd wedi ennill gwobrau yw Namita Gokhale. Mae'n awdur deunaw llyfr, gan gynnwys deg gwaith ffuglennol. Bydd ei nofel ddiweddaraf, Jaipur Journals, yn cael ei rhyddhau ym mis Ionawr 2020. Namita yw sylfaenydd a chyd-gyfarwyddwr Gŵyl Lenyddiaeth Jaipur a Mountain Echoes, Gŵyl Lenyddiaeth Bhutan. Mae hi hefyd yn un o gyfarwyddwyr sefydlu tŷ cyhoeddi Yatra Books, sy'n arbenigo mewn cyfieithu. @NamitaGokhale_

Bardd, cyfieithydd ac ysgolhaig yw'r Athro Kurt Heinzelman. Ei lyfr diweddaraf o gerddi yw Whatever You May Say, ac mae wedi cyfieithu Demarcations, casgliad o gerddi gan Jean Follain. Bu'n Guradur Gweithredol yng Nghanolfan Harry Ransom ac yn Gyfarwyddwr Addysg yn Amgueddfa Gelf Blanton. Mae'n Athro mewn Saesneg ym Mhrifysgol Texas-Austin lle mae'n arbenigo mewn Barddoniaeth a Barddoneg, ac yn athro yng Nghanolfan Awduron Michener. Mae hefyd yn gyn Olygydd Gyfarwyddwr Texas Studies in Literature and Language (TSLL), ac yn gyd-sylfaenydd ac yn Olygydd Cynghori Bat City Review ers blynyddoedd maith. 

Magwyd Max Liu yng Nghernyw mewn cymuned o artistiaid ac awduron. Mae wedi ysgrifennu am y celfyddydau, diwylliant a'r gymdeithas ar gyfer yr i, y Financial Times a'r Guardian. Mae'n adolygu llyfrau ac yn cyfweld ag awduron ar gyfer papurau newydd, a bu'n westai ar raglen Open Book Radio 4. Yn 2019, cyfwelodd, ymhlith eraill, ag Elif Shafak, Isabel Allende a Jhumpa Lahiri, ac ysgrifennodd mewn mannau eraill am bynciau gan gynnwys ymatebion dynion i fudiad #MeToo a natur ryweddol gwaith tŷ. Aeth ei draethawd am golli ffrindiau yn ei dridegau yn feirysol gan sbarduno trafodaethau am natur cyfeillgarwch dynion. Mae'n byw yn Llundain lle mae'n cadeirio digwyddiadau llenyddol yn rheolaidd. @maxjliu

Awdur a darlledwr sy'n cyflwyno The Verb ar BBC Radio 3 bob nos Wener yw Ian McMillan. Mae wedi ysgrifennu cerddi, dramâu, hunangofiant ar ffurf cerddi, sef Talking Myself Home, a gwibdaith o amgylch Swydd Efrog yn Neither Nowt Nor Summat. Mae'n gwylio clybiau criced Darfield a Swydd Efrog. Yr unig dro iddo chwarae criced, yn Low Valley Juniors ym 1963, dywedodd Mrs Hudson wrtho am dynnu ei falaclafa neu y byddai'n gwneud iddo wisgo Rainmate ei fam. Casgliad diweddaraf Ian yw To Fold The Evening Star – New and Selected Poems (Carcanet). Dyfarnwyd Rhyddfraint Barnsley i Ian yn ddiweddar.

Mae Ian yn fardd preswyl i'r Academy of Urbanism, Barnsley FC ac mae bellach yn Fardd Llawryfog Barnsley. Yn ogystal â chyflwyno The Verb bob wythnos, mae'n ymddangos yn rheolaidd ar BBC Breakfast, Coast, Countryfile, Pointless Celebrities, Pick of the Week, Last Word a BBC Proms Plus. Mae wedi bod yn westai ar raglen Desert Island Discs. Yn y gorffennol, bu'n fardd preswyl i Opera Cenedlaethol Lloegr, Masnach a Buddsoddi y DU, yn Fardd Ymchwilio i Yorkshire TV ac yn Fardd y Rhawd i Heddlu Glannau Humber. Mae hefyd yn adrodd straeon The Yorkshire Dales a The Lakes (More4).

Ar hyn o bryd mae'n ysgrifennu libreto, The Tin Soldier, gyda Jonathan Dove ar gyfer Corws Gŵyl Leeds, yna bydd yn ysgrifennu sioe newydd ar gyfer hanner canmlwyddiant Theatr Mikron o deithio yn 2021 a libreto ar gyfer Barbwr Seville Swydd Efrog gyda Stiwdios Freedom. Mae cathod yn gwneud iddo disian. @IMcMillan www.ian-mcmillan.co.uk

Awdur, bardd, beirniad a dramodydd Prydeinig-Ghanaidd o dde-ddwyrain Llundain yw Bridget Minamore. Fel newyddiadurwr, mae'n cyfrannu at y Guardian. Fe’i dewiswyd yn un o 40 Seren Llenyddiaeth Ddu Prydain sefydliad Speaking Volumes, mae wedi darllen ei gwaith yn rhyngwladol, a hi yw cyd-diwtor arweiniol y Roundhouse Poetry Collective. Cafodd Titanic (Out-Spoken Press), pamffled cyntaf Bridget o gerddi, sy’n ymdrin â cholled a chariad modern, ei gyhoeddi ym mis Mai 2016. Ar hyn o bryd, mae'n gweithio ar ei nofel gyntaf, y cyhoeddwyd dyfyniad ohoni mewn blodeugerdd, New Daughters of Africa (Myriad) yn 2019.

Mae'r Athro Dai Smith CBE yn hanesydd ac yn awdur o fri ar gelfyddyd a diwylliant Cymru. Fel Darlledwr, mae wedi ennill gwobrau niferus am raglenni dogfen celfyddydol a hanesyddol, a rhwng 1992 a 2000 bu'n Bennaeth Rhaglenni BBC Wales. Roedd yn Ddirprwy Is-Ganghellor Prifysgol Morgannwg rhwng 2001 a 2005, ac ar hyn o bryd ef yw Athro Ymchwil Emeritws Raymond Williams yn Hanes Diwylliannol Cymru ym Mhrifysgol Abertawe. Bu'n Gadeirydd Cyngor Celfyddydau Cymru rhwng 2006 a 2016. Yn 2013, cyhoeddodd nofel, Dream On, ac yn 2014 golygodd flodeugerddi diffiniol o straeon byrion o Gymru, Story I & II, ar gyfer cyfres Llyfrgell Cymru. Yn 2020, cyhoeddodd nofel, The Crossing, fel rhan olaf ei drioleg ffuglennol o waith. Yr Athro Smith yw Cadeirydd y Panel Beirniadu.

Mae Namita Gokhale yn awdur, cyhoeddwr a chyfarwyddwr gwyliau Indiaidd. Mae hi’n awdur un ar bymtheg o lyfrau gan gynnwys naw o lyfrau ffuglen. Cyhoeddwyd ei nofel gyntaf Paro: Dreams of Passion am y tro cyntaf yn 1984 gan barhau’n glasur cwlt hyd heddiw. Mae’r drioleg Himalayaidd yn cynnwys Things to Leave Behind, a gyhoeddwyd yn ddiweddar, sy’n cael ei hystyried fel ei nofel fwyaf uchelgeisiol hyd yma.  Mae hi wedi gweithio'n helaeth ar chwedlau Indiaidd a hefyd wedi ysgrifennu dau lyfr ar gyfer darllenwyr ifanc.

Namita yw cyd-sylfaenydd a chyd-gyfarwyddwr Gŵyl Lenyddiaeth Jaipur, a ystyrir yn yr ŵyl lenyddol am ddim fwyaf yn y byd, yn ogystal ag 'Mountain Echoes', yr Ŵyl Lenyddiaeth Fwtan blynyddol. Mae hi hefyd yn gyfarwyddwr Yatra Books, cwmni cyhoeddi sy'n arbenigo mewn cyfieithu.

Mae’r Athro Kurt Heinzelman yn fardd, yn gyfieithydd ac yn ysgolhaig. 

Ei lyfr diweddaraf yw Whatever You May Say ac mae wedi cyfieithu Demarcations, casgliad o gerddi gan Jean Follain.  Bu'n Guradur Gweithredol Canolfan Harry Ransom ac yn Gyfarwyddwr Addysg Amgueddfa Gelf Blanton.

Yn Athro Saesneg ym Mhrifysgol Texas-Austin yn arbenigo mewn Barddoniaeth a Barddoneg ac athro yn Michener Center for Writers, ef hefyd yw cyn Brif Olygydd Texas Studies in Literature and Language (TSLL), a chyd-sylfaenydd a Golygydd Cynghorol Bat City Review ers tro.  

Dechreuodd Paul McVeigh ei yrfa ysgrifennu ym Melfast fel dramodydd cyn symud i Lundain i ysgrifennu comedi a gafodd ei berfformio yng Ngŵyl Caeredin ac yn theatrau’r West End Llundain. Mae ei straeon byrion wedi cael eu darllen ar BBC Radio 3, 4 a 5 a chafodd y stori 'Hollow' ei chynnwys ar y rhestr fer ar gyfer Stori Fer y Flwyddyn yng Ngwobrau Llyfrau Iwerddon yn 2017.

Enillodd ei nofel gyntaf The Good Son gwobr Nofel Gyntaf The Polari a chafodd ei chynnwys ar restrau byrion nifer o wobrau eraill gan gynnwys gwobr Prix du Roman Cezam yn Ffrainc.  Mae’n Gyfarwyddwr Cysylltiol Word Factory, sefydliad cenedlaethol y DU ar gyfer rhagoriaeth yn y stori fer ac ef yw sylfaenydd Gŵyl Straeon Byrion Llundain.  Mae gwaith Paul wedi cael ei gyfieithu i 7 iaith.

Mae Rachel Trezise yn nofelydd ac yn ddramodydd o Gwm Rhondda yn Ne Cymru. Enillodd ei nofel gyntaf In and Out of the Goldfish Bowl le ar restr Orange Futures yn 2001 ac yn ddiweddar cafodd ei hychwanegu at gyfres Llyfrgell Genedlaethol Cymru. Enillodd ei chasgliad ffuglen fer gyntaf First Apples y Wobr Dylan Thomas Ryngwladol Gyntaf yn 2006.  Enillodd ei hail gasgliad ffuglen byr Cosmic Latte i Wobr Darllenwyr Edge Hill yn 2014. Ei dramâu llwyfan yw Tonypandemonium ac We’re Still Here a gynhyrchwyd gan Theatr Genedlaethol Cymru yn 2013 a 2017.  Cyhoeddir nofel newydd, Wonderful, ym mis Mehefin 2018 ac mae casgliad newydd o straeon byrion a dwy ddrama ar y gweill.

Mae’r Athro Dai Smith CBE yn hanesydd ac yn awdur o fri ym maes celf a llenyddiaeth Cymru.  Fel Darlledwr mae wedi ennill nifer o wobrau am raglenni dogfen celfyddydol a hanesyddol a rhwng 1992 a 2000 ef oedd Pennaeth Rhaglenni BBC Wales.  Bu'n Ddirprwy Is-ganghellor Prifysgol Morgannwg rhwng 2001 a 2005 ac, ar hyn o bryd ef yw Cadair Ymchwil Emeritws Raymond Williams yn Hanes Diwylliannol Cymru ym Mhrifysgol Abertawe. 

Bu’n Gadeirydd Cyngor Celfyddydau Cymru o 2006 i 2016, ac ef yw Golygydd Cyfres Llyfrgell Cymru Llywodraeth Cynulliad Cymru ar gyfer y clasuron.  Yn 2013, cyhoeddwyd ei nofel, Dream On, ac yn 2014, golygydd ddetholiadau o straeon byrion gorau o Gymru, Story I & II ar gyfer Llyfrgell Cymru.  Cyhoeddwyd ei waith ffuglen diweddaraf, y nofel What I Know I Cannot Say, a’r straeon byrion cysylltiedig All That Lies Beneath, gan Parthian Books yn 2017.

Yr Athro Smith yw Cadeirydd y Panel Beirniadu.

Mae’r Athro Kurt Heinzelman yn fardd, yn gyfieithydd ac yn ysgolhaig. Ei lyfr diweddaraf yw Intimacies & Other Devices ac mae wedi cyfieithu Demarcations, casgliad o gerddi gan Jean Follain. Bu'n Guradur Gweithredol Canolfan Harry Ransom ac yn Gyfarwyddwr Addysg Amgueddfa Gelf Blanton.

Yn Athro Barddoniaeth a Barddoneg ym Mhrifysgol Texas-Austin, ef yw Prif Olygydd Texas Studies in Literature and Language (TSLL) a chyd-sylfaenydd a Golygydd Ymgynghorol Bat City Review.

Alison Hindell yw pennaeth Drama Sain DU, y BBC. Mae wedi cyfarwyddo dros 260 o dramâu radio, o gyd-gynyrchiadau rhyngwladol i operau sebon, ac mae wedi ennill gwobrau lu. Mae hi'n rhedeg un o'r adrannau cynhyrchu dramâu radio mwyaf yn y byd ac mae'n gyfrifol am dros 400 awr o ddrama, yn amrywio o'r gyfres eiconig The Archers (gan gynnwys llywio stori Helen a Rob ddaeth i'w benllanw eleni) i greu cyfresi ysgrifennu newydd a chlasuron arobryn ar gyfer llawer o rwydweithiau radio'r BBC.  Yn fwyaf diweddar, mae wedi gweithio gyda’r cyfarwyddwr theatr o fri rhyngwladol, Robert Wilson, ar gyd-gynhyrchiad amlieithog gyda darlledwyr Almaeneg o'r enw Tower of Babel. Gweithiodd Alison i’r Royal Shakespeare Company cyn ymuno â'r BBC. Ar hyn o bryd mae'n Athro Gwadd ym maes Drama Radio i Brifysgol Derby ac yn Gymrawd o Goleg Brenhinol Cerdd a Drama Cymru.

Ganed yr Athro Sarah Moss yng Nglasgow, a chafodd ei magu ym Manceinion cyn astudio yn Rhydychen. Dechreuodd ei gyrfa academaidd gyda’i thraethawd ymchwil ar Wordsworth, Coleridge ac ysgrifennu teithio, ac ysgrifennodd monograff ar fwyd a rhywiau yn llenyddiaeth y ddeunawfed ganrif cyn troi at ffuglen. Mae ei nofelau yn cynnwys: Cold Earth (Granta, 2009), Night Waking(Granta, 2011), Bodies of Light (Granta, 2014), Signs for Lost Children (Granta, 2015) a The Tidal Zone (Granta, 2016). Mae hefyd wedi ysgrifennu cofiant yn seiliedig ar y flwyddyn treuliodd yng Ngwlad yr Iâ, Names for the Sea (Granta, 2012). Mae Sarah wedi dysgu ym Mhrifysgolion Rhydychen, Caint, Caerwysg a Gwlad yr Iâ, ac mae wedi bod yn rhan o Raglen Ysgrifennu Prifysgol Warwick ers 2012.

Mae Prajwal Parajulyyn fab i dad Indiaidd ac i fam Nepalaidd. Cyrhaeddodd The Gurkha's Daughter, ei gasgliad cyntaf o straeon byrion, y rownd derfynol ar gyfer Gwobr Ryngwladol Dylan Thomas yn 2013. Enillodd ei nofel Land Where I Flee, gwobr Llyfr y Flwyddyn yr Independent on Sunday a gwobr Kansas City Star am y llyfr gorau yn 2015. Mae Prajwal yn awdur preswyl ym Mhrifysgol Truman State, Missouri. Mae wedi ysgrifennu ar gyfer The New York Times, TheGuardian, the New Statesman a’r BBC.

Mae’r Athro Dai Smith CBEyn hanesydd ac yn awdur o fri ym maes celf a llenyddiaeth Cymru.  Fel Darlledwr mae wedi ennill nifer o wobrau am raglenni dogfen celfyddydol a hanesyddol a rhwng 1992 a 2000 ef oedd Pennaeth Rhaglenni BBC Wales.  Bu'n Ddirprwy Is-ganghellor Prifysgol Morgannwg rhwng 2001 a 2005 ac, ar hyn o bryd ef yw Cadair Ymchwil Emeritws Raymond Williams yn Hanes Diwylliannol Cymru ym Mhrifysgol Abertawe. 

Bu’n Gadeirydd Cyngor Celfyddydau Cymru o 2006 i 2016, ac ef yw Golygydd Cyfres Llyfrgell Cymru Llywodraeth Cynulliad Cymru ar gyfer y clasuron.  Yn 2013, cyhoeddwyd ei nofel, Dream On, ac yn 2014, golygydd ddetholiadau o straeon byrion gorau o Gymru, Story I & II ar gyfer Llyfrgell Cymru. Cyhoeddwyd ei waith ffuglen diweddaraf, y nofel What I Know I Cannot Say, a’r straeon byrion cysylltiedig All That Lies Beneath, gan Parthian Books yn 2016.

Yr Athro Smith yw Cadeirydd y Panel Beirniadu.

Sarah Hall yw awdur pum nofel -  Haweswater, The Electric Michelangelo, The Carhullan Army, How To Paint A Dead Man a The Wolf Border – yn ogystal â'r casgliad o straeon byrion, The Beautiful Indifference, ac enillodd Wobr Portico ar gyfer Ffuglen a Gwobr Edge Hill ar gyfer stori fer.   Mae ei nofelau wedi cyrraedd rhestrau byr nifer o wobrau o fri, gan gynnwys Gwobr Man Booker, Prix Femina Etranger a Gwobr Arthur C. Clark ar gyfer ffuglen wyddonol. Cafodd The Carhullan Army ei gynnwys ar restr The Times o 100 llyfr gorau'r degawd.  

A hithau'n gymrawd anrhydeddus Prifysgol Aberystwyth ac yn gymrawd Sefydliad Civtella Ranieri, mae Sarah yn diwtor ar gyfer y Faber Academy, The Guardian a Sefydliad Arfon.

Mae Kurt Heinzelman yn fardd, yn gyfieithydd ac yn ysgolhaig.  Ei lyfr diweddaraf yw Intimacies & Other Devices ac mae wedi cyfieithu Demarcations, casgliad o gerddi gan Jean Follain. 

Bu'n Guradur Gweithredol Canolfan Harry Ransom ac yn Gyfarwyddwr Addysg Amgueddfa Gelf Blanton.  Yn Athro Barddoniaeth a Barddoneg ym Mhrifysgol Texas-Austin, ef yw Prif Olygydd Texas Studies in Literature and Language (TSLL) a chyd-sylfaenydd a Golygydd Ymgynghorol Bat City Review.

Mae Phyllida Lloyd CBE yn gyfarwyddwr Prydeinig i'r llwyfan a'r sgrin.  Ymhlith ei gwaith arobryn i'r sgrin y mae Mamma Mia! a The Iron Lady.  

Mae ei gwaith theatraidd yn cynnwys: Josephine and I(Bush/Public Theater Efrog Newydd); Henry IV, Julius Caesar (Donmar Warehouse/St Ann’s Warehouse, Efrog Newydd); The Rime of The Ancient Mariner gyda Fiona Shaw, Mary Stuart (Donmar Warehouse, Apollo, a Broadway - Enwebiad Tony);  Mamma Mia! (Llundain, Broadway, Byd-eang); The Prime of Miss Jean Brodie, The Duchess of Malfi, The Way of The World, Pericles (Y Theatr Genedlaethol Frenhinol). Mae ei gwaith opera'n cynnwys: La Bohème, Medea, Carmen, Gloriana, Peter Grimes (Opera North); Macbeth (Paris/Y Tŷ Opera Brenhinol); The Handmaid's Tale, The Carmelites, Verdi Requiem, Rheingold, Valkyrie, Siegfried, Twilight of The Gods(ENO). Phyllida oedd Athro Drama Cameron Mackintosh 2006 yng Ngholeg St Catherine, Rhydychen. 

Mae Kamila Shamsie wedi ysgrifennu chwe nofel sydd wedi'u cyfieithu i fwy na 25 o ieithoedd, gan gynnwys A God in Every Stone (rhestr fer Gwobr Bailey am Ffuglen gan Fenywod) a Burnt Shadows (rhestr fer Gwobr Ffuglen Orange).  Mae'n Gymrawd y Gymdeithas Frenhinol Llenyddiaeth ac yn un o 'Nofelwyr Gorau Prydain’ yn ôl Granta. Cafodd ei magu yn Karachi a bellach mae'n  byw yn Llundain.

Mae Owen Sheers yn nofelydd, yn fardd ac yn ddramodydd, ac ef yw Athro Creadigrwydd Prifysgol Abertawe. Mae'n awdur dau gasgliad o farddoniaeth, The Blue Book a Skirrid Hill a'r ddrama fydr arobryn, Pink Mist. Mae ei waith ffeithiol yn cynnwys The Dust Diaries a Calon: A Journey to the Heart of Welsh Rugby. Enillodd wobr Llyfr y Flwyddyn Cymru ddwywaith ac mae wedi ysgrifennu nifer o ddramâu, gan gynnwys The Passion, Mametz a The Two Worlds of Charlie F. Dyfarnwyd Gwobr Rhyddid i Lefaru Amnest Rhyngwladol iddo. Bu'n Gymrawd Cullman Llyfrgell Gyhoeddus Efrog Newydd, Artist Preswyl Undeb Rygbi Cymru ac mae'n gymrawd oes anrhydeddus y Sefydliad Materion Cymreig. Mae ei nofel ddiweddaraf, I Saw a Man (Faber, 2015), wedi cael ei chyhoeddi ar draws Ewrop a Gogledd America  ac roedd ar restr fer y Prix Femina Etranger.

Mae Dai Smith yn hanesydd ac yn awdur o fri ym maes celf a llenyddiaeth Cymru.

Bu'n Ddirprwy Is-ganghellor Prifysgol Morgannwg rhwng 2001 a 2005 ac, ar hyn o bryd, ef yw Athro Raymond Williams Hanes Diwylliannol Cymru ym Mhrifysgol Abertawe.

Bu’n Gadeirydd Cyngor Celfyddydau Cymru o 2006 i 2016 ac ef yw Golygydd cyfres Llyfrgell Cymru (prosiect Llywodraeth Cymru) o lenyddiaeth glasurol. Yn 2013, cyhoeddwyd ei nofel, Dream On,ac yn 2014, golygydd ddetholiadau o Straeon Byrion gorau o Gymru, Stori I & II ar gyfer Llyfrgell Cymru.

Yr Athro Smith yw Cadeirydd y Panel Beirniadu.

Peter Florence - Sylfaenydd Gŵyl y Gelli a Chadeirydd y panel beirniadu.

Allison Pearson - Nofelydd a cholofnydd y Daily Telegraph.

Cerys Matthews - Awdur, canwr a chyflwynydd radio BBC6 music.

Carolyn Hitt - Newyddiadurwr ac awdur.

Nick Wroe - Newyddiadurwr Guardian Review.

Kurt Heinzelman - Bardd, cyfieithydd ac Athro Saesneg, Prifysgol Texas yn Austin.

Tishani Doshi - Bardd, newyddiadurwr a dawnsiwr o India.

Peter Stead - Sylfaenydd a Llywydd Gwobr Ryngwladol Dylan Thomas.