Rydym yn falch iawn o wahodd academyddion, ymarferwyr, myfyrwyr, ac unrhyw un sydd â diddordeb yn y gyfraith a thechnolegau sy’n dod i’r amlwg i lansiad Private Law and Intelligent Machines: Continuity and Reform (Hart Publishing, 2026), a ysgrifennwyd gan yr Athrawon Barış Soyer ac Andrew Tettenborn, aelodau o’r Sefydliad Cyfraith Llongau a Masnach Ryngwladol ym Mhrifysgol Abertawe, Ysgol y Gyfraith.
Mae’r llyfr yn archwilio sut y gall fod angen ailystyried athrawiaethau ac egwyddorion sefydledig cyfraith breifat yng ngoleuni’r defnydd cynyddol o beiriannau deallus sy’n gallu gwneud penderfyniadau annibynnol. Mae’n ystyried a all y fframweithiau cyfreithiol presennol ddarparu ar gyfer y datblygiadau technolegol hyn neu a fydd angen diwygio sylweddol. Bydd panel nodedig o arbenigwyr academaidd ac ymarferwyr yn ymuno â’r awduron: Tom Whittaker (Pennaeth Deallusrwydd Artiffisial, Burges Salmon LLP), Yr Athro Pablo Cortés (Prifysgol Caerlŷr), a Dr Peter Underwood (Ysgol y Gyfraith Auckland).
Gyda’i gilydd, byddant yn trafod prif themâu’r llyfr ac yn cymryd rhan mewn trafodaeth ehangach am y cyfleoedd a’r heriau y mae deallusrwydd artiffisial yn eu cyflwyno i ddatblygiad cyfraith breifat yn y dyfodol. Cynhelir y digwyddiad ar-lein ar 11 Tachwedd 2026 am 12:30pm (amser y DU). Byddem wrth ein bodd pe gallech ymuno â ni ar gyfer trafodaeth amserol a fydd yn sicr o ysgogi meddwl.
I gofrestru ar gyfer y digwyddiad, dilynwch y ddolen hon:
https://swanseauniversity.zoom.us/webinar/register/WN_cm8dsr7NQWeLLo4vqOZ9Rg#/registration