Polisïau, Arweiniad a Hyfforddiant

Mae'r holl staff wedi cael eu cofrestru ar yr hyfforddiant a gallant gael mynediad at y cwrs drwy fewngofnodi i Canvas; bydd yr hyfforddiant ar y dangosfwrdd.

Hyfforddiant Ymwybyddiaeth o Ddiogelu a Prevent bellach ar gael fel cwrs ar Canvas ar ABW, côd y cwrs yw:  968-1. Mae'r hyfforddiant hwn ar gyfer yr holl staff ac mae'n rhoi trosolwg cynhwysfawr am ddiogelu a'r ddyletswydd Prevent ac mae'n cynnwys arweiniad clir ar sut i drafod pryderon a sut i adrodd amdanynt. Mae'r hyfforddiant yn cymryd tua awr a chwarter i'w gwblhau. 

Byddwch yn trafod: 

• Diogelu a cham-drin
• Ymdrin â datgeliad a chwythu'r chwiban
• Dyletswydd Prevent 

Datblygwyd yr hyfforddiant hwn i gefnogi'r holl staff, a sicrhau bod ymagwedd gyson at adrodd a rhannu pryderon diogelu, gan gynnwys Prevent.

Un agwedd allweddol ar ein Dyletswydd ym Mhrifysgol Abertawe yw bod staff wedi'u hyfforddi'n briodol. I gefnogi'r agwedd hon ar y Ddyletswydd, mae'r Swyddfa Gartref wedi datblygu pecyn hyfforddi a gyflwynir ar-lein.

Cam 1: Mynediad a chwblhau hyfforddiant PREVENTar-lein. Mae'n cymryd tua 30 i 40 munud i'w gwblhau.

Cam 2: Anfonwch eich tystysgrif ar ôl cwblhau at eich rheolwr llinell cyn gynted â phosib.  Bydd eich rheolwr llinell yn rhoi gwybod i dîm Dysgu a Datblygu'r Brifysgol gan ofyn i'ch cofnod hyfforddi gael ei ddiweddaru. Mae hyn yn bwysig gan fod yn rhaid i ni gofnodi a monitro'r hyfforddiant y mae staff yn ei gwblhau.

Rydym yn ymrwymedig i nodau Rhaglen Prevent, oherwydd ein barn ni yw bod Prevent yn 'Diogelu' ac yn 'Amddiffyn' y bobl fwyaf agored i niwed.