Mae chwech academydd o Brifysgol Abertawe ymhlith aelodau newydd Cymrodoriaeth Cymdeithas Ddysgedig Cymru.
Y rhain ydy:
- Yr Athro Leighton Evans, Athro mewn Theori'r Cyfryngau;
- Yr Athro Cinzia Giannetti, Athro mewn Peirianneg Fecanyddol;
- Yr Athro Neil Loader, Athro Daearyddiaeth Ffisegol;
- Dr Claire Price, Uwch-ddarlithydd mewn Gwyddorau Biofeddygol;
- Yr Athro Charlotte Rees, Is-Ganghellor Pro a Ddeon Gweithredol; and,
- Yr Athro Richard Thomas, Pennaeth Ysgol Diwylliant a Chyfathrebu.
Mae cyhoeddi 44 o Gymrodyr newydd, gyda rhai o Brifysgol Abertawe yn eu plith, yn gyfle i ddathlu amrywiaeth ymchwil, arloesedd, arweinyddiaeth a chreadigrwydd Cymru.
Meddai Hywel Thomas, Llywydd Cymdeithas Ddysgedig Cymru: “Mae dros hanner - 52% - o'n Cymrodyr newydd yn fenywod. Rydym yn gweithio'n weithredol tuag at greu Cymrodoriaeth sy'n adlewyrchu amrywiaeth Cymru, ac rydym yn hapus dros ben i gyrraedd y garreg filltir o ethol y gyfran uchaf o fenywod yn ein hanes.
“Mae croesawu ein Cymrodyr newydd i'r Gymdeithas bob amser yn un o brif uchafbwyntiau blwyddyn y Gymdeithas.
“Hoffwn eu llongyfarch nhw ar y gydnabyddiaeth hon o ragoriaeth a phwysigrwydd eu gwaith a'u cyfraniadau i fywyd yng Nghymru a thu hwnt. Rydym yn edrych ymlaen at ddefnyddio eu profiad a'u gwybodaeth yn ein gwaith ar bolisi a datblygiad ymchwilwyr.”