Mae rhodd hael a dderbyniwyd eleni yn anrhydeddu cof cyn-fyfyriwr, Jeffrey Thomas, a fu farw wrth astudio gyda ni yn y 1970au. Wedi'i rhoi er cof gan ei fam, Cynthia, fwy na 50 mlynedd yn ddiweddarach, mae'r rhodd yn adlewyrchu ei hawydd i greu teyrnged barhaol ac ystyrlon.
Ynghyd â chyfraniad gan y Brifysgol, bydd y rhodd hon bellach yn ariannu Ysgoloriaeth PhD lawn ym maes Peirianneg Gemegol, gan gynnig cyfle i fyfyriwr gymryd y cam nesaf yn ei daith academaidd, un na lwyddodd Jeffrey i barhau â hi’n anffodus.
Byddwn yn falch o dalu teyrnged i Cynthia a Jeffrey yn hwyrach yn y flwyddyn pan fydd yr enwau cyntaf yn cael eu hysgythru yn ein gerddi coffa yng Nghampws Singleton a'r Bae.
