Mae eich siwrne gyda Phrifysgol Abertawe yn dechrau yma, isod fe welwch chi wybodaeth am gyrraedd a chofrestru, cwblhau eich cais am lety, symud i mewn a llawer mwy.
Dysgwch ragor am glybiau a chymdeithasau gan gynnwys clybiau a chymdeithasau Cymraeg, digwyddiadau pythefnos y glas a dysgu pwy yw eich swyddogion Undeb y Myfyrwyr draw ar wefan Undeb y Myfyrwyr.
Cyrraedd a ChroesoOs oes gennych gynnig cadarn amodol neu yswiriant gennym ac rydych yn bodloni'r gofynion, byddwch yn cael eich derbyn yn awtomatig i'ch rhaglen (bydd eich statws yn newid i 'gadarn diamod' neu 'yswiriant'), gwiriwch statws eich cais ar-lein yn UCAS. Os yw eich lle wedi'i gadarnhau, nid oes angen cysylltu â'r brifysgol hefyd. Caiff gwybodaeth yn eich croesawu i'r brifysgol ei hanfon atoch o fewn yr ychydig ddyddiau nesaf.
Os ydych wedi gwneud cais am le yn llety’r Brifysgol, bydd Gwasanaethau Preswyl yn dechrau dyrannu ystafelloedd dros y dyddiau nesaf a dylech dderbyn e-bost ganddynt o fewn wythnos neu ddwy. Cofiwch ddilyn y cyfarwyddiadau yn y cynnig llety i dderbyn eich cynnig.
Os nad ydych eisoes wedi gwneud cais am lety Prifysgol, dylech wneud cais ar-lein cyn gynted â phosibl.
Os oes gennych unrhyw ymholiadau ynglŷn â llety, cysylltwch â’r Tîm Gwasanaethau Preswyl yn uniongyrchol ar 01792 295101.
