Manylion y Cwrs
Wedi'i gefnogi gan TWf, mae'r cwrs yn cael ei addysgu ar y cyd gan 10 arbenigwr diwydiannol sydd â phrofiad ac arbenigedd sylweddol fel contractwyr (e.e. Costain a Skanska) ac fel ymgynghorwyr (e.e. DE-CS, Richter, Crouch Waterfall, RDG, Tony Gee etc.) Mae'n darparu triniaeth eang o waith dros dro, gan gynnwys:
- Peirianneg dull adeiladu - gan Julian Howe;
- Gwaith dros dro mewn cyd-destun prosiect - gan Jim Tod;
- Astudiaethau achos - gan Paul Boddy;
- Peirianneg gwaith dros dro fel disgyblaeth dechnegol – gan Rob Millard;
- Cynaliadwyedd – gan Paul Boddy;
- Digidol ac AI – gan Matthew Hall;
- Crynodeb ar fecaneg strwythurol - gan Bill Hewlett;
- Dylunio mewn pren ar gyfer gwaith dros dro;
- Dylunio mewn dur ar gyfer gwaith dros dro – gan David Milward;
- Dylunio palis – gan Stefano Quintavalle.
Mae'r cwrs yn rhan o'n rhaglenni MSc amser llawn ar gyfer Peirianneg Sifil, Peirianneg Strwythurol a Rheoli Adeiladu. Mae hefyd ar gael i ddysgwyr proffesiynol allanol ei gymryd fel modiwl Datblygu Proffesiynol Parhaus annibynnol.
Bydd gan ddysgwyr Datblygu Proffesiynol Parhaus fynediad llawn at gynnwys y modiwl yn yr un modd â'r myfyrwyr amser llawn. Bydd Prifysgol Abertawe yn rhoi tystysgrif Datblygu Proffesiynol Parhaus i bob myfyriwr allanol ar ddiwedd y cwrs.
Lefel y Cwrs
Cwrs Datblygu Proffesiynol Parhaus annibynnol, gyda thystysgrif Datblygu Proffesiynol Parhaus gan Brifysgol Abertawe.
Pwy ddylai astudio’r cwrs?
Peirianwyr proffesiynol sydd â diddordeb ac y mae arnynt angen hyfforddiant mewn gwaith dros dro.
Dyddiad
Dechrau o'r wythnos gyntaf ym mis Hydref.
Hyd
Mae'n cael ei gyflwyno dros gyfnod o 10 wythnos, gyda darlith/dosbarth trafod 3 awr bob wythnos. Bydd yr holl ddarlithoedd yn cael eu cyflwyno'n fyw â dolen fideo, a byddant i gyd yn cael eu recordio i alluogi mynediad all-lein.
Asesu
Nid yw myfyrwyr Datblygu Proffesiynol Parhaus yn cael eu hasesu/harholi, ond mae angen iddynt gymryd rhan ym mhob un o elfennau’r cwrs a dangos cyfranogiad llawn drwy gwblhau'r profion cwis ar-lein.
Cost
£600
Lleoliad
Mae'r cwrs yn cael ei gyflwyno ar Gampws y Bae Prifysgol Abertawe. Gall myfyrwyr Datblygu Proffesiynol Parhaus ddilyn y cwrs o bell drwy ddarlithoedd ar-lein
