Mathemateg Gymhwysol: Modelu Cyfrifiadol ac Optimeiddio Cyffuriau Gwrthgyrff Cyfunedig ar gyfer Tiwmorau (RS940)

Darparwyr y cyllid:  Y Cyngor Ymchwil Peirianneg a'r Gwyddorau Ffisegol

Y meysydd pwnc: Mathemateg Gymhwysol, Modelu Mathemategol, Bioleg Fathemategol

Dyddiadau dechrau'r prosiect:   Gorffennaf 2026 **(Gweler y nodyn isod ynghylch dyddiadau dechrau hwyrach posibl).

Goruchwylwyr: 

• Yr Athro Gibin Powathil
• Yr Athro Mark Jones

Rhaglen astudio gydnaws:  PhD mewn Mathemateg

Dull astudio: Amser llawn neu Rhan Amser

Man Astudio: Prifysgol Abertawe (Campus Y Bae)

Disgrifiad o'r Prosiect: 

Gellir dosbarthu cyffuriau gwrthganser yn gyffuriau moleciwl bach a moleciwl mawr.  Un o'r mathau mwyaf cymhleth o gyffuriau gwrthganser newydd yw cyffuriau gwrthgyrff cyfunedig (ADCs), lle mae nifer o foleciwlau cyffur cytotocsig yn gysylltiedig â gwrthgorff drwy gysylltwyr cemegol.  Mae cydran y gwrthgorff yn rhwymo i'r antigen ar gelloedd tiwmor, ac ar ôl hynny caiff y cyffur cytotocsig ei ryddhau er mwyn lladd celloedd tiwmor. Mae cyffuriau gwrthgyrff cyfunedig wedi'u dylunio i gyfuno effeithiau lladd celloedd tiwmor cyffuriau cytotocsig â phenodolrwydd gwrthgyrff, er mwyn cynnig therapi mwy effeithiol.  Fodd bynnag, mae cyffuriau gwrthgyrff cyfunedig yn gyffuriau anodd i'w datblygu, oherwydd bod yn rhaid i'r holl nodweddion sy'n gysylltiedig â chysyniadau'r cyffuriau moleciwl bach a mawr gael eu hoptimeiddio gyda'i gilydd.  Defnyddir modelu mathemategol cyfrifiadol i optimeiddio cyffuriau gwrthgyrff cyfunedig mewn ffordd fwy effeithlon drwy nodi'r prosesau a'r paramedrau critigol.

Yn y prosiect hwn, ein nod yw datblygu modelau mathemategol a chyfrifiadol i ragweld dosbarthiad gofodol crynodiad cyffuriau gwrthgyrff cyfunedig a chyffuriau cytotocsig sydd wedi'u rhyddhau dros amser mewn tiwmor ar ôl rhoi cyffuriau gwrthgyrff cyfunedig i glaf, a sut mae'n nhw'n cysylltu â dosbarthiad antigen yn y tiwmor.  Bydd effaith y cyffur cytotocsig i ladd celloedd tiwmor yn cael ei chynnwys er mwyn efelychu ymateb y tiwmor i driniaeth cyffuriau gwrthgyrff cyfunedig.  Defnyddir ymagweddau stocastig neu ymagweddau sy'n seiliedig ar asiant i ddisgrifio heterogenedd mynegiant antigen yn y tiwmor.  Bydd y modelau'n cael eu rhagnodi yn erbyn data cyn-glinigol ac yn cael eu cymharu â modelau llenyddiaeth sy'n seiliedig ar systemau hafaliad differol cyffredin heb ddisgrifiad o heterogenedd gofodol.  Defnyddir efelychiadau a dadansoddiad o sensitifrwydd y model i nodi'r amserlenni dosio gorau posibl neu nodweddion y cyffuriau gwrthgyrff cyfunedig sy'n mwyafu'r ymateb gwrth-diwmor.

Mae'r prosiect hwn mewn cydweithrediad ag arbenigwyr o AstraZeneca.

Mae’r Adran Fathemateg yn rhan o’r Ffowndri Gyfrifiadol, sef canolfan o safon fyd-eang ar gyfer ymchwil ym maes cyfrifiadol, a ariennir yn rhannol gan Gronfa Datblygu Rhanbarthol Ewrop drwy Lywodraeth Cymru. Mae adeilad y Ffowndri Gyfrifiadol newydd sbon yn cynnig amgylchedd delfrydol ar gyfer astudio PhD.

Hyd yr ysgoloriaeth ymchwil: 3 blynedd

Ysgoloriaeth ar agor i ymgeiswyr sy’n gymwys i dalu ffioedd y DU yn unig. 

Oherwydd cyfyngiadau cyllid, mae'r ysgoloriaeth hon ar agor i ymgeiswyr sy'n gymwys i dalu ffïoedd dysgu ar gyfradd y DU yn unig, fel y’i diffinnir gan UKCISA (Rhestr lawn o gategorïau ar gyfer addysg uwch yng Nghymru)

Nodyn ar gyfer ymgeiswyr rhyngwladol ac Ewropeaidd: gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.

PhD: Rhaid i ymgeiswyr ar gyfer cwrs PhD feddu ar radd israddedig ar lefel 2.1, neu gradd meistr â ‘Theilyngdod’ cyffredinol o leiaf (neu radd gyfatebol o'r tu allan i'r DU, fel y'i diffinnir gan Brifysgol Abertawe).

Yr Iaith Saesneg

IELTS 6.0 yn gyffredinol (gyda sgôr o 5.5 neu’n uwch ym mhob elfen unigol) neu gymhwyster a gydnabyddir yn gyfwerth gan Brifysgol Abertawe. Ceir manylion llawn am ein polisi iaith Saesneg, gan gynnwys cyfnod dilysrwydd tystysgrifau, yma.

Mae'r ysgoloriaeth hon yn talu'r holl ffïoedd dysgu gan gynnwys ariantal blynyddol ar raddfa UKRI (sef £20,780 ar gyfer 2025/26 ar hyn o bryd).  

Bydd treuliau ymchwil ychwanegol gwerth hyd at £1,000 y flwyddyn ar gael hefyd.

I wneud cais, cwblhewch y ffurflen gais gyfan, gan ddilyn y ddolen hon:

Mathemateg, PhD – Llawn Amser, Gorffennaf 2026

Mathemateg, PhD – Rhan Amser, Gorffennaf 2026

 Er mwyn cael eich ystyried ar gyfer y dyfarniad ysgoloriaeth hon, mae angen y camau canlynol hefyd. 

1) Yn yr adran 'Gwybodaeth sy'n gysylltiedig â'r Rhaglen', rhowch y Cod RS perthnasol ar gyfer y dyfarniad ysgoloriaeth h.y. RS940

2) Yn yr adran 'Ymchwil' fe welwch 'Teitl prosiect arfaethedig/teitl ysgoloriaeth'* (Gorfodol) 

• Yn 'Teitl prosiect arfaethedig/teitl ysgoloriaeth' rhowch y ddau:  

• y Cod RS940, a 
• teitl yr ysgoloriaeth.   

• Gadewch y maes Goruchwyliwr Arfaethedig yn wag 
• Gadewch y Prosiect Ymchwil (os yw'n berthnasol) yn wag 
• Yn 'Oes gennych gynnig i'w uwchlwytho?*' (Gorfodol) Dewiswch Ydw 
• Yna uwchlwythwch gopi o'r hysbyseb (gallwch gadw'r hysbyseb trwy glicio print, ac yna argraffu i pdf) 

3) Yn yr adran 'Gwybodaeth am gyllid' dewiswch yr opsiwn 'Cyllid Ysgoloriaeth' yn unig. Gwnewch yn siŵr nad oes unrhyw opsiynau eraill wedi'u dewis.  

* Cyfrifoldeb yr ymgeisydd yw rhestru'r wybodaeth uchod yn gywir wrth wneud cais, sylwch na fydd ceisiadau a dderbynnir heb y wybodaeth uchod a restrir yn cael eu hystyried ar gyfer dyfarniad yr ysgoloriaeth. 

Mae angen un cais i bob dyfarniad ysgoloriaeth ymchwil unigol dan arweiniad Prifysgol Abertawe; ni ellir ystyried ceisiadau sy'n rhestru sawl dyfarniad ysgoloriaeth ymchwil dan arweiniad Prifysgol Abertawe. 

NODER: Ymgeiswyr ar gyfer PhD/EngD/ProfD/EdD - er mwyn cefnogi ein hymrwymiad i ddarparu amgylchedd heb wahaniaethu a dathlu amrywiaeth ym Mhrifysgol Abertawe, mae'n ofynnol i chi lenwi Ffurflen Monitro Cydraddoldeb, Amrywiaeth a Chynhwysiant (EDI) yn ychwanegol at eich ffurflen gais rhaglen. 

Sylwch fod llenwi'r Ffurflen Monitro EDI yn orfodol; Efallai na fydd eich cais yn symud ymlaen os na chyflwynir y wybodaeth hon. 

Fel rhan o'ch cais ar-lein, RHAID i chi uwchlwytho'r dogfennau canlynol (peidiwch ag anfon y rhain trwy e-bost): 

• CV 
• Tystysgrifau gradd a thrawsgrifiadau (os ydych chi'n astudio ar gyfer gradd ar hyn o bryd, mae sgrinluniau o'ch graddau hyd yma yn ddigonol) 
• Llythyr eclawrol sy'n cynnwys 'Datganiad Personol Atodol' i esbonio pam mae'r swydd yn cyd-fynd yn arbennig â'ch sgiliau a'ch profiad a sut rydych chi'n dewis datblygu'r prosiect. 
• Un geirda (academaidd neu gyflogwr blaenorol) ar bapur pennawd neu gan ddefnyddio ffurflen geirda Prifysgol Abertawe. Sylwch nad ydym yn gallu derbyn cyfeiriadau a dderbynnir yn dyfynnu cyfrifon e-bost preifat, e.e. Hotmail. Dylai dyfarnwyr ddyfynnu eu cyfeiriad e-bost cyflogaeth i wirio geirda. 
• Tystiolaeth o fodloni gofynion Iaith Saesneg (os yw'n berthnasol). 
• Copi o fisa preswyl y DU (os yw'n berthnasol) 
• Cadarnhau cyflwyno ffurflen EDI 

Croesewir ymholiadau anffurfiol; cysylltwch â: Yr Athro Gibin Powathil g.g.powathil@abetawe.ac.uk

*Rhannu Data Cais Partner Allanol – Sylwer, fel rhan o'r broses dethol ceisiadau am ysgoloriaeth, y gall rhannu data cais ddigwydd gyda phartneriaid allanol y tu allan i'r Brifysgol, pan fo cyd-ariannu prosiect ysgoloriaeth yn berthnasol.

** Mewn amgylchiadau eithriadol, ac yn amodol ar gymeradwyaeth y Brifysgol a/neu'r corff cyllido perthnasol, gellir caniatáu gohirio cynnig tan y cyfnod cofrestru nesaf sydd ar gael. Fel arfer, ni fydd gohiriad o'r fath yn fwy na thri mis calendr o'r dyddiad dechrau a bennwyd yn wreiddiol. Sylwer, dim ond un cais i ohirio gaiff ei ystyried ac ni ellir gwarantu y caiff ei gymeradwyo.