Gwyddor Lled-ddargludyddion, Pheirianneg: (Gyfradd ariantal uwch) Canolfan EPSRC ar gyfer Hyfforddiant Doethurol mewn Sgiliau Dyfodol y Diwydiant Lled-ddargludyddion (RS944)

Darparwyr cyllid: Canolfan EPSRC ar gyfer Hyfforddiant Doethurol mewn Sgiliau Dyfodol y Diwydiant Lled-ddargludyddion y DU

Maes Pwnc: Gwyddor Lled-ddargludyddion a Pheirianneg

Dyddiadau dechrau'r prosiect: 

• Hydref 2026
• Ionawr 2027
• Ebrill 2027
• Gorffennaf 2027

**(Gweler y nodyn isod ynghylch dyddiadau dechrau hwyrach posibl).

Goruchwylwyr: 

• Yr Athro Paul Meredith (Ffiseg)
•  Yr Athro Owen Guy (Cemeg)
• Yr Athro Mike Jennings (Peirianneg Electronig a Thrydanol)
• Dr Saptarsi Ghosh (Peirianneg Electronig a Thrydanol)
• Dr Yaonan Hou (Peirianneg Electronig a Thrydanol)
•  Dr Emrys Evans (Cemeg)
• Dr Dan Lamb (Gwyddor Deunyddiau a Pheirianneg)
• Dr Gregory Burwell (Ffiseg)
• Dr Matthew Elwin (Y Ganolfan Deunyddiau Lled-Dargludydd Integreiddiol)
• Dr Jonathan Evans (Y Ganolfan Deunyddiau Lled-Dargludydd Integreiddiol)
• Yr Athro Karol Kalna ( Peirianneg Electronig a Thrydanol)
• Yr Athro Lijie Li (Peirianneg Electronig a Thrydanol)

Rhaglen astudio gydnaws:

Peirianneg Drydanol, Gwyddor Deunyddiau a Pheirianneg, Ffiseg, Cemeg

Dull Astudio: Amser llawn a Rhan-amser

Lleoliad Astudio: Prifysgol Abertawe (Campws y Bae)

Disgrifiad o'r prosiect: 

Mae hyd at 6 ysgoloriaeth PhD ar gael i ddechrau yn y flwyddyn academaidd 2026-27 (Hydref 2026 – Gorffennaf 2027) fel Carfan gyntaf Canolfan EPSRC newydd ar gyfer Hyfforddiant Doethurol yn Sgiliau Dyfodol Diwydiant Lled-ddargludyddion y DU dan arweiniad Prifysgol Abertawe mewn partneriaeth â Phrifysgol Leeds. Manylion yr ysgoloriaethau PhD:

-        4 blynedd ar gyfradd ariantal uwch a ddarperir gan Raglen TechExpert Llywodraeth y DU** gwerth hyd at £10,000 yn uwch na chyflog sylfaenol UKRI (cyfradd 2026/27 £21,805);

-        maent wedi'u strwythuro'n hyblyg fel 4 blynedd o ymchwil Cyfwerth ag Amser Llawn gyda hyfforddiant sgiliau ymarferol parhaus mewn perthynas â gwyddor lled-ddargludyddion, peirianneg a thechnoleg, ac yn arbennig o addas i fyfyrwyr o lwybrau addysg anhraddodiadol fel prentisiaid â chymhwyster gradd neu'r rhai hynny sy'n ceisio symud sector o ddiwydiant cysylltiedig arall neu aros yn gyflogedig wrth ddilyn eu PhD;

-        y lleoliad fydd cyfleuster ymchwil ac arloesi lled-ddargludyddion newydd o'r radd flaenaf ym Mhrifysgol Abertawe (Y Ganolfan Deunyddiau Lled-ddargludol Integreiddiol y buddsoddwyd £55m ynddi);

-        cysylltiadau agos â byd diwydiant, gyda phrosiectau ymchwil wedi'u cyd-greu a chyfle i dreulio amser ar safleoedd diwydiannol.

Disgrifiad(au) o'r prosiect: Mae lled-ddargludyddion yn alluogwyr allweddol o bron pob agwedd ar gymdeithas fodern, o ffonau clyfar a chyfrifiaduron i gynhyrchu ynni, cyfathrebu, AI, amddiffyn, trafnidiaeth a gofal iechyd. Heb led-ddargludyddion ni fydd trawsnewidiad i Sero Net, ac fel y dangoswyd yn ystod COVID, gall tarfu ar gadwyni cyflenwi gweithgynhyrchu lled-ddargludyddion ddod â'r byd i stop. Er bod y silicon lled-ddargludyddion hollbresennol wedi pweru'r 70 mlynedd diwethaf o dechnoleg, mae lled-ddargludyddion newydd a mwy datblygedig fel lled-ddargludyddion cyfansawdd a moleciwlaidd yn creu cyfleoedd newydd anhygoel mewn meysydd fel electroneg pŵer effeithlon, cynhyrchu a thrawsnewid ynni glân, proseswyr hynod fwy pwerus ar gyfer deallusrwydd artiffisial, trydaneiddio trafnidiaeth a'r twf enfawr mewn technoleg ofod gan gynnwys y posibilrwydd o weithgynhyrchu yn y gofod!

Mae gennym hyd at chwe phrosiect PhD ar gael yng Ngharfan gyntaf Canolfan Hyfforddiant Doethurol newydd Prifysgol Abertawe-Prifysgol Leeds yr EPSRC yn Sgiliau Dyfodol Diwydiant Lled-ddargludyddion y DU (UK-SIFS)*. Bydd y chwe phrosiect hyn mewn cydweithrediad agos â'n partneriaid diwydiannol ac yn cwmpasu nifer o feysydd posibl gwyddoniaeth a pheirianneg technoleg lled-ddargludyddion uwch. Cwmpas y prosiectau fydd:

Prosiect 1: Deunyddiau bwlch band eang iawn (galiwm ocsid a galiwm ocsid alwminiwm) ar gyfer optoelectroneg uwchfioled ac electroneg pŵer caled ymbelydredd: mewn cydweithrediad ag AIXTRON Ltd

Prosiect 2: Gweithgynhyrchu crisialau lled-ddargludyddion o ansawdd uchel yn y gofod: mewn cydweithrediad â Space Forge Ltd

Prosiect 3: Nodweddu a mesureg deunyddiau a dyfeisiau bwlch band eang iawn (hyd at ddwy ysgoloriaeth): mewn cydweithrediad â'r Labordy Ffiseg Cenedlaethol, Zeiss Ltd a Compound Semiconductor Centre Ltd

Prosiect 4:  Deunyddiau a dyfeisiau ar gyfer cydrannau nitrid galiwm fertigol: mewn cydweithrediad â KLA

Prosiect 5:  Prosesu deunyddiau a dyfeisiau lled-ddargludyddion mewn modd cynaliadwy: mewn cydweithrediad ag Edwards Vacuum Ltd

Prosiect 6:  Lled-ddargludyddion moleciwlaidd ar gyfer y genhedlaeth nesaf o optoelectroneg gan gynnwys deunyddiau tripled ar gyfer deuodau allyrru golau a dyfeisiau cysylltiedig

Mae'r prosiectau PhD cyffrous hyn yn cynnig ariantal uwch** ar gyfer y 4 blynedd lawn o astudio a chronfeydd ymchwil hael a grant hyfforddiant ymchwil. Bydd y prosiectau'n cael eu cynnal yng Nghanolfan Deunyddiau Lled-ddargludyddion Integreiddiol newydd Prifysgol Abertawe (CISM) y buddsoddwyd £55 miliwn ynddi, a agorwyd yn ddiweddar yn 2025 ac sy'n darparu ystafelloedd glân saernïo lled-ddargludyddion o'r radd flaenaf a labordai arbrofol cysylltiedig a chyfleusterau dylunio, profi a nodweddu dyfeisiau. Rydym yn croesawu ymgeiswyr sydd â chefndir mewn Ffiseg, Cemeg, pob disgyblaeth Peirianneg a Gwyddor Deunyddiau. Rydym yn croesawu'n benodol geisiadau gan ymgeiswyr o lwybrau addysg anhraddodiadol fel prentisiaid sydd â chymhwyster gradd neu'r rhai hynny sy'n ceisio symud sector o ddiwydiant cysylltiedig arall neu sy'n ymgymryd â PhD wrth barhau i fod yn gyflogedig gyda'u cyflogwr presennol yn y sector lled-ddargludyddion.

*Bydd Sgiliau Dyfodol Diwydiant Lled-ddargludyddion y DU yn creu profiad bywiog ac amlddisgyblaethol i'n holl fyfyrwyr ac yn darparu hyfforddiant ymarferol iawn o werth sylweddol i'r rhai hynny sydd â diddordeb mewn gyrfaoedd yn y sector lled-ddargludyddion a sectorau cysylltiedig fel optoelectroneg ac ynni glân. Byddwch yn cael cyfle i weithio gydag ystod eang o bartneriaid diwydiannol a fydd nid yn unig yn darparu cynnwys hyfforddi ond hefyd yn cyd-oruchwylio ymchwil ac yn cynnal secondiadau. Os ydych chi eisiau ymgymryd ag ymchwil arloesol mewn cyfleusterau o'r radd flaenaf sy'n gysylltiedig yn agos â sector lled-ddargludyddion y DU sy'n ehangu'n gyflym, UK-SIFS a'r prosiectau PhD hyn yw eich cyfle.

**Mae'r garfan gyntaf hon yn rhan o'r cynllun peilot TechExpert (https://www.gov.uk/guidance/techexpert ) sy'n cynnig ychwanegiadau yn yr ariantal gwerth hyd at £10,000 ar gyflog sylfaenol UKRI ynghyd â chymorth cynhwysfawr i fyfyrwyr sy'n gymwys i gael statws ffïoedd cartref am y pedair blynedd lawn o astudio Nod TechExpert yw gwneud astudiaeth ddoethurol yn opsiwn mwy cystadleuol ac ariannol hyfyw i raddedigion talentog, wrth hefyd ddarparu llwybr yn ôl i ymchwil i'r rhai hynny a allai fod wedi gadael oherwydd cyfyngiadau ariannol. Drwy wneud hynny, mae'n cryfhau piblinell arloesi y DU ac yn cyfrannu at ecosystem ymchwil fwy cynhwysol, gwydn ac uchel ei heffaith. Ymunwch â ni i helpu i dyfu gallu cenedlaethol y DU mewn technolegau digidol a lled-ddargludyddion, sy'n rhan o strategaeth ddiwydiannol fodern y DU.

Ysgoloriaeth ar agor i ymgeiswyr sy’n gymwys i dalu ffioedd y DU yn unig.

Oherwydd cyfyngiadau cyllid, mae'r ysgoloriaeth hon ar agor i ymgeiswyr sy'n gymwys i dalu ffïoedd dysgu ar gyfradd y DU yn unig, fel y’i diffinnir gan UKCISA (Rhestr lawn o gategorïau ar gyfer addysg uwch yng Nghymru)

Mae isafswm gofynion mynediad safonol yn berthnasol; fodd bynnag, gellir ystyried unrhyw un sy'n gallu dangos profiad sylweddol mewn diwydiant perthnasol a allai fod yn methu'r gofynion radd mynediad gofynnol safonol. Sylwer bod yn rhaid meddu ar radd Baglor (Anrh).

Mae'r ysgoloriaeth hon yn talu'r holl ffïoedd dysgu gan gynnwys ariantal blynyddol ar raddfa UKRI (sef £21,805 ar gyfer 2026/27 ar hyn o bryd).

Bydd treuliau ymchwil ychwanegol gwerth hyd at £15,000 y flwyddyn ar gael hefyd.

I wneud cais, cwblhewch y ffurflen gais gyfan, gan ddilyn un o’r ddoleni hon fel bo’n briodol:

PhD mewn Ffiseg LlA neu RhA – Hyd 26, Ion 27, Ebr 27, Gor 27.

PhD mewn Peirianneg Electronig a Thrydanol LlA neu RhA – Hyd 26, Ion 27, Ebr 27, Gor 27.

PhD mewn Cemeg LlA neu RhA – Hyd 26, Ion 27, Ebr 27, Gor 27.

PhD mewn Peirianneg Deunyddiau LlA neu RhA – Hyd 26, Ion 27, Ebr 27, Gor 27.

 Er mwyn cael eich ystyried ar gyfer y dyfarniad ysgoloriaeth hon, mae angen y camau canlynol hefyd. 

1) Yn yr adran 'Gwybodaeth sy'n gysylltiedig â'r Rhaglen', rhowch y Cod RS perthnasol ar gyfer y dyfarniad ysgoloriaeth h.y. RS944

2) Yn yr adran 'Ymchwil' fe welwch 'Teitl prosiect arfaethedig/teitl ysgoloriaeth'* (Gorfodol) 

• Yn 'Teitl prosiect arfaethedig/teitl ysgoloriaeth' rhowch y ddau:  

• y Cod RS944, a 
• teitl yr ysgoloriaeth.   

• Gadewch y maes Goruchwyliwr Arfaethedig yn wag 

• Gadewch y Prosiect Ymchwil (os yw'n berthnasol) yn wag 

• Yn 'Oes gennych gynnig i'w uwchlwytho?*' (Gorfodol) Dewiswch Ydw 

• Yna uwchlwythwch gopi o'r hysbyseb (gallwch gadw'r hysbyseb trwy glicio print, ac yna argraffu i pdf) 

3) Yn yr adran 'Gwybodaeth am gyllid' dewiswch yr opsiwn 'Cyllid Ysgoloriaeth' yn unig. Gwnewch yn siŵr nad oes unrhyw opsiynau eraill wedi'u dewis.  

* Cyfrifoldeb yr ymgeisydd yw rhestru'r wybodaeth uchod yn gywir wrth wneud cais, sylwch na fydd ceisiadau a dderbynnir heb y wybodaeth uchod a restrir yn cael eu hystyried ar gyfer dyfarniad yr ysgoloriaeth. 

Mae angen un cais i bob dyfarniad ysgoloriaeth ymchwil unigol dan arweiniad Prifysgol Abertawe; ni ellir ystyried ceisiadau sy'n rhestru sawl dyfarniad ysgoloriaeth ymchwil dan arweiniad Prifysgol Abertawe. 

NODER: Ymgeiswyr ar gyfer PhD/EngD/ProfD/EdD - er mwyn cefnogi ein hymrwymiad i ddarparu amgylchedd heb wahaniaethu a dathlu amrywiaeth ym Mhrifysgol Abertawe, mae'n ofynnol i chi lenwi Ffurflen Monitro Cydraddoldeb, Amrywiaeth a Chynhwysiant (EDI) yn ychwanegol at eich ffurflen gais rhaglen.    

Sylwch fod llenwi'r Ffurflen Monitro EDI yn orfodol; Efallai na fydd eich cais yn symud ymlaen os na chyflwynir y wybodaeth hon. 

Fel rhan o'ch cais ar-lein, RHAID i chi uwchlwytho'r dogfennau canlynol (peidiwch ag anfon y rhain trwy e-bost): 

• CV 
• Tystysgrifau gradd a thrawsgrifiadau (os ydych chi'n astudio ar gyfer gradd ar hyn o bryd, mae sgrinluniau o'ch graddau hyd yma yn ddigonol) 
• Llythyr eclawrol sy'n cynnwys 'Datganiad Personol Atodol' i esbonio pam mae'r swydd yn cyd-fynd yn arbennig â'ch sgiliau a'ch profiad a sut rydych chi'n dewis datblygu'r prosiect. 
• Un geirda (academaidd neu gyflogwr blaenorol) ar bapur pennawd neu gan ddefnyddio ffurflen geirda Prifysgol Abertawe. Sylwch nad ydym yn gallu derbyn cyfeiriadau a dderbynnir yn dyfynnu cyfrifon e-bost preifat, e.e. Hotmail. Dylai dyfarnwyr ddyfynnu eu cyfeiriad e-bost cyflogaeth i wirio geirda. 
• Tystiolaeth o fodloni gofynion Iaith Saesneg (os yw'n berthnasol). 
• Copi o fisa preswyl y DU (os yw'n berthnasol) 
• Cadarnhau cyflwyno ffurflen EDI 

Croesewir ymholiadau anffurfiol; cysylltwch â:

NAME: Yr Athro Paul Meredith

EMAIL: Paul.Meredith@swansea.ac.uk

*Rhannu Data Cais Partner Allanol – Sylwer, fel rhan o'r broses dethol ceisiadau am ysgoloriaeth, y gall rhannu data cais ddigwydd gyda phartneriaid allanol y tu allan i'r Brifysgol, pan fo cyd-ariannu prosiect ysgoloriaeth yn berthnasol.

** Mewn amgylchiadau eithriadol, ac yn amodol ar gymeradwyaeth y Brifysgol a/neu'r corff cyllido perthnasol, gellir caniatáu gohirio cynnig tan y cyfnod cofrestru nesaf sydd ar gael. Fel arfer, ni fydd gohiriad o'r fath yn fwy na thri mis calendr o'r dyddiad dechrau a bennwyd yn wreiddiol. Sylwer, dim ond un cais i ohirio gaiff ei ystyried ac ni ellir gwarantu y caiff ei gymeradwyo.