STEM, Gwyddor Chwaraeon: Egwyddorion a dulliau i gefnogi penderfyniadau ar sail data mewn chwaraeon Olympaidd a Pharalympaidd

Darparwyr y cyllid: Y Cyngor Ymchwil Peirianneg a'r Gwyddorau Ffisegol ac UKSI

Y meysydd pwnc: STEM, Mathemateg, Ffiseg, Cyfrifiadureg, Gwyddor Chwaraeon

Dyddiadau dechrau'r prosiect:  Gorffennaf 2026

**(Gweler y nodyn isod ynghylch dyddiadau dechrau hwyrach posibl).

Goruchwylwyr:

• Dr Rowan Brown
• Yr Athro Liam Kilduff
• Yr AthroNeil Bezodis
• Yr Athro Laura Mason
• Dr Mark Waldron
• Dave Thomas (UKSI)
• Sarah Domone (UKSI)

Rhaglen astudio gydnaws: PhD mewn Gwyddor Chwaraeon ac Ymarfer Corff

Dull astudio: Amser llawn neu Rhan Amser

Man Astudio: Prifysgol Abertawe (Campus Y Bae)

Teitl y Prosiect:  Egwyddorion a dulliau i gefnogi penderfyniadau ar sail data mewn chwaraeon Olympaidd a Pharalympaidd

Disgrifiad o'r Prosiect:

Caiff llawer o ddata ei gasglu’n rheolaidd mewn amgylcheddau hyfforddi a chystadlu perfformiad uchel. Er bod gan y data hwn y potensial i ddylanwadu ar benderfyniadau allweddol ynghylch perfformiad, yn aml, nid yw'r effaith lawn bosib ar berfformiad yn cael ei gwireddu. Mewn rhai achosion, mae hyn oherwydd bod swm y data y gellir ei ddefnyddio'n gymharol fach - o'i gymharu â meysydd 'data mawr' eraill - oherwydd ffactorau megis ansawdd a/neu gyflawnrwydd data. Mewn achosion eraill, lle mae digon o ddata ar gael, gallai’r modelau a ddefnyddir er mwyn casglu gwybodaeth am berfformiad fod yn rhy syml a gallent fethu bodloni tybiaethau mathemategol neu ystadegol, neu gallent fod yn rhy gymhleth a methu adlewyrchu egwyddorion chwaraeon cymhwysol yn llawn, neu efallai nad oes modd i ymarferwyr a hyfforddwyr eu dehongli neu eu defnyddio.

Nod y prosiect hwn yw mynd i'r afael â chwestiynau dilys am berfformiad mewn chwaraeon Olympaidd a Pharalympaidd, yn gyntaf drwy fapio eu penderfyniadau sy’n allweddol i berfformiad, a nodi'r wybodaeth, y dystiolaeth a'r amodau sy’n ofynnol i wneud y penderfyniadau hynny'n dda. Yn ail, bydd y prosiect yn gweithredu dulliau pwrpasol - gan gynnwys dulliau modelu data uwch (e.e., dysgu peirianyddol, modelau efeilliaid digidol) a thechnegau deallusrwydd artiffisial lle bo'n briodol - i ddarparu atebion arloesol sy’n galluogi chwaraeon i wneud penderfyniadau ynghylch perfformiad sydd wedi’u llywio’n well gan ddata a gwneud penderfyniadau allweddol ynghylch perfformiad â mwy o hyder ac eglurder. Mae hwn yn gydweithrediad gwyddor data gymhwysol rhwng Adran Gwyddor Chwaraeon ac Ymarfer Corff Prifysgol Abertawe (maes arbenigol Dadansoddeg Chwaraeon) a Sefydliad Chwaraeon y DU, a bydd yn cyfuno arbenigedd gan y ddau bartner mewn gwyddor chwaraeon, mathemateg ac ystadegau, a chyfrifiadureg. Croesewir ceisiadau gan ymgeiswyr sy'n angerddol am chwaraeon perfformiad uchel, addysg a phrofiad yn unrhyw un/ym mhob un o'r uchod, a pharodrwydd i ehangu eu sgiliau mewn disgyblaethau eraill, a chydweithio ag arbenigwyr o'r disgyblaethau hynny.

Hyd yr ysgoloriaeth ymchwil: 3 blynedd

Ysgoloriaeth ar agor i ymgeiswyr sy’n gymwys i dalu ffioedd y DU yn unig. 

Oherwydd cyfyngiadau cyllid, mae'r ysgoloriaeth hon ar agor i ymgeiswyr sy'n gymwys i dalu ffïoedd dysgu ar gyfradd y DU yn unig, fel y’i diffinnir gan UKCISA (Rhestr lawn o gategorïau ar gyfer addysg uwch yng Nghymru)

Nodyn ar gyfer ymgeiswyr rhyngwladol ac Ewropeaidd: Gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.

Os oes gennych gwestiynau o ran eich cymhwysedd academaidd neu ffïoedd yn seiliedig ar yr uchod, e-bostiwch ppgrscholarships@swansea.ac.uk gyda'r ddolen i'r ysgoloriaethau y mae gennych chi ddiddordeb ynddynt.

PhD: Anghenion derbyn ar gyfer yr PhD Gwyddor Chwaraeon yw ail ddosbarth uwch mewn Gwyddor Chwaraeon neu ddisgyblaeth wyddonol berthnasol debyg.

Yr Iaith Saesneg

IELTS 6.5 yn gyffredinol (gyda sgôr o 5.5 neu’n uwch ym mhob elfen unigol) neu gymhwyster a gydnabyddir yn gyfwerth gan Brifysgol Abertawe. Ceir manylion llawn am ein polisi iaith Saesneg, gan gynnwys cyfnod dilysrwydd tystysgrifau, yma.

Mae'r ysgoloriaeth hon yn talu'r holl ffïoedd dysgu gan gynnwys ariantal blynyddol ar raddfa UKRI (sef £20,780 ar gyfer 2025/26 ar hyn o bryd).

Bydd treuliau ymchwil ychwanegol gwerth hyd at £1,000 y flwyddyn ar gael hefyd.

I wneud cais, cwblhewch y ffurflen gais gyfan, gan ddilyn y ddolen hon.

Er mwyn cael eich ystyried ar gyfer y dyfarniad ysgoloriaeth hon, mae angen y camau canlynol hefyd. 

1) Yn yr adran 'Gwybodaeth sy'n gysylltiedig â'r Rhaglen', rhowch y Cod RS perthnasol ar gyfer y dyfarniad ysgoloriaeth h.y. RS941

2) Yn yr adran 'Ymchwil' fe welwch 'Teitl prosiect arfaethedig/teitl ysgoloriaeth'* (Gorfodol) 

• Yn 'Teitl prosiect arfaethedig/teitl ysgoloriaeth' rhowch y ddau:  

• y Cod RS941, a 
• teitl yr ysgoloriaeth.   

• Gadewch y maes Goruchwyliwr Arfaethedig yn wag 
• Gadewch y Prosiect Ymchwil (os yw'n berthnasol) yn wag 

• Yn 'Oes gennych gynnig i'w uwchlwytho?*' (Gorfodol) Dewiswch Ydw 

• Yna uwchlwythwch gopi o'r hysbyseb (gallwch gadw'r hysbyseb trwy glicio print, ac yna argraffu i pdf) 

3) Yn yr adran 'Gwybodaeth am gyllid' dewiswch yr opsiwn 'Cyllid Ysgoloriaeth' yn unig. Gwnewch yn siŵr nad oes unrhyw opsiynau eraill wedi'u dewis.  

* Cyfrifoldeb yr ymgeisydd yw rhestru'r wybodaeth uchod yn gywir wrth wneud cais, sylwch na fydd ceisiadau a dderbynnir heb y wybodaeth uchod a restrir yn cael eu hystyried ar gyfer dyfarniad yr ysgoloriaeth. 

Mae angen un cais i bob dyfarniad ysgoloriaeth ymchwil unigol dan arweiniad Prifysgol Abertawe; ni ellir ystyried ceisiadau sy'n rhestru sawl dyfarniad ysgoloriaeth ymchwil dan arweiniad Prifysgol Abertawe. 

NODER: Ymgeiswyr ar gyfer PhD/EngD/ProfD/EdD - er mwyn cefnogi ein hymrwymiad i ddarparu amgylchedd heb wahaniaethu a dathlu amrywiaeth ym Mhrifysgol Abertawe, mae'n ofynnol i chi lenwi Ffurflen Monitro Cydraddoldeb, Amrywiaeth a Chynhwysiant (EDI) yn ychwanegol at eich ffurflen gais rhaglen.    

Sylwch fod llenwi'r Ffurflen Monitro EDI yn orfodol; Efallai na fydd eich cais yn symud ymlaen os na chyflwynir y wybodaeth hon. 

Fel rhan o'ch cais ar-lein, RHAID i chi uwchlwytho'r dogfennau canlynol (peidiwch ag anfon y rhain trwy e-bost): 

• CV 
• Tystysgrifau gradd a thrawsgrifiadau (os ydych chi'n astudio ar gyfer gradd ar hyn o bryd, mae sgrinluniau o'ch graddau hyd yma yn ddigonol) 
• Llythyr eclawrol sy'n cynnwys 'Datganiad Personol Atodol' i esbonio pam mae'r swydd yn cyd-fynd yn arbennig â'ch sgiliau a'ch profiad a sut rydych chi'n dewis datblygu'r prosiect. 
• Un geirda (academaidd neu gyflogwr blaenorol) ar bapur pennawd neu gan ddefnyddio ffurflen geirda Prifysgol Abertawe. Sylwch nad ydym yn gallu derbyn cyfeiriadau a dderbynnir yn dyfynnu cyfrifon e-bost preifat, e.e. Hotmail. Dylai dyfarnwyr ddyfynnu eu cyfeiriad e-bost cyflogaeth i wirio geirda. 
• Tystiolaeth o fodloni gofynion Iaith Saesneg (os yw'n berthnasol). 
• Copi o fisa preswyl y DU (os yw'n berthnasol) 
• Cadarnhau cyflwyno ffurflen EDI 

Croesewir ymholiadau anffurfiol; cysylltwch â:

NAME: Dr Rowan Brown

EMAIL: m.r.brown@swansea.ac.uk

NAME: Yr Athro Liam Kilduff

EMAIL: l.kilduff@swansea.ac.uk

NAME: Yr Athro Neil Bezodis

EMAIL: N.E.Bezodis@swansea.ac.uk

*Rhannu Data Cais Partner Allanol – Sylwer, fel rhan o'r broses dethol ceisiadau am ysgoloriaeth, y gall rhannu data cais ddigwydd gyda phartneriaid allanol y tu allan i'r Brifysgol, pan fo cyd-ariannu prosiect ysgoloriaeth yn berthnasol.

** Mewn amgylchiadau eithriadol, ac yn amodol ar gymeradwyaeth y Brifysgol a/neu'r corff cyllido perthnasol, gellir caniatáu gohirio cynnig tan y cyfnod cofrestru nesaf sydd ar gael. Fel arfer, ni fydd gohiriad o'r fath yn fwy na thri mis calendr o'r dyddiad dechrau a bennwyd yn wreiddiol. Sylwer, dim ond un cais i ohirio gaiff ei ystyried ac ni ellir gwarantu y caiff ei gymeradwyo.