Darlith Nadolig

Gallwch brofi hud dysgu: Mae ein darlithoedd Nadolig yn ôl, gan gynnig cyfuniad hudolus o addysg ac adloniant i fyfyrwyr. Ymunwch â ni am sesiynau gafaelgar sy'n gwneud i bynciau cymhleth ddod yn fyw. Cymerwch ran mewn arbrofion rhyngweithiol, arddangosiadau rhyfeddol a thrafodaethau sy'n ysgogi'r meddwl, i gyd wedi'u lapio yn ysbryd yr ŵyl. Mae'r darlithoedd hyn wedi'u cynllunio i'ch ysbrydoli, eich addysgu, a'ch gadael ag ymdeimlad o ryfeddod.

Darlith Nadolig Peirianneg i ysgolion sy'n addas ar gyfer blynyddoedd 10 – 13
Darlith Nadolig Peirianneg ar gyfer teuluoedd sy'n addas ar gyfer plant 10 oed ac yn hŷn

DIGWYDDIADAU BLAENOROL

Gwyddoniaeth Dyn Eira

Gwyddoniaeth Dyn Eira
20 Rhagfyr 2023

Byddwn yn ymchwilio i'r deunyddiau tra diddorol mae eu hangen er mwyn adeiladu'r dyn eira perffaith. Byddwch yn barod i gael hwyl a sbri wrth i Dr Mark Coleman archwilio'r ffiseg, y gemeg a'r beirianneg sy'n creu'r campweithiau oer hyn. Gydag arddangosiadau byw hefyd! Dewch â'ch teulu a'ch ffrindiau am noson o ddysgu, chwerthin a hwyl rewllyd! Mae'r digwyddiad hwn yn berffaith ar gyfer plant 10 oed ac yn hŷn.

Hydrogen – Mwy na chlec fawr!

Hydrogen - Not Just a Big Bang!
13 Rhagfyr 2023

Ymuna â Darlith Nadolig gyfareddol Dr James Courtney ar gemeg ac ynni hydrogen. Dere i ddarganfod potensial harneisio'r un adwaith pwerus a aeth â ni i'r lleuad sy’n cael ei ddefnyddio bellach at ddibenion ynni glân, di-garbon. Gelli di brofi adweithiau cyffrous wrth i ni arddangos hud cyfuno dŵr, gwynt a golau'r haul i greu tanwydd ar gyfer y dyfodol a allai fynd â ni ymhell y tu hwnt i'r lleuad. Mae'r digwyddiad hwn, sy'n ddelfrydol i fyfyrwyr ym mlynyddoedd 10–13, yn sbarduno chwilfrydedd ac yn ysbrydoli'r genhedlaeth nesaf o feddylwyr gwyddonol!

The Moon and Beyond - Darlith Nadolig yr Adran Ffiseg

The Moon and Beyond
11 a 12 Rhagfyr 2023

Ymunwch â ni am ddarlith gyffrous a rhyngweithiol gan yr Athro Andy Newsam, Cyfarwyddwr The Schools’ Observatory ym Mhrifysgol John Moores Lerpwl. Bydd yr Athro Newsam, sy'n ffigwr nodedig ym maes Addysg ac Ymgysylltu â Seryddiaeth, yn mynd â chi ar daith gyfareddol i archwilio rhyfeddodau'r Lleuad a'r tu hwnt. Cyflwyniadau dethol gan fyfyrwyr PhD ym Mhrifysgol Abertawe.

0 Decstilau I Derawattiau

0 Decstilau I Derawattiau
16 Rhagfyr 2022

Mae peirianwyr deunyddiau yn gweithio ym meysydd awyrofod, ynni adnewyddadwy, adeiladu, metelau a mwy...wedi'r cyfan, mae popeth wedi'i wneud o rywbeth!
Mae gennym rai o'r ymchwilwyr gorau yn y DU ym maes deunyddiau solar yn gweithio ym Mhrifysgol Abertawe, a'u cenhadaeth yw sicrhau bod celloedd solar yn cael eu gweithgynhyrchu'n effeithiol o ran cost. Ond sut?

Mae ffabrig Nadoligaidd argraffedig ym mhobman ar hyn o bryd - mae'n rhad ac yn hawdd ei greu. Felly, beth pe gallem argraffu celloedd solar? Ar argraffydd ffabrig? Dim gosodiad drud. Offer argraffu eisoes mewn ffatrïoedd. Arbenigedd diwydiannol eisoes ar waith.

Yn sydyn, mae’r gallu i weithgynhyrchu pŵer solar yn rhad ac yn gyflym yn dod yn realiti y gellir ei wireddu. Ymunwch â'r Athro Trystan Watson wrth iddo fynd â chi ar daith i Fecsico ac yn ôl... o decstilau i derawatiau!