Gall Eich Cefnogaeth chi Newid Bywydau

Eich cefnogaeth chi. Ein Prifysgol ni

Cyfrannwch Rodd

Gallai rhodd heddiw fod yn rhaff achub i fyfyriwr sy'n cael trafferth cael dau ben llinyn ynghyd, gall sbarduno'r datblygiad nesaf mewn ymchwil feddygol sy'n newid bywydau neu gall agor drysau Prifysgol Abertawe i feddwl disglair o bob cwr o'r byd, gan roi'r cyfle iddynt ddilyn eu breuddwydion.

Dewch o hyd i'r achos sy'n eich ysbrydoli isod, neu cysylltwch â'n tîm cyfeillgar yn giving@abertawe.ac.uk - byddem yn falch iawn o glywed gennych.

CRONFA CALEDI MYFYRWYR

Ym Mhrifysgol Abertawe, rydyn ni'n gwybod bod bywyd yn anodd weithiau - yn enwedig i fyfyrwyr sy'n cydbwyso astudiaethau a chyllid.Mae cefnogi Abertawe yn helpu i leddfu'r baich hwnnw drwy ddarparu cyllid brys hanfodol i'r rhai hynny sy'n wynebu caledi annisgwyl.

Gallai rhodd o £75 gynnig cymorth brys gyda chostau byw hanfodol.
Gallai rhodd flynyddol o £120 helpu i sicrhau y gall myfyriwr sydd wedi'i ddieithrio o'i deulu fynd i'w seremoni raddio.
Gallai rhodd fisol o £20 gyfrannu at hanner cost bwrsariaeth galedi gyfartalog, gan roi i'r myfyriwr y sefydlogrwydd sydd ei angen arno i ddilyn ei addysg.

Stori Kate

'Roeddwn i wir yn poeni mai dyna fyddai diwedd fy antur yma. Roeddwn i'n isel fy ysbryd ac nid oeddwn i'n ymdopi â’r sefyllfa’n dda'.

Stori Rabhia

‘A dweud y gwir, heb y grant, dydw i ddim yn siŵr pa sefyllfa byddwn i wedi bod ynddi.’

Stori Tobi

‘Rwy’n gwybod efallai nad ydych chi’n fy adnabod ac efallai nad wyf i’n eich adnabod chi, ond mae eich rhodd wedi fy ngwneud yn ddiolchgar iawn ar hyn o bryd ac rwyf am achub ar y cyfle i ddiolch i chi.’

Gall eich haelioni newid bywydau — gan helpu myfyrwyr talentog i ganolbwyntio ar eu breuddwydion heddiw ac adeiladu dyfodol mwy disglair yfory. Gwnewch gyfraniad nawr i'r Gronfa Caledi Myfyrwyr

Myfyriwr yn darllen llyfr yn y llyfrgell

Ysgoloriaethau a Bwrsariaethau

Ym Mhrifysgol Abertawe, rydyn ni'n gwybod y gall bywyd fod yn anodd - yn enwedig i fyfyrwyr sy'n cydbwyso astudiaethau a chyllid. Mae eich cefnogaeth yn helpu i roi cyllid hanfodol i fyfyrwyr ôl-raddedig sy'n wynebu caledi annisgwyl.

Gall eich haelioni newid bywydau - gyda'ch help chi, ein nod yw codi digon o arian i ddyfarnu mwy o ysgoloriaethau academaidd i bobl ifanc haeddiannol a disglair.

I ddysgu mwy am sut gallwch chi gefnogi yn y modd hwn, e-bostiwch ein tîm cyfeillgar: giving@abertawe.ac.uk

Myfyrwyr noddfa yn sefyll ar risiau Abaty Singleton

Cefnogi Myfyrwyr Noddfa

Mae Prifysgol Abertawe wedi cael statws Prifysgol Noddfa am y croeso a'r cymorth y mae'n eu cynnig i bobl sydd wedi ffoi o'u cartrefi oherwydd gwrthdaro.

Rydym yn codi arian i'r rhai hynny sy'n ffoi rhag gwrthdaro i ddod o hyd i le diogel i astudio yn Abertawe. Gall pob rhodd, ni waeth pa mor fawr neu fach, helpu myfyrwyr fel y rhain i ddod o hyd i sefydlogrwydd, a dysgu a thyfu fel y gallant roi eu sgiliau, eu gwybodaeth a'u gwydnwch ar waith pan ddaw'r adeg iddynt ddychwelyd, a gallant fynd â'u sgiliau, eu gwybodaeth a'u gwydnwch newydd gyda nhw.

Cyfrannwch Rodd

Myfyrwyr yn eistedd ar y gwair yn darllen ac yn cymdeithasu

Yr Angen Mwyaf

Nawr, yn fwy nag erioed, mae myfyrwyr yn wynebu anawsterau ariannol eithriadol.

Cefnogodd rhoddion gan gyn-fyfyrwyr a ffrindiau brosiectau mewn gwir angen; o gyrsiau Iaith Arwyddion Prydain, i les myfyrwyr, i fynediad at TG i ddisgyblion yn Uganda, gwnaeth ein rhoddwyr wahaniaeth gwirioneddol yn ein cymunedau lleol a byd-eang.

Clywch fwy gan y rhai hynny sydd wedi elwa o gyllid o gronfa'r Angen Mwyaf.

Cyfrannwch Rodd