Trosolwg
Rwy'n arbenigo mewn rheoli plâu pryfed sydd o bwys economaidd, gan gynnwys plâu cnydau a fectorau clefydau fel mosgitos a throgod. Mae fy ymchwil yn canolbwyntio ar Ddulliau Integredig o Reoli Plâu, gan bwysleisio monitro plâu pryfed a datblygu bioblaladdwyr fel dewisiadau ecogyfeillgar yn lle plaladdwyr cemegol.
Rwyf wedi cyfrannu at brosiectau amlddisgyblaethol ar archwilio ffactorau sy'n dylanwadu ar wenwyndra ffyngau pathogenig i bryfed a chynnal asesiadau risg ar gyfer bioblaladdwyr ffwngaidd. Mae fy ymchwil yn rhychwantu astudiaethau sylfaenol a gwerthusiadau maes o effeithiolrwydd bioblaladdwyr.
Ar hyn o bryd, rwy'n arwain y BioHYB Cynhyrchion Naturiol, sef cydweithrediad rhwng Prifysgol Abertawe a Chyngor Dinas Abertawe. Nod y fenter hon, a ariennir gan Gronfa Ffyniant Bro Llywodraeth y DU, yw uno'r byd academaidd, byd diwydiant a'r gymuned at ddibenion twf busnes gwydn a dyfodol amgylcheddol cynaliadwy. Rydym yn canolbwyntio ar ehangu'r defnydd o gynhyrchion naturiol mewn amaethyddiaeth, cynhyrchion fferyllol a gweithgynhyrchu i hyrwyddo amgylchedd a chymuned iachach. Ein nod cyffredinol yw gwneud y mwyaf o fanteision adnoddau naturiol wrth leihau aflonyddwch amgylcheddol.