Trawsnewid ein Campws

Llun o du allan i'r llyfrgell o tua 1950

Ehangu Mannau Adeiladu. Anrhydeddu Treftadaeth. Llunio'r Dyfodol

Cefnogwch ein Hymgyrch Gyfalaf Gyntaf

Ym Mhrifysgol Abertawe, mae popeth a wnawn yn dechrau ac yn gorffen gyda'n myfyrwyr. Wrth i'r ffyrdd maen nhw'n dysgu, yn ymchwilio ac yn cydweithio barhau i ddatblygu, felly hefyd y mae'r mannau sy'n eu cefnogi. Bydd ein hymgyrch gyfalaf gyntaf erioed yn trawsnewid y Llyfrgell yng Nghampws Singleton, gan ddechrau gydag adfer yr adeilad hanesyddol o 1937 a pharhau gydag ailddatblygiad Tŵr y Llyfrgell i greu mannau modern, hygyrch a chynaliadwy ar gyfer astudio, darganfod a chydweithio.

Ar adeg o bwysau cynyddol ar draws y sector addysg uwch, mae'r ymgyrch hon yn gwahodd ein cymuned fyd-eang o gyn-fyfyrwyr a chefnogwyr i helpu i lunio'r bennod nesaf yn stori'r Llyfrgell — gan gefnogi ein myfyrwyr a fydd yn llunio'r dyfodol.

Cyfrannwch at ein Prosiect Llyfrgell yma.

Lluniau o du allan i'r llyfrgell o tua 1950

Y Ganolfan Eifftaidd

Mae amgueddfeydd yn sefydliadau diwylliannol hanfodol sy'n chwarae rhan hanfodol wrth ddiogelu hanes, ysbrydoli creadigrwydd a meithrin addysg. Mae'r Ganolfan Eifftaidd wedi ymrwymo i rannu rhyfeddodau’r Aifft hynafol gyda’r byd, ond rydym yn dibynnu ar eich cefnogaeth i barhau â’n gwaith pwysig. Mae eich haelioni yn ein helpu ni i ddatblygu arddangosfeydd newydd, cynnal ymchwil arloesol, a chynnig rhaglenni addysgol i bob oed. Drwy gefnogi'r Ganolfan Eifftaidd, rydych chi'n buddsoddi yn nyfodol treftadaeth ddiwylliannol ac yn ysbrydoli cenhedlaeth newydd o archwilwyr. Darganfyddwch ffyrdd o gefnogi'r Ganolfan Eifftaidd.

Cyfrannwch Rodd

Diwylliant a Threftadaeth

Ym Mhrifysgol Abertawe, mae diwylliant a threftadaeth wrth wraidd ein hunaniaeth, gan gysylltu cenedlaethau o fyfyrwyr, ysgolheigion a chymunedau. Drwy gefnogi Diwylliant a Threftadaeth, rydych chi'n helpu i ddiogelu ein hanes cyfoethog wrth alluogi ymchwil, arddangosfeydd a phrofiadau dysgu newydd sy'n dathlu Cymru a'r byd ehangach. Mae eich haelioni yn amddiffyn casgliadau amhrisiadwy, yn hyrwyddo dealltwriaeth ddiwylliannol, ac yn ysbrydoli storïwyr, haneswyr ac arloeswyr y dyfodol. Gyda'n gilydd, gallwn sicrhau bod treftadaeth Abertawe yn parhau i addysgu, ymgysylltu a chyfoethogi bywydau.

Cyfrannwch Rodd

Llun o ddesg gyda paned o de, cyfrifiaduron a chwpannau o de arno

Menter

Mae cefnogi menter ym Mhrifysgol Abertawe yn grymuso myfyrwyr, ymchwilwyr ac arloeswyr i droi syniadau yn effaith yn y byd go iawn. Mae eich cefnogaeth yn helpu i feithrin talent entrepreneuraidd trwy fentora, cyllid a chyfleoedd dysgu ymarferol. Drwy fuddsoddi mewn menter, rydych chi'n galluogi cychwyn busnes, mentrau cymdeithasol, a phrosiectau cydweithredol sy'n sbarduno twf economaidd ac yn creu newid cadarnhaol. Gyda'n gilydd, gallwn ysbrydoli'r genhedlaeth nesaf o arloeswyr, cryfhau cysylltiadau â diwydiant, a sicrhau bod syniadau beiddgar a ddatblygir yn Abertawe yn gwneud gwahaniaeth parhaol yn lleol ac yn fyd-eang.Darganfyddwch ffyrdd o gefnogi menter.