Trosolwg Canolfan
Mae'r Grŵp Ymchwil Clefydau, Lles ac Adfer Morol (MDWR) yn archwilio sut mae clefydau, maeth a straenachoswyr amgylcheddol yn dylanwadu ar iechyd, lles a gwydnwch rhywogaethau dyfrol, gan ganolbwyntio'n benodol ar bysgod cregyn.
Mae'r grŵp yn integreiddio dyframaeth arbrofol, ecoleg clefydau a gwyddor gwasanaethau ecosystem er mwyn mynd i’r afael â heriau cymhwysol y mae dulliau cynhyrchu bwyd cynaliadwy ac adfer morol yn eu hwynebu. Mae ymchwil bresennol y grŵp yn cwmpasu bwydydd swyddogaethol a lles mewn dyframaeth berdys, adfer wystrys brodorol a gwerthuso gwasanaethau ecosystem, a rhyngweithiadau parasit-lletywr mewn cramenogion gwyllt.
Ymhlith y themâu ymchwil craidd mae:
- Lles anifeiliaid dyfrol ac asesu eu cyflwr
- Ecoleg clefydau morol a dynameg parasitiaid
- Dyframaeth gynaliadwy a bwydydd swyddogaethol
- Adfer pysgod cregyn a gwasanaethau ecosystem
- Trosi gwyddoniaeth yn bolisi, diwydiant, ac arferion adferol
Nod y grŵp yw creu ymchwil a arweinir gan dystiolaeth, sy'n berthnasol i bolisi ac sy'n cefnogi dyframaeth gynaliadwy, ecosystemau arfordirol gwydn, a rheoli morol cyfrifol.