Mae'r fideo canlynol yn rhoi trosolwg i chi o'r gwelliannau sydd wedi'u gwneud i'r broses o gyflwyno aseiniadau a chael mynediad at adborth yn Canvas.
Mae'r opsiwn bellach ar gael i bersonoli'r ffordd rydych chi'n gweld gwybodaeth allweddol ar draws pob cwrs drwy addasu eich dangosfwrdd Canvas gan ddefnyddio teclynnau. Mae hyn yn galluogi mynediad cyflym a hawdd at wybodaeth allweddol sy'n berthnasol i'r holl gyrsiau.
Mae 'Gwaith Cwrs' yn darparu crynodeb o'ch aseiniadau ar draws pob cwrs, gan eich helpu i weld pa waith sydd angen ei gyflwyno'n fuan, pa waith sydd ar goll neu ba waith rydych chi eisoes wedi ei gyflwyno. Gallwch ddiffodd yr olwg hon drwy ddefnyddio'r switsh togl gwyrdd. Hefyd, mae gennych chi'r opsiwn o hidlo fesul cwrs neu fesul statws cyflwyno.
Mae 'Cyhoeddiadau' yn arddangos cyhoeddiadau diweddar ar eich cwrs fel y gallwch gael yr wybodaeth ddiweddaraf, nodiadau atgoffa a gwybodaeth bwysig gan eich hyfforddwyr.
Mae 'Graddau Cwrs' yn cadw cofnod o raddau a chynnydd academaidd ar draws pob cwrs. Mae togl gwyrdd y gallwch chi ei ddewis os nad ydych chi eisiau i'ch graddau fod yn weladwy ar eich dangosfwrdd. Gallwch hefyd reoli cyrsiau unigol drwy glicio ar yr eicon llygad yn y cwrs.
Mae 'Pobl' yn eich galluogi i weld manylion cyswllt eich darlithwyr a chysylltu â nhw. Mae opsiwn i hidlo'r wybodaeth fesul cwrs neu rôl. Gallwch anfon neges at diwtoriaid drwy glicio ar y botwm siâp amlen sydd ar ochr dde enw'r tiwtor.
Mae'r 'Tasgau i'w Gwneud' yn eich galluogi i weld a rheoli’r eitemau yn eich trefnydd, a gweld pa dasgau sydd ar ddod. Gallwch hefyd ychwanegu eich tasgau eich hun a'u neilltuo ar gyfer modiwl.
Mae 'Graddau Diweddar' yn eich galluogi i weld aseiniadau sydd wedi cael eu marcio'n ddiweddar a gwaith rydych chi wedi'i gyflwyno'n ddiweddar. Yn y fan hon, gallwch weld eich holl raddau drwy glicio ar y ddolen 'View all grades'. Bydd hyn yn eich galluogi i gadw cofnod o waith rydych chi wedi'i gyflwyno'n ddiweddar.
Mae 'Trosolwg o'r Cynnydd' yn eich galluogi i weld nifer yr aseiniadau sydd wedi'u marcio, faint o aseiniadau rydych chi wedi'u cyflwyno a faint o aseiniadau sydd ar ôl gennych. Dyma nodyn atgoffa gweledol da am y cynnydd rydych chi wedi'i wneud, yn ogystal â'r hyn sydd ar ôl i'w wneud.
Gallwch gael mynediad at eich mewnflwch Canvas yn gyflym yn 'Blwch Derbyn', gan eich galluogi i weld negeseuon diweddar o'ch sgyrsiau ar Canvas.
Cofiwch, ceir gwybodaeth am yr holl lwybrau cymorth sydd ar gael ar gyfer Canvas gan Instructure a chan Brifysgol Abertawe ar ein tudalen Cymorth i Fyfyrwyr:
Ewch i 'Cymorth Canvas i Fyfyrwyr'
